Mise 6:16 - NYANMIƐN NDƐ'N 1998

¹⁶ Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Mise 6:16 ပူးပေါင်းရင်းမြစ်များ

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

1 Famiɛn Mun 9:8

Sua sɔ'n bɔ i dunman'n ɔ fu'n, sran nga be ´sin i wun lɛ'n, be kwlaa be ´kpiti yɛ bé nuan'n ´bo bé wun. Be ´usa kɛ: ‹AI! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ ?›

2 Famiɛn Mun 16:3

Ɔ niannin Izraɛl famiɛn'm be nantilɛ'n su yɛ ɔ nantili-ɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i wa'n yili tɛ. Be yrɛli i.

2 Famiɛn Mun 21:3

Sraka yiwlɛ lika bɔ be o kpɔlɛ'm be su nga i si Ezekias bubuli be'n, ɔ wa kplannin be uflɛ. Ɔ kplannin sraka yiwlɛ mun mannin Baal, ɔ takali waka nga be sɔ'n kɛ nga Izraɛl famiɛn bɔ be flɛ i Akab'n yoli'n sa. Ɔ kotoli nglo lɔ ninnge'm bé bo, ɔ suli be.

2 Be Nyoliɛ 22:4

Ɔ yoli sa nga be yo-man Anannganman fɛ'n kɛ Akab i awlo'n nunfuɛ'm be yoli'n sa. Kɛ i si wuli'n, Akab i awlo'n nunfuɛ'm be mɛnnin i afɔtuɛ tɛ mun bɔ be yoli i mlinlɛ like.

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 44:13

A yo ɔ nvle'n i atɛ gua fɛ, a ukɛ-mɛn i gua'n su bɔ kan.

Jue Mun 44:14

Wɔ man e lɛ-man nyrun nvle nga be mantan ye'n bé sa nun, be srisri ye, be yo e finfin.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 9:16

I sɔ'n ti, Anannganman i klun su kwla jɔ-man be gbanflɛn'm bé wun. Yɛ ɔ su kwla si-man be aika mma mun nin be angboti mmla'm be aunnvuɛ. Afin be wie fi sro-mɛn i, be kwlaa be ti sa tɛ yofuɛ mun ngunmin kokoko. Ndɛ ng'ɔ fin be nuan fite'n, ɔ ti tɛtɛ ngunmin. I sɔ'n ti, Anannganman i ya'n ɔ su jɔ-man, ɔ nin be ´nyɛn i tititi.

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 25:18

N fa mannin Zerizalɛmfuɛ mun nin Zida klɔ'm be nunfuɛ mun. N fa mannin famiɛn mun nin be awlo lɔ sran dandan mun, nan be nunnun, nan sɛ sran'm be wun be-ɔ, be `bo kitika, be `fa be di flɛn, be `fa be bo sannzan .

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Ngwlɛ Yilɛ 5:1

Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Ezekiɛl 39:26

I liɛ'n, bé wla su kpɛn-man be nyannzuɛn dan'n bɔ be wunnin i'n i su kun. Yɛ bé wla su kpɛn-man bé sa tɛtɛ nga be yoli min'n be su kun. Be ´tran diin bé mɛn'n nun. Sran fi su kle-man be yalɛ kun.

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Ndɛ Nga Nyanmiɛn I Nuan Ijɔfuɛ Oze Kannin'n 12:14

Anannganman sunmannin i nuan ijɔfuɛ kun, i yɛ ɔ ko fali Izraɛlfuɛ mun Ezipt lɔ bali-ɔ. Nyanmiɛn nuan ijɔfuɛ kun kusu yɛ ɔ sieli i kɛ ɔ niɛn i sran'm be su-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 5:11

Efraimfuɛ'm be lɛ-man nyrun kun, b'a kuakua. Afin be bɔbɔ be tiaun mmla liɛ'n yɛ be waan be ´nanti su-ɔ.

Mise 2:6

Sran wie'm be ko se kɛ yoo: «Ndɛ finfin nga be kɛn i kɛ yoo: ‹San sa yalɛ ´tɔ e su'n,› i sɔ ndɛ finfin liɛ'n be `yaci i kanlɛ man e ti sa.

Mise 6:13

I sɔ'n ti kusu sa nga n ´fa wla amun nun'n ti-man blɛblɛ, amún tɛ'm be dunman nun ti. Sa nga amun si-mɛn i'n, n wa kle amun.

Sa nglô yile 2:20

sanngɛ bla nga be flɛ i Zezabɛl'n, bɔ i wan ɔ ti Nyanmiɛn nuan ijɔfuɛ'n, an mɛn i atin man ɔ kle min sran'm be like yɛ ɔ laka be man be fa bé wun wlɛ i tekle bolɛ'n nun, yɛ be di amuɛn'm be su. Amun wun sa b'ɔ o n klun'n yɛ ɔ o lɛ-ɔ .