Mise 6:7 - NYANMIƐN NDƐ'N 1998

⁷ ?Bua nene kaka yɛ Anannganman kunndɛ-ɔ? ?Ngo kaka yɛ Anannganman kunndɛ-ɔ? ?Nyin kekle bɔ e yoli i su, ɔ nin sa tɛ bɔ e yoli'n ti e `fa e klun ba klikli nga e wuli be'n e `mɛn i nan ɔ'a guɛ i ya'n i ase?»

Mise 6:7 ပူးပေါင်းရင်းမြစ်များ

2 Famiɛn Mun 16:3

Ɔ niannin Izraɛl famiɛn'm be nantilɛ'n su yɛ ɔ nantili-ɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i wa'n yili tɛ. Be yrɛli i.

2 Famiɛn Mun 21:6

Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.

2 Famiɛn Mun 23:10

Zozias sacili Tɔfɛt b'ɔ o Inɔm i wa'n i lika b'ɔ o kongo'n nun lɔ'n, kɛ ɔ ´yo nan sran fi ɔ'a fa-man i wa bla annzɛ yasua ɔ'a yrɛ-mɛn i ɔ'a yi-man sraka ɔ'a man-man Mɔlɔk'n ti .

2 Famiɛn Mun 3:27

Yɛ ɔ fɛli i wa yasua klikli'n b'ɔ ti i aja difuɛ'n, ɔ fa yili tɛ nga be yrɛ i nnɛn'n kɔlikɔli nin-ɔn. Klɔ'n i wun talɛ'n i ti su nglo yɛ ɔ yili tɛ sɔ nin-ɔn. Izraɛlfuɛ'm be fali ya dan kpa, nan b'a jaso be nanmue'n nun b'a ɔ bé mɛn'n nun.

Zɔb I Nyrɛnnɛn Wunlɛ 29:6

I blɛ sɔ nun'n, be flɛ kɛ nɔnnɔn'n yɛ ɔ ti min nzue yɛ n fa wunnzin mín ja-a, yɛ be flɛ kɛ ngo'n fin yɛbuɛ nun sonji man min.

Jue Mun 50:9

M'an se-man kɛ n ´kɔ amun awlo n ´ko fa nannin tola bɔ kun, annzɛ kusu m'an se-man kɛ n ´kɔ amun tuin'n nun lɔ n ´ko fa amun boli kpakpuɛ'n wie.

Jue Mun 51:16

Ee Nyanmiɛn, Nyanmiɛn, wɔ yɛ a ti min defuɛ nin-ɔn! De min wie'n i nuan nun. Man m bo delɛ bɔ a deli min'n i jɔ n sin.

Jue Mun 51:18

A kunndɛ-man sraka fi, sɛ ɔ ti-mɛn i ti'n, wuun n ´yi wie m ´man wɔ. A kunndɛ-man tɛ nga be yrɛ i nnɛn'n kɔlikɔli'n bɔbɔ .

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:3

Nanwlɛ dilɛ'n nin nzuɛn kpa'n be ti cinnjin Anannganman nyrun tra tɛ yilɛ'n .

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 40:16

Sɛ be waan be ´fa Liban lɔ bo'n nun waka mun be ´fa yo yie nan be ´yi tɛ'n, ɔ su ju-man sin trɔlɛ. Sɛ be waan be ´fa Liban lɔ nnɛn'm be ngba be ´yi tɛ nga be yra be nnɛn'n kɔlikɔli'n, be su ju-man.

Zeremi 19:5

B'a siesie Baal i sɔwlɛ'n kɛ be ´yra be mma mun be fa sɔ Baal sɔ'n. Kusu wuun n nian se-man be kɛ be yo i sɔ like le. M'an kɛn-mɛn i sɔ m'an kle-man be, i sɔ akunndan bɔbɔ nian ba-man mín ti nun le.› »

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Ezekiɛl 23:37

Afin be kunndɛli bian bé wun bo. Yɛ mmoja'n ɔ o bé sa'm be nun. Be fali be amuɛn'm be sacili bé wun sa. I sin, bé wa nga be wuli be'n, be fali be sɔli be amuɛn mun.

Ndɛ Nga Nyanmiɛn I Nuan Ijɔfuɛ Oze Kannin'n 5:6

Be nannin nin be bua nga be waan be ´fa yi tɛ be ´man Anannganman'n, be ´fa wlan be ´kunndɛ Anannganman lele, sanngɛ be su wun-mɛn i afin ɔ'a kaci i sin ɔ'a si be.

Ndɛ Nga Nyanmiɛn I Nuan Ijɔfuɛ Oze Kannin'n 6:6

Afin n klo aunnvuɛ nga be si sran'n tra tɛ nga be yi be man min'n. Kɛ be si kɛ n ti Nyanmiɛn'n, ɔ jɔ min klun tra tɛ nga be yi-ɔ be yrɛ i nnɛn'n kɔlikɔli'n .»

Saun Yolɛ 18:21

Nán man amun fa amun mma mun be ko yi tɛ be man amuɛn nga be flɛ i Mɔlɔk'n, afin sɛ ɔ yo sɔ-ɔ, ɔ ti min dunman'n i sacilɛ. Min yɛ n ti Anannganman amun Nyanmiɛn nin-ɔn.

Saun Yolɛ 20:1

Anannganman seli Moiz kɛ

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Filemɔn 1:12

Siɛn'n i b'ɔ ti ń sa nin ń ja'n, n ´fɛ i blɛ wɔ .

Jɔlɛ Difuɛ Mun 11:31

kɛ n fin Amɔnfuɛ'm be mɛn'n nun lɔ m ´ba bɔ n klun ti jɔwa'n, sran ng'ɔ dun mmua fin min awlo'n nun lɔ fite ba min atin kpalɛ'n, ɔ ´yo ɔ liɛ mlɔnmlɔn. N ´fɛ i yi tɛ bɔ be yrɛ i nnɛn kɔlikɔli'n m ´man wɔ.»

Jɔlɛ Difuɛ Mun 11:39

Kɛ anglo nnyɔn'n wieli'n, ɔ sɛli i sin i si awlo lɔ, nan nda nga i si tali'n ɔ'a yo i nuan like'n. I blɛ sɔ nun'n, wuun ɔ nin yasua nian la-man le. Sa sɔ'n ɔ kacili Izraɛlfuɛ'm be nzuɛn. Afuɛ'n kwlaa kɛ i blɛ'n ko ju'n, Izraɛl talua'm be ko di Galaad bian'n i wa bla'n i ti cɛn. Be di i le nnan.

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.