Mise 7:7 - NYANMIƐN NDƐ'N 1998

⁷ Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

Mise 7:7 ပူးပေါင်းရင်းမြစ်များ

Bo Bolɛ 49:18

Ee! Anannganman, n lafi su kɛ a ´de min.

Jue Mun 109:4

N klo be, sanngɛ be liɛ'n, min wun ndɛ tɛtɛ'n yɛ be kan-an. N liɛ kusu n srɛ m man be.

Jue Mun 130:5

N fa min wla'n n gua Anannganman su, n lafi i su, min nyin wo ndɛ ng'ɔ kan'n i sin.

Jue Mun 25:5

Yo man n fa ɔ nanwlɛ atin'n, kle min ngwlɛlɛ man n si i, afin a ti min Nyanmiɛn, a ti min defuɛ. Ɔ su yɛ n fa min wla'n n gua-a.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Jue Mun 38:15

N yo kɛ sutrefuɛ sa n tɛ-man ndɛ fi su.

Jue Mun 50:15

Sɛ nyrɛnnɛn tɔ wɔ su'n, kpan flɛ min, n ´de wɔ kɛ ɔ ´yo nan ɔ kusu w'a yi min ayɛ'n ti.

Jue Mun 65:2

Ee Nyanmiɛn, wɔ bɔ a o Siɔn klɔ'n nun lɔ'n, a nin manmanlɛ fata. Sɛ be ta ɔ nda'n, ɔ nin i fata kɛ be yo i nuan like.

Jue Mun 85:5

Anannganman e defuɛ, fa e sie e osu'n nun! Yaci e wun ya'n bɔ a fali'n nun.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 17:7

I cɛn sɔ nun'n, sran'n ɔ ´kpɛ i nyin sran b'ɔ yili i'n i su, ɔ ´mɛn i nyin su nian Izraɛl Nyanmiɛn'n.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 8:17

N su minndɛ Anannganman. Blɛ nga nun liɛ'n, ɔ'a kaci i sin ɔ'a si Zakɔb i osu'n nunfuɛ mun. N fa mín wla guɛ i su kpa.

Ngwlɛ Yilɛ 3:24

N wan yoo: «Anannganman ti min like kpa yɛ m'an nyɛn i-ɔ. Nga ti bɔ mín wla'n ɔ o i su'n yɛ ɔ o lɛ-ɔ.»

Daniɛl 3:17

I kwlaa nun'n, si kɛ e Nyanmiɛn nga e su i'n, ɔ kwla de ye. Nannan, sakpa, ɔ wa de ye sin'n nun, yɛ ɔ wa de ye ɔ́ sa nun.

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Zoɛl 1:19

Anannganman, n sun n flɛ wɔ. Aawlɛ b'ɔ ti nnɛn'm be didiwlɛ'n, sin'n yrɛli i ngba. Sin'n yrali fie'm be nun waka'm be kwlaa.

Abakik 2:1

Sa ng'ɔ yo-man min fɛ bɔ n fa usali Anannganman'n ti, n ´ko tran klɔ'n i wun talɛ'n su kɛ be nga be sasa klɔ'n be fa yo'n sa, nan n ti ndɛ ng'ɔ ´kan kle min'n, nan n kusu n ´wun nga n ´fa tɛ i su'n.

Abakik 2:3

Ndɛ nga n ´kan be n ´kle wɔ yɛ'n, be yolɛ blɛ nian ju-man. Kannzɛ ɔ cɛ lele-ɔ ɔ ´cɛ ngbɛn, san i blɛ sɔ'n ´ju le. Man i li cɛ bɔ lele, sanngɛ fa wɔ wla gua su. I kwlaa b'ɔ yoli o, san i sɔ sa liɛ'n ɔ ´tɔ, ɔ su sɛn-mɛn i wun .

Kalɛ 5:28

Sanngɛ sɛ bla'n ɔ'a kunndɛ-man bian i wun i bo'n, sɛ sa sɔ'n ɔ ti-man i nzuɛn'n, sa fi su ju-mɛn i su yɛ ɔ ´wu ba ekun.