Mise 7:14 - NYANMIƐN NDƐ'N 1998

¹⁴ Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Mise 7:14 ပူးပေါင်းရင်းမြစ်များ

Jue Mun 100:3

Man amun si kɛ Anannganman yɛ ɔ ti Nyanmiɛn nin-ɔn. I yɛ ɔ yili ye-ɔ, e ti i liɛ. E ti i sran mun, yɛ e ti kɛ i kuku nun nnɛn mun sa .

Jue Mun 143:5

Mín nyin kpɛn min laa nun. Sa nga a yoli be'n, m bu be akunndan, m bu be akunndan kpa.

Jue Mun 28:9

Anannganman, de ɔ nvle'n nunfuɛ mun, ɔ liɛ yɛlɛ be, yo be ye. Be ti kɛ ɔ bua mun sa, nian be lika blɛ'n kwlaa nun.

Jue Mun 95:7

Afin i yɛ ɔ ti e Nyanmiɛn nin-ɔn. E ti kɛ i kuku nun nnɛn mun sa, i yɛ ɔ kankan ye-ɔ . Sɛ ndɛkɛn amun ti kɛ ɔ su kan ndɛ'n,

Ezipt Lɔ Tulɛ'n 33:16

?Ɔ ´yo sɛ nan sran'm b'a si kɛ a su yo min nin min nvlefuɛ mun e ye? ?Nán kɛ a nin ye ´nanti bɔ ngbaciɛ tran min nin min nvle'n e nin nvle kun nga mun ye afiɛn nin-ɔn?»

Ngɔjue Fɛfɛ Kpa'n 4:1

A ti klanman o, min janvuɛ kpa! A ti klanman dan o! Kɛ be nian ɔ tannin fɛtɛfɛtɛ ng'ɔ kata ɔ nyrun'n i sin lɔ'n, be wun ɔ nyinma bɔ be klanman'n ti kɛ auble'm be klanman'n sa'n. Ɔ timuɛn'n ɔ guagua ɔ wun kɛ boli bla akpasua wie bɔ be fin Galaad oka'n su be su jra'n sa.

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ezai 65:10

Min nvle'n nunfuɛ nga be fa bé wun mantan min'n, Sarɔn lika kpɛtɛkplɛɛ'n ɔ ´yo be bua mun nin be boli'm be didiwlɛ, yɛ Akɔr kongo'n ɔ ´yo be nannin'm be lawlɛ.

Zeremi 49:31

Anannganman'n wan yoo: «An `jaso nan amun nin be bɔ be klun ti-man be'n, bɔ be waan sa fi kwla ju-man be su'n be ko kun. Be lɛ-man anuan nan se kɛ i nun gboklo yɛ be lɛ i-ɔ. Be nin sran mantan-man.

Ngwlɛ Yilɛ 1:7

Kɛ Zerizalɛm ´wun nyrɛnnɛn b'ɔ ´wlan daan'n, blɛli yɛ ɔ'a wun kɛ kannzu laa ɔ o fɛ nun-ɔn. Kɛ Zerizalɛmfuɛ'm be kpɔfuɛ'm be fali klɔ'n, bɔ sran fi ɔ'a ba-man be delɛ'n, ɔ yoli be kpɔfuɛ'm be klanman, ɔ kleli be srilɛ.

Ngwlɛ Yilɛ 5:21

Cuɛn e bla ɔ́ wun Anannganman, man e mantan wɔ. Fɛ nga e di i laa'n, yo man e di i ekun.

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Saun Yolɛ 27:32

Like kɛ nannin sa annzɛ kɛ bua nin boli'm be sa'n, be blusu'n, man be sie i nzɔliɛ, afin ɔ ti min liɛ.

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Abdias 1:19

Zidafuɛ'm be ´fa Edɔm mɛn'n i ngua ngua lɔ'n, be ´fa lika kpɛtɛkplɛɛ'n b'ɔ ti Filistifuɛ'm be nvle'n, yɛ be ´fa Samari b'ɔ ti Efraimfuɛ'm be asiɛ'n. Bɛnzamɛnfuɛ'm be ´fa Galaad mɛn'n .

Mise 5:4

I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Zakari 10:10

N ´fa be Ezipt mɛn'n nun m ´ba, n ´fa be Asiri lɔ m ´ba, n ´fa be m ´ba Galaad nin Liban mɛn'n nun. Sanngɛ lika sɔ'n su ju-man be.

Zakari 11:7

Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Malasi 3:4

Kpɛkuun like nga Zidafuɛ mun nin Izraɛlfuɛ'm be ´fa man Anannganman'n, i kusu ɔ ´sɔ nun klanman kɛ lalafuɛ nun ɔ fa sɔ nun'n sa.

Kalɛ 23:9

Kɛ n wo kpɔlɛ'n su wa'n, n nian nvle sɔ'n i nun sran mun. Kɛ n wo kpɔlɛ'm bé ti su wa bɔ n nian be'n, be ti nvle kun bɔ be o be ngunmin, be nin nvle kun nga'm be ti-man kun.

Kalɛ 32:1

Ribɛn osu'n nin Gad osu'n be nunfuɛ'm be lɛ nnɛn kpanngban kpa. Be wunnin kɛ Zaɛzɛr mɛn'n nin Galaad mɛn'n be ti nnɛn tawlɛ klanman.

Kalɛ 32:4

lika nga Anannganman yoli man Izraɛlfuɛ'm be nyɛnnin i'n nun. Lika bɔ klɔ sɔ'm be o su'n, sɛ be ta nnɛn nun-ɔn ɔ ´yo kpa, yɛ e kusu e lɛ nnɛn.»

Matthieu 2:6

‹Yɛ wɔ Bɛtleɛm bɔ a o Zida nvle nun'n, a ti-man kaan Zida i klɔ bɔ be lɛ nyrun'n be nun mlɔnmlɔn, afin wɔ su yɛ sran kun wa fite b'ɔ ´sie min nvle Izraɛl nin-ɔn, ɔ ´nian min sran'm be su .› »

Jean 17:16

Be ti-man mɛn nunfuɛ kɛ n kusu n ti-man mɛn nunfuɛ'n sa.

Mmla'n 33:28

Izraɛlfuɛ'm be o be olɛ lɛ bɔ cɛ, sa nyan-man be. Zakɔb i osu nunfuɛ'm be o be liɛ ngunmin. Mɛn nga be o nun'n, ble nin vinyi'n be yo ye lɔ kpa, afin bɔlɛ'n ɔ gua su tititi.