Mise 7:16 - NYANMIƐN NDƐ'N 1998

¹⁶ Man mɛn kun nga'm be nunfuɛ'm be ´yo kwlafuɛ sɛ, sanngɛ kɛ be wun i sɔ sa liɛ mun'n, be nyin ´gua ase. Be su si-man wie se, ɔ ´bo bé nuan .

Mise 7:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 21:5

Amun `nian min, man amún nuan'n ɔ bo amun wun. Amun `fa amún sa'n sie amún nuan'n su, afin amun su ijɔ-man kun.

Zɔb I Nyrɛnnɛn Wunlɛ 40:4

«N ti-man like fi. ?N ´tɛ wɔ su n ´se sɛ? Mín nuan cɛ yɛ m ´muan-an .

Jue Mun 126:2

Srisrilɛ cɛ yɛ ɔ o e nuan-an. E bo e sroli sɔ woo aklunjuɛ'n ti. Kpɛkuun nvle kun nga'm be nun sran'm be waan: «Anannganman ɔ'a yo sa dan ɔ'a man be o!»

Nyanndra Mun 30:32

Sɛ wun tulɛ'n ɔ su wɔ bo kɛ a yo sinnzin sa'n yɛ sɛ wɔ akunndan'm be ti tɛtɛ'n, fa ɔ sa sie ɔ́ nuan'n su nan w'a ijɔ-man tɛtɛ.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 52:15

Sanngɛ siɛn'n, nvle-nvle'm be nunfuɛ kpanngban bé nuan wa bo bé wun i dunman nun. Sɛ famiɛn'm be wun i'n, be su kwla uke-man be nuan be kan-man ndɛ fi, afin nga be ´wun i'n nin i wun ndɛ nga be kan kleli be laa'n, ɔ su yo-man kun. Yɛ sa nga be ´ti'n, be nian ti-mɛn i sɔ laa le .»

Ezai 66:18

Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Mise 3:7

I sɔ blɛ'n nun'n, be nga bé ti wun ase'n be ´wun nyannzuɛn. Nyannzuɛn'n dunman nun ti be ´kata bé nyin, afin be flɛ Nyanmiɛn-ɔn, ɔ su tɛ-man be su kun.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 12:9

Anannganman waan: «I sɔ blɛ nun'n, nvle nga be nin Zerizalɛm be waan be ´kun'n, n ´nunnun be kwlaa.

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Sa nglô yile 11:18

Ya kunnin mɛnmɛnfuɛ mun, yɛ ɔ kusu ɔ ya falɛ'n nin be nga be wuli'n be jɔlɛ dilɛ'n ɔ'a ju. Ɔ sran bɔ be ijɔ ɔ́ nuan'n nin be nga be ti ɔ liɛ'n, bɔ be sro wɔ'n, sɛ be ti sran bɔ be lɛ nyrun o, sɛ be lɛ-man nyrun o, cɛn nga a ´yo be mo'n ɔ'a ju. Cɛn nga a ´nunnun be nga be saci asiɛ'n ɔ'a ju .»