Mise 6:6 - NYANMIƐN NDƐ'N 1998

⁶ «?Kɛ e ´ko yi tɛ e ´man Anannganman bɔ like fi nun-mɛn i sin'n, nguɛ like yɛ e `fa ko mɛn i-ɔ? ?Nannin ba nga be lɛ afuɛ kunngun'n be yɛ be `fa be ko yi tɛ nga, be yra be nnɛn'n kɔlikɔli'n be `mɛn i-ɔ?

Mise 6:6 ပူးပေါင်းရင်းမြစ်များ

2 Samiɛl 21:3

David usali Gabaɔnfuɛ'm be kɛ: «?Nguɛ yɛ n yo m man amun-ɔn? ?N `yo sɛ nan sa nga be yoli amun'n ɔ'a wie, nan amu'an yra bé nuan klanman b'a man Anannganman i nvle'n?»

Jue Mun 116:12

?Nan nɛnnɛn kpli nga Anannganman ɔ'a di min yɛ'n, nguɛ cɛ yɛ n ´nyɛn i n ´fa lɛ i ase-ɔ?

Jue Mun 22:29

Afin sielɛ'n ɔ ti i liɛ. I yɛ ɔ sie nvle-nvle'm be kwlaa-a.

Jue Mun 95:2

E `bla i nyrun lɛ nan e `yi i ayɛ. E `to jue, yɛ e `bo jue tolɛ ninnge mun e `mɛnmɛn i.

Jue Mun 95:6

An `bla wa man e koto, man e koto e ja bue'n su, man e koto e `utu e nyin ase Anannganman b'ɔ yili ye'n i bo.

Ezipt Lɔ Tulɛ'n 12:5

Man bua nga ɔ'a kpɛ cro'n annzɛ boli nga ɔ'a kpɛ cro'n bɔ be ´fa'n, ɔ yo nga ɔ'a di afuɛ kun bɔ lɛ fi nun-mɛn i wun'n.

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:3

Nanwlɛ dilɛ'n nin nzuɛn kpa'n be ti cinnjin Anannganman nyrun tra tɛ yilɛ'n .

Ezai 40:16

Sɛ be waan be ´fa Liban lɔ bo'n nun waka mun be ´fa yo yie nan be ´yi tɛ'n, ɔ su ju-man sin trɔlɛ. Sɛ be waan be ´fa Liban lɔ nnɛn'm be ngba be ´yi tɛ nga be yra be nnɛn'n kɔlikɔli'n, be su ju-man.

Zeremi 6:20

?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Ezekiɛl 46:9

Sɛ mɛn'n nun sran'm be ´ba min Anannganman min sulɛ, cɛn dilɛ cɛn nin anyia dandan'm be nun, be nga be sinnin nglo lɔ anuan'n nun yɛ be wluli'n, man be fite ngua lɔ anuan'n nun. Be nga be sinnin ngua lɔ anuan'n nun yɛ be wluli'n, man be `fite nglo lɔ anuan'n nun. Kɛ be ´fite'n, nán sran fi sɛ i sin anuan'n ng'ɔ sinnin nun wluli lɔ'n nun, sanngɛ ɔ `sin anuan'n ng'ɔ o bue kun lɔ'n nun .

Daniɛl 3:26

I sin'n, Nɛbikadnɛzar ko jrannin fur nga be trɔli sin'n i nun'n i anuan'n nun, kpɛkuun ɔ flɛli be, i waan: «Sadrak, Mesak, Abɛd-Nego, Nyanmiɛn b'ɔ o nglo-nglo'n i sufuɛ mun, amun `fite amun `bla.» Yɛ be nsan'n be fin sin'n nun lɔ fiteli-ɔ.

Daniɛl 4:9

I nnya'm be ti klanman, yɛ i mma'm be sɔnnin kpa. I mma sɔ mun yɛ like kwlaa di-ɔ. Blo nnɛn'm be wa fiɛ i fɔnvɔ'n bo. Anunman'm be yo bé sua i sama'm be nun. I yɛ ɔ ta ninnge nga be de wunmiɛn bɔ Nyanmiɛn yili be'n be kwlaa-a.

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Daniɛl 5:21

Be kɛnnin i bo sran'm be nun. Ɔ kacili kɛ nnɛn'm be sa. Ɔ nin blo aflunmun mun yɛ be tran nin-ɔn. Ɔ dili ijre kɛ nannin'm be sa. Nyansue'n boli i. Ɔ yoli sɔ lele ɔ fa juli blɛ ng'ɔ wunnin i wlɛ kɛ kannzu Nyanmiɛn bɔ like fi nun-mɛn i sin'n yɛ ɔ sie sran'm be famiɛn diwlɛ mun nan ɔ fa famiɛn bia'n man sran nga i klun klo kɛ ɔ ´fa mɛn i'n.

Ndɛ Nga Nyanmiɛn I Nuan Ijɔfuɛ Oze Kannin'n 5:6

Be nannin nin be bua nga be waan be ´fa yi tɛ be ´man Anannganman'n, be ´fa wlan be ´kunndɛ Anannganman lele, sanngɛ be su wun-mɛn i afin ɔ'a kaci i sin ɔ'a si be.

Amɔs 5:22

Tɛ nga be yrɛ i nnɛn'n kɔlikɔli'n bɔ an ´yi man min'n, ɔ nin nnɛn nga amun kun be be man min ekun'n, b'a flan min. Nannin lowa nga an fa yi bo kun yolɛ i su tɛ'n, min ndɛ nun-man nun.

Matthieu 19:16

Yɛ sran kun bali Jésus wun lɛ nan ɔ'a usa Jésus kɛ: «?Nja, nguɛ like kpa yɛ n ´yo nan m'an nyan anannganman nguan nin-ɔn ?»

Marc 12:33

Yɛ kɛ be klo i kpa'n, bɔ be fa bé wla'n kwlaa guɛ i su'n, bɔ be akunndan'n kwlaa trɛn i su'n, bɔ be fa be wunmiɛn'n kwlaa yo like ng'ɔ kle kɛ be klo i'n, bɔ be klo be wiengu kɛ be bɔbɔ sa'n, i sɔ'n ti kpa tra tɛ nga be yrɛ i nnɛn kɔlikɔli'n, nin like nga be fa man Nyanmiɛn'n i kwlaa .»

Marc 5:7

ɔ kpannin kekle kpa kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nian Nyanmiɛn'n ti, nán kle n yalɛ.»

JÉSUS-CHRIST I DYASIN FE'N BO LUC KLELI'N 10:25

Mmla sifuɛ kun waan ɔ ´kan Jésus nian ti ɔ jaoli nan ɔ'a usɛ i kɛ: «?Nja, nguɛ yɛ n `yo nan m'an nyan anannganman nguan nin-ɔn?»

Jean 6:26

Jésus seli be kɛ: «Nanwlɛ, sa ti bɔ an kunndɛ min'n, nán atrɛ bɔ an wunnin be'n ti-ɔ, sanngɛ like bɔ an dili bɔ amun ku yili'n ti-ɔ.

Sa nga bé yôli'n 16:17

Ɔ su e nin Pɔl e su, ɔ kpan se kɛ: «Minniɛn nga'm be ti Nyanmiɛn bɔ like fi nun-mɛn i sin'n i sran mun, be su kan sa nga be yo nan b'a nyan bé ti'n i ndɛ kle amun.»

Sa nga bé yôli'n 16:30

Ɔ fa be fiteli weiin nun lɔ, yɛ ɔ usali be kɛ: «?Nja mun, nguɛ yɛ n `yo nan m'an fite nun-ɔn?»

Sa nga bé yôli'n 2:37

Kɛ be tili ndɛ sɔ'n ɔ yoli be ya, nan b'a usa Piɛr nin i wiengu mun kɛ: «?Nja mun, e ´yo i sɛ? »

Efɛzfuɛ Mun 3:14

I sɔ'n ti'n, n koto e Si'n i bo.

Hébreu 10:11

Cɛn kwlaa Nyanmiɛn nyrun jranfuɛ'm be kwlaa be o be junman'n su, be sɔ Nyanmiɛn i wafa kunngba'n titi, sanngɛ i sɔlɛ sɔ'n kwla wie-man bé wun sa'n mlɔnmlɔn .

1 Samiɛl 15:22

Yɛ Samiɛl waan: «?Tɛ'm be yilɛ'n li yɛ Anannganman kunndɛ-ɔ, annzɛ i ndɛ'm be su falɛ nin-ɔn? Nian, ainyiɛ'n flunman tra tɛ yilɛ'n, yɛ i ndɛ'm be su falɛ'n flunman tra bua'm be lui'n.