Mise 7:6 - NYANMIƐN NDƐ'N 1998

⁶ Afin ba yasua'm be kpɛ bé si nzowa, ba bla'm be nin be nin mun be kpɛ ndɛ, bla'm be nin be sewi'm be kpɛ ndɛ. Sran'm be kpɔ be bɔbɔ be awlo'n nunfuɛ mun .

Mise 7:6 ပူးပေါင်းရင်းမြစ်များ

Bo Bolɛ 49:4

Ɔ like yolɛ yo ya kɛ nzue ba b'ɔ kpalo'n viavia'n sa. Sanngɛ nán wɔ yɛ a ´nyan kpɛn nin-ɔn. Sa ti'n, yɛlɛ kɛ a wluli mín yi'n kun sin a nin i be lali. A sokpali min.

2 Samiɛl 16:11

David kan kleli Abisai nin i mantanfuɛ'm be kɛ: «Kɛ m bɔbɔ n klun ba'n kunndɛ kɛ ɔ ´kun min'n, yɛ a ´se kɛ Bɛnzamɛnfuɛ. Amun `yaci i nun man ɔ bo min sannzan. Anannganman yɛ ɔ mɛnnin i i wun atin-ɔn.

Jue Mun 41:9

Be se kɛ: «Like tɛ kpa bɔ yɛ ɔ'a tɔ i su lɛ-ɔ! Nga, lalɛ ng'ɔ la lɛ'n, nán kɛ ɔ ´jaso ekun ti-ɔ!»

Nyanndra Mun 30:11

Sran wie o lɛ'n, sannzan yɛ ɔ bo i si-ɔ, i nin i wun ndɛ tɛtɛ'n yɛ ɔ kan-an.

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Ezai 3:5

Nvle sɔ nun'n, nga ´jaso ɔ ´yo i wiengu sa, nga ´jaso ɔ ´yo i wiengu sa. Gbanflɛn'n ɔ ´yo kpɛnngbɛn'n i like kekle. Sran finfinfuɛ'n ɔ ´jaso sran kpa'n i wun.

Ezai 9:19

Sɛ be tɔ fama su-ɔ, be kpɛ be di, sanngɛ awe yaci-man be kunlɛ. Sɛ be nyɛn i bɛ su lɔ-ɔ, be su di, sanngɛ be ku yi-man. Sran kun nyɛn i bɔbɔ i sa nin-ɔn, ɔ su di i nnɛn'n.

Zeremi 12:6

Wɔ akpasua sufuɛ mun be yo wɔ atɛ. Wɔ awlofuɛ mun bɔbɔ be yo wɔ atɛ wie. Be wlawla sran mun kɛ be yo wɔ like. Ɔ man sɛ be kan ndɛ fɛfɛ kle wɔ'n, nán fa su.»

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 9:4

Be lakalaka be wiengu. Be di-man nanwlɛ. Ato bualɛ'n yɛ be suan-an. B'a yo sa tɛ'n lele ɔ'a flan be bɔbɔ siɛn'n.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Abdias 1:7

Be nga amun nin bé bo ti kun laa bɔ amun kun alɛ'n, b'a kankan amún bo mɛn'n nun b'a fite. Amun janvuɛ'm b'a laka amun b'a kwla amun. Be nga amun nin be wla asa'n, b'a sua amún wun aya. Kpɛkuun nga be kɛn i siɛn'n yɛlɛ kɛ: ‹Nga'm be wun-man sa wlɛ kun.›

Matthieu 10:21

Sran bɔ be ti niaan'n, kun ɔ wa fɛ i niaan bian wlɛ sran'm bé sa nun kɛ be `kun i, yɛ sran wie'm be wa yo be mma'm be sɔ wie, ba'm be ´jao be si nin be nin'm be wun kɛ be ´kun be.

Matthieu 26:23

Ɔ seli kɛ: «Sran nga be nin min wlali asa icra'n, be nun kun yɛ ɔ ´fa min man sran mun-ɔn.

JÉSUS-CHRIST I DYASIN FE'N BO LUC KLELI'N 12:53

Yasua kun nin i wa yasua'n be ´bu, yɛ ba yasua kun nin i si be ´bu, bla kun nin i wa bla'n be ´bu, yɛ ba bla kun nin i nin be ´bu, bla kun nin i wa yasua i yi'n be ´bu, yɛ bla kun nin i wun i nin'n be ´bu .»

JÉSUS-CHRIST I DYASIN FE'N BO LUC KLELI'N 21:16

Amún si nin amun nin, nin amun niaan mun nin amun tranfuɛ mun, ɔ nin amun janvuɛ mun bɔbɔ, be yɛ be ´fa amun man sran mun-ɔn, yɛ sran'm be ´kun amun nun wie mun.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»