Mmla'n 1:33 - NYANMIƐN NDƐ'N 1998

³³ Kusu wuun i yɛ ɔ dun mmua amun nyrun yɛ ɔ kunndɛ amun ngblaliɛ kpɛwlɛ mun-ɔn. Kɔnguɛ'n, ɔ fa sin'n kpaja amún bo nan amun wun atin nga amun ko sin nun'n. Wia'n nun'n, ɔ fa sin wɛnsrɛn'n kle amun atin'n.

Mmla'n 1:33 ပူးပေါင်းရင်းမြစ်များ

Neemi 9:12

Wia nun'n, a dun mmua be nyrun, sin wɛnsrɛn'n ɔ ja tiaan yɛ ɔ kle be atin nin-ɔn. Kɔnguɛ a dun mmua be nyrun, sin taaman'n ɔ ja tiaan yɛ ɔ kpaja atin nga be sin su'n su-ɔ.

Jue Mun 105:39

Anannganman fali nyanmiɛn ble'n katali i nvlefuɛ'm bé su. Kɔnguɛ'n, sin yɛ ɔ kpaja bé bo-ɔ.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Jue Mun 78:14

Wia nun'n, ɔ man wɛnsrɛn tiaan kun dun be nyrun mmua yɛ ɔ kle be atin nin-ɔn .

Ezipt Lɔ Tulɛ'n 14:24

Kɛ aliɛ'n wa cɛn'n, Anannganman b'ɔ o sin taaman nin sin wɛnsrɛn'n be afiɛn lɔ'n, ɔ niannin Ezipt alɛ kunfuɛ mun, nan ɔ'a sanngan be nun.

Zeremi 31:2

Anannganman'n wan yoo: «Sran nga be fin alɛ'n nun fiteli bɔ be wo aawlɛ flɛnnɛn'n nun lɔ'n, n yoli be ye. Ɔ man Izraɛl wa di alaje.»

Ezekiɛl 20:6

I cɛn sɔ nun'n, m mannin min sa su n tali be nda kɛ n ´fa be Ezipt lɔ n ´kɔ mɛn kun bɔ i asiɛ'n yo like ye kpa bɔ i kunngba'n ti nnɛn tawlɛ klanman'n i nun. Mɛn sɔ'n i klanman'n tra mɛn'm be kwlaa. Yɛ n siesieli sieli be.

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 14:14

Be kɛnnin i sɔ kleli be lɔfuɛ mun. Be wunnin i kɛ wɔ Anannganman yɛ a jin ɔ nvle'n i sin-ɔn, nan a yi ɔ́ wun nglo a kle ɔ nvlefuɛ mun weiin. Be tili i kɛ wɔ yɛ a sasa be-ɔ. Afin a dun mmua be nyrun, wia nun, a o sin wɛnsrɛn tiaan kun nun, yɛ kɔnguɛ, a o sin tiaan kun nun.