Mmla'n 1:25 - NYANMIƐN NDƐ'N 1998

²⁵ Be ´sa bé sin be ´ba-a, be fali mɛn sɔ'n nun lɔ waka mma'n wie be wa kleli ye. Be seli ye kɛ: ‹Mɛn nga Anannganman e Nyanmiɛn'n fa mannin ye'n ti mɛn kpa.›

Mmla'n 1:25 ပူးပေါင်းရင်းမြစ်များ

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Kalɛ 13:20

Amun `nian kɛ be asiɛ'n fa ti'n, sɛ be yo su like-ɔ ɔ yo kpa o, sɛ kusu be yo su like-ɔ ɔ yo-man kpa o, sɛ waka o lɔ o, sɛ kusu waka nun-man lɔ o. Amun `tra amun anwlɛn nan amun `ko fa mɛn sɔ'n nun lɔ waka mma'n wie bla.» Afin kɛ ɔ ´yo sɔ'n, wuun be o vinyi mma klikli'n i tilɛ blɛ'n nun.

Kalɛ 13:27

Ndɛ nga be kan kleli Moiz'n yɛ: «E ɔli lele e juli mɛn nga a sunmannin e lɔ'n i nun lɔ kpɔ. Nanwlɛ o, ɔ ti mɛn kun bɔ lɔ asiɛ'n ɔ yo like ye kpa sakpa, i kunngba'n ti nnɛn tawlɛ klanman. Lɔ waka mma'n wie yɛ.

Kalɛ 14:7

nan b'a kan kle Izraɛlfuɛ'm be kwlakwla be kɛ: «Mɛn nga e ɔli e ko niɛnnin i lɛ'n, ɔ ti mɛn kun b'ɔ ti kpa dan.

Mmla'n 1:24

Yɛ be ´kɔ-ɔ. Be ko kpɛli oka'n, be ko juli Ɛskɔl tɔnun'n nun, be kplali mɛn'n be niannin.

Mmla'n 1:26

Sanngɛ amun waan amun kɔ-man mɛn sɔ'n nun. Amun yoli nyin kekle Anannganman amun Nyanmiɛn'n i su.