Mmla'n 1:15 - NYANMIƐN NDƐ'N 1998

¹⁵ I ti nan m'an fa amun akpasua'm bé su kpɛnngbɛn mun, afin be ti ngwlɛlɛfuɛ, yɛ be bo be dunman kpa, nan m'an fa be m'an sie amún su kpɛnngbɛn. N fali wie mun n sieli sran akpi su kpɛn, n fali wie'm be kusu n sieli sran ya su kpɛn, n fali wie mun n sieli sran ablenun su kpɛn, yɛ n fali wie mun n sieli sran blu su kpɛn. Wie'm be kusu n sieli be amun akpasua kunngun'm bé su kɛ be `nian amun su.

Mmla'n 1:15 ပူးပေါင်းရင်းမြစ်များ

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 24:1

Anannganman seli Moiz kɛ: «Fu mín sin oka'n su wa, a nin Aarɔn, nin Nadab, nin Abii, ɔ nin Izraɛl kpɛnngbɛn'm be nun ableso. Amun `jran mmua lɔ nan amun `koto mín bo.

Kalɛ 1:4

Man akpasua kun su awlobo kpɛnngbɛn kun, akpasua kun su awlobo kpɛnngbɛn kun, be uka amun.

Kalɛ 31:14

Moiz fali sonja'm be su kpɛnngbɛn mun nin sonja akpi su kpɛnngbɛn mun, ɔ nin sonja ya su kpɛnngbɛn mun bɔ be fin alɛ'n i kunlɛ'n bé wun ya.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Mmla'n 1:14

Amun tɛli min su kɛ: ‹Nga a kɛn i lɛ'n ɔ ti kpa.›

Mmla'n 1:16

Yɛ n seli amun jɔlɛ difuɛ'm be kɛ: Sɛ ndɛ tɔ amun niaan'm be afiɛn nan be wa kan kle amun'n, amun `tie be ndɛ'n. Sɛ be ti sran nnyɔn'n nan kun ti Izraɛlfuɛ o, nan kun ekun'n ti aofuɛ o, amun `di be ndɛ mun nanwlɛ su.

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

1 Samiɛl 17:18

Fromaz blu kusu yɛ, fa ko man be sonja akpi i su kpɛn'n. Nian ɔ niaan'm be osu, sɛ be ti juejue o! Sɛ a ´ba'n, fa bé sa nun like kun bla wa kle min nan n si kɛ lɔ ti kpa.

1 Samiɛl 22:7

Yɛ ɔ usali be kɛ: «Bɛnzamɛnfuɛ mun, amun `tie. ?Amun bu i kɛ Izai i wa David ɔ wa man amun vinyi fie annzɛ fie uflɛ wie? ?Amun bu i kɛ ɔ wa fa amun kwlakwla sie i sonja akpi mun annzɛ i sonja ya'm bé su kpɛn?

1 Samiɛl 8:12

Ɔ ´fa wie mun yo i sonja akpi su kpɛn annzɛ sonja ablenun su kpɛn. Wie'm be kusu be ´tutu i lika, be ´ti i fie'n su ninnge mun. Be wie'm be ´yo i alɛ ninnge nin i kakaklolo'm bé wun ninnge mun.