Mise 6:4 - NYANMIƐN NDƐ'N 1998

⁴ ?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Mise 6:4 ပူးပေါင်းရင်းမြစ်များ

2 Samiɛl 7:23

Nvle fi nun-man lɛ bɔ be kwla fa sunnzun Izraɛl nvle nin-ɔn. Izraɛl mɛn'n kunngba yɛ a ko kpɔli i Eziptfuɛ mun nin be amuɛn'm be sa nun-ɔn. A fɛ i yoli ɔ nvle. Yɛ wɔ man i dunman'n ɔ fuli, afin a yoli sa dandan mun, nin abonuan sa mun mɛnnin i mɛn nga nun wa.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 3:10

Siɛn'n, n ´sunman wɔ Ezipt famiɛn'n i wun lɔ. Ko fa Izraɛlfuɛ'm bɔ be ti min sran mun, man be tu Ezipt mɛn'n nun lɔ .»

Ezipt Lɔ Tulɛ'n 4:10

Moiz seli Anannganman kɛ: «Min Min, n ´srɛ wɔ kpa ti-ɔ, n ti-man sran b'ɔ ti ijɔfuɛ-ɔ. N ti-man sran bɔ ijɔ nzra nun titi-ɔ, kɛ a nin min ijɔ yɛ'n bɔbɔ n tɛ o min osu'n nun. Mín nuan'n sin-man ndɛndɛ, min ijɔlɛ ti tankantankan.»

Ezipt Lɔ Tulɛ'n 4:16

I yɛ ɔ wa kan ɔ́ nuan su ndɛ kle nvlefuɛ mun-ɔn. Ɔ ´ijɔ ɔ́ nuan, ɔ kusu a ´kaci kɛ i Nyanmiɛn sa yɛ a ´kan ndɛ'n ´kle i-ɔ.

Ezipt Lɔ Tulɛ'n 6:27

Moiz nin Aarɔn yɛ be ko seli Ezipt famiɛn'n kɛ ɔ yaci Izraɛlfuɛ'm be nun nan be `jaso i mɛn'n nun nin-ɔn.

Zeremi 32:21

A yili atrɛ, a yoli abonuan sa mun. Izraɛl b'ɔ ti ɔ nvle'n, a fa fin Ezipt lɔ bali. Ɔ man be wun kɛ a ti dan nan like nga ɔ waan a ´yo'n, a kwlɛ i yo.

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Kalɛ 12:1

Moiz jali Kis lɔ bla kun. Mari nin Aarɔn be kannin i wun ndɛ tɛtɛ i bla aja sɔ'n ti.

Kalɛ 33:1

Kɛ Izraɛlfuɛ'm be tuli bé bo Ezipt lɔ'n, lika nga be sinsinnin be nun mun be yɛ. Kɛ be ´kɔ'n, Moiz nin Aarɔn yɛ be ti be su kpɛn mun-ɔn, be kɔ akpasua-akpasua.

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 24:18

Nán amún wla fi kɛ amun yoli kanga Ezipt lɔ yɛ Anannganman deli amún-ɔn. I sɔ'n ti yɛ n fa mmla nga man amun kɛ amun nian su amun nanti nin-ɔn.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 9:26

Nan m'an srɛ Anannganman m'an se kɛ: «Anannganman Nyanmiɛn, nán nunnun ɔ sran mun. Be ti ɔ liɛ, a kpɔli be ti afin a ti dan, ɔ tinmin bɔ be jrɛn i nyrun-ɔn ɔ yo-man ye'n ti, a fali be Ezipt lɔ bali.

1 Samiɛl 12:6

Samiɛl waan: «Anannganman i nyrun-ɔn. I b'ɔ fali Moiz nin Aarɔn kɛ be fa amun nannan mun Ezipt lɔ bla'n, i nyrun-ɔn.