Mise 6:14 - NYANMIƐN NDƐ'N 1998

¹⁴ Aliɛ nga amun ´nyɛn i be ´di'n, ɔ su yi-man amun klun. Awe'n ´kun amun. Like nga amun waan amun ´fa sie'n, ɔ su ka-man lɛ. like ng'ɔ ka lɛ'n n ´yo man alɛ'n ´di.

Mise 6:14 ပူးပေါင်းရင်းမြစ်များ

Ezai 30:6

Mɛn i ngua lɔ nnɛn'm bé wun ndɛ. B'a fa anyanbeun ninnge mun b'a sua aflunmun mun, b'a fa ninnge kpakpa mun b'a sua nyɔnngɔnmɛn mun, be su fa ko man sran'm bɔ be su kwla uka-man be'n. Nyrɛnnɛn, nin awlaboɛ lika'n, b'ɔ ti asɔmɔli bla, nin asɔmɔli yasua, nin ɔnda, ɔ nin dragɔn ng'ɔ tu'n be lika'n, lɛ yɛ be sin-ɔn.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Ezai 9:20

Manase yo-man Efraim blɛblɛ, Efraim kusu ɔ nyan Manase-ɔ, ɔ yaci-mɛn i lɛ. Yɛ be bue nnyɔn'n be di gua Zida su. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin be ´nyɛn i tititi.

Zeremi 48:44

«Sran ng'ɔ wanndi nan sa sroesroe'n ɔ'a nyɛn-mɛn i'n ɔ ´tɔ kunman'n nun. Sran ng'ɔ fin kunman'n nun fite'n, ɔ ´tɔ zɔ'n nun. Blɛ nga e nin Moab e wa yia nun'n, sa nga bɔ m man ɔ ´tɔ i su'n yɛ ɔ o lɛ-ɔ.» Anannganman'n yɛ ɔ kan sɔ-ɔ.

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Ndɛ Nga Nyanmiɛn I Nuan Ijɔfuɛ Oze Kannin'n 4:10

Man be di like'n sɛ, sanngɛ nán kɛ be ku yɛ ɔ ´yi ti-ɔ. Man be si tekle'n sɛ, sanngɛ nán kɛ ba yɛ be ´wu i ti-ɔ. Afin m bɔbɔ min Anannganman'n, be yili min nin min mmla'm be ase. Be yacili min lɛ be ɔli be tekle silɛ, be ɔli amuɛn'm bé sin.

Saun Yolɛ 26:26

N ´to amun awe. Kpaun tɔnwlɛ kunngba nun sa yɛ bla blu be ´kwla be tɔn kpaun-ɔn. Kpɛkuun kpaun kanngan sa yɛ bla sɔ'm be ´fa blɛ amun-ɔn. Sɛ amun di bɔbɔ'n, ɔ su kata-man amun ku bo .

Ndɛ Nga Nyanmiɛn I Nuan Ijɔfuɛ Aze Kannin'n 1:6

Amun fie'm bé su ninnge nga amun luali'n, ɔ'a sɔn-man ngowa, sanngɛ be su mma nga amun tili'n ti kaan sa. Aliɛ nga amun nyɛn i be di'n, ɔ ju-man amun. Nzan nga amun nyɛn i be nɔn'n, ɔ ju-man amun. Tralɛ nga amun nyɛn i be wla'n, ɔ kwla tu-man amún wun ayrɛ'n. Amun junman difuɛ'm be sika'n ɔ ti kɛ sika bɔ b'a fa sie bɔlɛ bɔ i bo ti fitiwa'n nun sa.»

Ndɛ Nga Nyanmiɛn I Nuan Ijɔfuɛ Aze Kannin'n 2:16

?Nguɛ sa yɛ ɔ tɔli amún su laa? ?Kɛ sran kun waan ɔ su ko fa ble kilo ablaɔn'n, nán kilo blu cɛ yɛ ɔ nyɛn i tanngannin'n nun lɔ-ɔ? ?Kɛ i waan ɔ su ko sa nzan litri ablenun nzan sɛ'n nun'n, nán litri ablaɔn cɛ yɛ ɔ nyɛn i-ɔ?