Mmla'n 1:27 - NYANMIƐN NDƐ'N 1998

²⁷ Amun ijɔli Anannganman amún tannin sua'm be nun. Amun waan: ‹Kpɔlɛ yɛ Anannganman kpɔ é ti yɛ ɔ fali e Ezipt mɛn'n nun lɔ bali-ɔ, i waan ɔ ´fa e wla Amɔrfuɛ'm bé sa nun kɛ be `kun e ti-ɔ.

Mmla'n 1:27 ပူးပေါင်းရင်းမြစ်များ

Jue Mun 106:25

Be o be tannin sua'm be nun lɔ yɛ be ijɔ be konviabo-ɔ. B'a ti-man Anannganman i ndɛ ng'ɔ kan'n kun mlɔnmlɔn.

Ezipt Lɔ Tulɛ'n 16:3

Izraɛlfuɛ'm be waan: «Sɛ ɔ ti kɛ Anannganman kunnin ye Ezipt lɔ i nun bɔ e ti nnɛn sɛ'm be sin'n, bɔ e nyan aliɛ kpa e di'n, wuun ɔ yoli kpa. Kpɛkuun amun fali e bali aawlɛ flɛnnɛn nga nun wa kɛ awe'n nunnun e ngba.»

Ezipt Lɔ Tulɛ'n 16:8

Moiz waan: «Anannganman wa man amun nnɛn amun ´di ndɛ nnɔsua. Ainman nglɛmun kusu'n, ɔ ´man amun kpaun nga ɔ ko ju amun dilɛ'n. Anannganman tili trikilɛ nga amun trikili i su lɛ'n. ?Afin waan yɛlɛ ye? Nán e su yɛ amun trikili-ɔ, sanngɛ Anannganman i su yɛ amun trikili-ɔ.»

Kalɛ 14:3

?Ɔ yo sɛ ti yɛ man Anannganman waan ɔ ´fa e ´kɔ mɛn sɔ'n nun lɔ nan alɛ ko di ye nan é yi nin e mma kanngan mun e ko kaci alɛ nnɛn nin-ɔn? ?Sɛ e sa é sin Ezipt lɔ bɔbɔ'n, ɔ flunman-man? »

Kalɛ 21:5

yɛ be tɔli Moiz nin Nyanmiɛn bé wun ndɛ tɛtɛ kanlɛ'n su-ɔ. Be waan: «?Nzu ti yɛ amun fali e Ezipt lɔ bali wa-a? ?E kunlɛ ti yɛ amun fali e bali aawlɛ flɛnnɛn'n nun wa-a? Be nyan-man aliɛ be di-mɛn i wa, yɛ be nyan-man nzue be nɔn-mɛn i wa, yɛ nyrɛnnɛn aliɛ nga ɔ'a flan ye .»

Matthieu 25:24

I sin, nga b'ɔ mɛnnin i kun'n bali yɛ ɔ seli kɛ: ‹Baba, n si kɛ a ti sran bɔ ɔ like yolɛ yo ya: lika nga a gua-man awie lɛ'n, a kpɛ awie lɛ, yɛ a isa awie bɔ nán wɔ yɛ a boli'n.

JÉSUS-CHRIST I DYASIN FE'N BO LUC KLELI'N 19:21

yɛlɛ kɛ a ti sran bɔ ɔ like yolɛ yo ya, a fa like ng'ɔ ti-man ɔ liɛ'n, yɛ lika nga a gua-man awie lɛ'n, a kpɛ awie lɛ.›

Mmla'n 9:28

Ɔ yo sɔ-ɔ, mɛn nga a fali e i nun lɔ bali'n, i nun lɔfuɛ'm be wa se kɛ: ‹Anannganman kwla fa-man be kɔ-man mɛn ng'ɔ kɛnnin i ndɛ kleli be'n nun lɔ. Kpɔlɛ yɛ ɔ kpɔ bé ti yɛ i waan ɔ ´fa be ´fite nan be ko wu aawlɛ flɛnnɛn'n nun lɔ-ɔ.›