Mmla'n 1:32 - NYANMIƐN NDƐ'N 1998

³² Sanngɛ i blɛ sɔ nun'n, amu'an fa-man amún wla b'a gua-man Anannganman amun Nyanmiɛn'n su.

Mmla'n 1:32 ပူးပေါင်းရင်းမြစ်များ

2 Be Nyoliɛ 20:20

Kɛ i aliɛ cɛnnin'n, nglɛmun ndɛ kpa'n, be jasoli be fali Tekoa aawlɛ flɛnnɛn'n i atin'n. Kɛ be wa kɔ'n, Zozafat jaso jrannin nan ɔ'a kan ndɛ ng'ɔ o yɛ'n ɔ'a kle be. I waan: «Zerizalɛmfuɛ mun nin Zidafuɛ mun, amun `tie ndɛ nga n kan'n! Amun `fa amún wla'n gua Anannganman amun Nyanmiɛn'n su kpa, yɛ ɔ ´man amun fanngan. Amun `fa amun wla'n guɛ i nuan ijɔfuɛ'm be su, yɛ amun wa kwla amun kpɔfuɛ mun.»

Jue Mun 106:24

I sin'n, klɔ bɔ be blɔ i kpa b'ɔ ti'n, b'a buɛ-mɛn i ndɛ nun kun. B'a fa-man Anannganman i nuan ndɛ'n kun.

Jue Mun 78:22

afin b'a lafi-mɛn i su, b'a bu-mɛn i kɛ ɔ kwla be de.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Kalɛ 14:11

Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

Hébreu 4:2

Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.