Mmla'n 1:30 - NYANMIƐN NDƐ'N 1998

³⁰ Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 1:30 ပူးပေါင်းရင်းမြစ်များ

2 Be Nyoliɛ 32:8

I liɛ'n, i sonja'm be ti sran, sanngɛ e liɛ'n, Anannganman e Nyanmiɛn'n yɛ ɔ o é sin-ɔn. Ɔ ´uka ye, ɔ ´kun alɛ'n man ye.» Famiɛn Ezekias i ndɛ sɔ'n wlali klɔ'n sufuɛ'm be kwlaa be fanngan.

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Ezipt Lɔ Tulɛ'n 10:21

Anannganman seli Moiz kɛ: «Man ɔ́ sa'n su nglo! Man aosin wla Ezipt mɛn'n nun, man ɔ wla kpa tritri ɔ ´yo kpikplikpi kpa kɛ like bɔ be kɛn i-ɔ ɔ yo ye'n sa.»

Ezipt Lɔ Tulɛ'n 14:14

Anannganman'n wa kun amún ti alɛ. I ti amun `gua bliin.»

Ezipt Lɔ Tulɛ'n 14:25

Be kakaklolo'm bé ja'm b'a kpɛ-man bé wun kun, be kɔ-ɔ, ɔ yo-man ye kun. Kpɛkuun Eziptfuɛ'm be kpannin be seli kɛ: «Amun man e wanndi Izraɛlfuɛ'm be nyrun, afin Anannganman b'ɔ o bé sin'n nin e su kun.»

Ezipt Lɔ Tulɛ'n 19:4

‹Amun wunnin sa nga n yoli Eziptfuɛ mun'n yɛ amun wunnin wafa nga n fa fali amun m bali mín wun wa'n. Kɛ anunman nyin fa lolo i mma mun, kɛ n kusu n lololi amun sɔ-ɔ.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

Mmla'n 1:29

N seli amun kɛ: «Nán srɛ kun amun. Nán an sro be.

Mmla'n 11:3

Amun wunnin atrɛ ng'ɔ yili mun nin junman ng'ɔ dili be Ezipt lɔ'n. Amun wunnin sa ng'ɔ fa yoli Ezipt famiɛn'n nin i mɛn wunmuan'n.

Mmla'n 29:2

Sa kekleekle ng'ɔ fa yili be su nin abonuan sa ng'ɔ yoli be'n, ɔ nin atrɛ ng'ɔ yili be'n, amun wunnin be.

Mmla'n 3:22

Nán amun sro be. Anannganman amun Nyanmiɛn'n bɔbɔ yɛ ɔ ´kun amún ti alɛ-ɔ.»

Mmla'n 31:3

Anannganman amun Nyanmiɛn'n ɔ ´dun mmua amun nyrun. Ɔ ´nunnun sran nga be o amun nyrun lɔ mun, ɔ ´fa be mɛn'n ´man amun. Sran ng'ɔ ´dun mmua amun nyrun ekun'n yɛlɛ Zozie kɛ Anannganman fa kannin'n sa.

Mmla'n 34:11

Abonuan sa mun nin atrɛ nga Anannganman sunmɛnnin i kɛ ɔ ko yo be Ezipt mɛn'n nun lɔ'n be yoli dan. Ɔ yoli be Ezipt famiɛn'n, nin i mantanfuɛ mun, ɔ nin sran'm be kwlaa be nyrun.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 7:18

Nán amun sro be. Sa nga Anannganman amun Nyanmiɛn'n fa yoli Ezipt famiɛn'n nin Ezipt mɛn wunmuan'n, man amun wla kpɛn su.

Zozie 10:14

Anannganman nian nian-man sran nuan ndɛ su nian yo-man sa kɛ nga sa le, yɛ kɛ ɔ fin i lɛ b'ɔ fa ju ndɛ'n, cɛn kɛ nga lɛ sa i wun su nian ju-man le yɛ ɔ su ju-man le. Anannganman nian yo-man i sɔ like kun. Nanwlɛ, le kun sɔ'n Anannganman ukali Izraɛlfuɛ mun yɛ be kunnin alɛ nin-ɔn.

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.