Mise 7:4 - NYANMIƐN NDƐ'N 1998

⁴ Be nun kun ng'ɔ flunman kan'n, i like b'ɔ fɛ i'n yɛlɛ ako owie. Be nun nanwlɛfuɛ'n i gblɛ'n i tɛ'n tra agualɛ. Amun fɔ tulɛ cɛn nga amun klɔ sasafuɛ'm be kɛnnin i ndɛ'n kusu yɛ ɔ ´ba lɛ. Nanwlɛ, kɛ e ´se yɛ'n, amun klun titi amun.

Mise 7:4 ပူးပေါင်းရင်းမြစ်များ

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 22:5

Afin ndɛkɛn Anannganman b'ɔ sie mɛn wunmuan'n, ɔ'a fa sannganlɛ nin nyrɛnnɛn, ɔ nin nyannzuɛn ɔ'a yi e su.» Kongo nga be wun aolia nun ninnge'm be lɔ'n, be su bubu talɛ'n i nun lɔ, yɛ sran'm be kpan lɔ, be kpanlɛ'n ɔ kɔ lele ju oka'n i wun lɔ.

Ezai 55:13

Siprɛs'm be ´fifi susrɛ'm be osu, yɛ mirt'm be ´fifi flɔn'm be osu. I sɔ'n ɔ wa yo Anannganman'n i manmanlɛ like. Ɔ ´yo nzɔliɛ kun b'ɔ ´ka lɛ tititi, b'ɔ be su yi-mɛn i lɛ le.

Zeremi 10:15

Be ti ninnge finfin, be nin finfin yolɛ fata. Cɛn nga Anannganman'n ´tu be fɔ'n, be ´wie nunnun.

Zeremi 11:23

Nyrɛnnɛn nga n wa fa yi i Anatɔtfuɛ'm be su'n, be nun kun sa su fite-man nun.»

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ezekiɛl 2:6

Sanngɛ Ezekiɛl, ɔ liɛ'n, nán sro be, nán sro bé nuan nun ndɛ mun. N si kɛ ndɛ nga a kan'n be ´kaci i. A wa yo kɛ sran b'ɔ o owie-owie nin nyannglan'm be nun'n sa. Sanngɛ nán man sran sɔ'm be ndɛ nga be ´kan'n nin be aeliɛ'm be kun wɔ srɛ.

Ezekiɛl 28:24

Anannganman waan: «Nvle-nvle nga be mantan Izraɛl'n be nun kun sa su yo-man Izraɛl nvle'n i finfin kun. Nyrɛnnɛn ng'ɔ yrɛ i fiaan'n, b'ɔ wɔ i kɛ owie sa'n, be ´yaci i klelɛ. Yɛ sran'm be wa si jrɛiin kɛ min yɛ n ti Anannganman nin-ɔn.

Amɔs 8:2

Ɔ usali min kɛ: «?Amɔs, nguɛ yɛ a wun i-ɔ?» Yɛ n tɛli su kɛ: «N wun waka mma blowa gbogbo kun.» Kpɛkuun Anannganman'n seli min kɛ: «Min nvle Izraɛl ɔ'a blo kɛ ɔ `ti tɔ sa. Sa nga i nunfuɛ'm be yo'n, n su yaci-man wie fi cɛ-man be kun.»

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

JÉSUS-CHRIST I DYASIN FE'N BO LUC KLELI'N 21:25

«Be wa wun like wie wia'n nin anglo'n, ɔ nin nzraama'm bé su, awlaboɛ'n ´yo dan nvle'm be nun. Jenvie'n i bolɛ b'ɔ ´bo b'ɔ ´tɛ'n ti'n, ɔ man sran'm be su si-man sa nga be ´fa yo bé wun-ɔn .

Hébreu 6:8

Sanngɛ sɛ ɔ yo-man like ye bɔ owie nin aintɔnman yɛ ɔ yo ye lɛ'n, be bu-mɛn i like fi, ɔ cɛ-man nan Nyanmiɛn a se kɛ nán man i su like yo ye mlɔnmlɔn, i agualiɛ yɛlɛ i nun wɔlɛ .