Mmla'n 1:17 - NYANMIƐN NDƐ'N 1998

¹⁷ Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

Mmla'n 1:17 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

2 Samiɛl 14:14

Ɔ lɛ-man e nun kun b'ɔ su ko wu-man-an. Kɛ e ko wu'n, e ti kɛ nzue bɔ ɔ'a utu'n sa, be isa-a, ɔ yo-man ye kun, sanngɛ Nyanmiɛn ɔ'a sie-man ba ng'ɔ wanndi ɔli mɛn wie nun i liɛ'n sɔ kɛ ɔ ka lɔ. Ɔ'a sie-mɛn kɛ ɔ trɛn i bɔbɔ Nyanmiɛn'n i wun mmua.

2 Be Nyoliɛ 19:5

Ɔ sieli jɔlɛ difuɛ mun klɔ nga be sili bé wun'n be nun. Ɔ lɛ-man be nun kun bɔ ɔ'a sie-man su jɔlɛ difuɛ-ɔ.

2 Be Nyoliɛ 19:6

Ɔ seli jɔlɛ difuɛ'm be kɛ: «Amun `nian amun junman'n nun di i kpa, afin nán sran dunman nun yɛ amun ´di jɔlɛ nin-ɔn. Anannganman dunman nun-ɔn. Sɛ amun su wa di jɔlɛ kun sa'n, ɔ nin amun yɛ ɔ o-ɔ.

Zɔb I Nyrɛnnɛn Wunlɛ 31:34

kɛ ɔ ´yo nan nzrafuɛ'm b'a ti-man'n ti, annzɛ kɛ ɔ ´yo nan sran'm b'a yo-man min finfin'n ti? ?M muannin mín nuan? ?M'an fite-man gua su?

Jue Mun 82:2

«?Cɛn onin ko yɛ amun ´yaci sran'm be ndɛ kwlɛ dilɛ-ɔ? ?Cɛn onin ko yɛ amun ´yaci be nga be fɔn'n be ndɛ fɛ manlɛ-ɔ?

Ezipt Lɔ Tulɛ'n 18:18

Ɔ wunmiɛn'n wa wie, yɛ nvlefuɛ nga be gua yɛ'n be kusu be wunmiɛn liɛ'n wa wie. Junman'n ti dan. Ɔ tra ɔ wunmiɛn'n su, ɔ kunngba a su kwla di-man.

Ezipt Lɔ Tulɛ'n 18:22

Man be yɛ be siesie ndɛ ng'ɔ tɔ nvlefuɛ'm be afiɛn nin-ɔn. Ndɛ nga be ti dandan bɔ be kwla-man be kan'n, man be fa be blɛ wɔ. Ndɛ nga be ti kanngan'n, man be bɔbɔ be kan be. Sɛ ɔ yo sɔ'n, ɔ junman'n i su ´kpɛ kan, afin be wa uka wɔ i dilɛ nun.

Ezipt Lɔ Tulɛ'n 18:26

Be yɛ be siesie ndɛ nga be tɔ Izraɛlfuɛ'm be afiɛn nin-ɔn. Ndɛ nga i kanlɛ ti kekle'n, be fa blɛ Moiz, sanngɛ be bɔbɔ be di jɔlɛ kannganfuɛ mun.

Nyanndra Mun 18:5

Sran nga b'ɔ yo sa'n, ɔ fata-man kɛ be jrɛn i sin nan be fa ndɛ'n gua sran nga bɔ ɔ'a yo-man sa'n i su.

Nyanndra Mun 24:23

Akunndanfuɛ'm be ndɛ nga be kannin'n i wie ekun yɛ. Sɛ be ´di jɔlɛ'n, ndɛ kwlɛ dilɛ'n ɔ ti-man kpa.

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Nyanndra Mun 29:25

Srongble'n i agualiɛ'n ti-man kpa. Sran ng'ɔ fɛ i wun wlɛ i Anannganman sa nun'n i liɛ'n, kɛ ɔ o lɛ'n yɛ ɔ wo-ɔ.

Zeremi 1:17

Nan i ti'n, tanndan wɔ wun, jaso ko kan ndɛ nga n ´fa wla ɔ́ nuan yɛ'n kle be. Nán srɛ kun wɔ bé wun, ɔ yo sɔ-ɔ, n ´yo man srolɛ nga a sro be'n ɔ ´yo dan tra su.

Saun Yolɛ 19:15

Nán amun bu ndɛ kwlɛ. Nán amun nian kɛ sran nga ti yalɛfuɛ'n ti amun ´bu ndɛ yi i su. Nán amun nian kɛ sran nga kusu ti sikafuɛ'n ti amun ´jrɛn i sin. Sanngɛ kɛ ndɛ'n fa ti'n, yɛ amun `fa kan man amun wiengu mun-ɔn.

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Marc 12:14

Be wa seli i kɛ: «Nja, e si kɛ a di nanwlɛ. Yɛ e si ekun kɛ a sro-man sran fi, afin a nian-man sran nyrun yɛ a yo sa-a, yɛ a kle sran mun Nyanmiɛn atin'n nanwlɛ nun. ?E `su lapo man Sezar? E su, annzɛ nán man e su?»

JÉSUS-CHRIST I DYASIN FE'N BO LUC KLELI'N 20:21

Sran sɔ'm be wa seli Jésus kɛ: «Nja, e si kɛ ndɛ nga a kan'n nin like nga a kle'n ɔ ti nanwlɛ, a nian-man sran nyrun yɛ a yo sa-a, yɛ a kpa-man sran nun, sanngɛ a kle sran mun Nyanmiɛn atin'n weiin.

Rɔmfuɛ Mun 2:11

Afin Nyanmiɛn liɛ'n, ɔ kpa-man sran nun .

Efɛzfuɛ Mun 6:9

Amun bɔ an lɛ kanga'n, amun kusu, akunndan kunngba nga amun kanga'm be bu i amun wun'n, an `bu bé wun wie. Nán an kpankpan bé su, afin an si kɛ amun kwlaa amun Min'n ti kun, ɔ o nyanmiɛn su lɔ, i liɛ'n ɔ kpa-man sran nun .

Mmla'n 10:17

Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

Kolɔsfuɛ Mun 3:25

Afin sran ng'ɔ yo sa ng'ɔ ti-man kpa'n, ɔ ´nyɛn i nuan like yɛlɛ kɛ Nyanmiɛn kpa-man sran nun .

1 Tɛsalonikfuɛ Mun 2:4

E kɛnnin i kɛ Nyanmiɛn kleli ye kɛ e kɛn i su'n sa, afin ɔ bu ye sran ɔ fɛ i jasin fɛ'n wlali é sa nun. Nán kɛ e waan e ´kɛn i sɔ nan sran'm be klun jɔ e wun-ɔn, sanngɛ e waan e ´kɛn i sɔ nan ɔ jɔ Nyanmiɛn b'ɔ si e anwlɛn nun'n i klun.

Jacques 2:9

Sanngɛ sɛ an bu sran'n wie kpa tra wie'n, wuun amu'an yo sa tɛ. Kɛ be nian mmla nun'n, be wun kɛ amu'an tɔn mmla'n.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»

1 Samiɛl 2:25

Sɛ sran kun yo i wiengu tɛ'n, Nyanmiɛn nin i be kan. ?Yɛ sɛ sran kun yo Anannganman i sa tɛ'n, wan yɛ ɔ ´kpɛtɛ i-ɔ?» Ba'm b'a fa-man bé su b'a sie-man ndɛ nga bé si kannin'n i bo, afin Anannganman waan be wu ti-ɔ.