Mise 6:10 - NYANMIƐN NDƐ'N 1998

¹⁰ Ninnge nga sran tɛtɛfuɛ'm be wuali b'ɔ si bé sua'm be nun'n, ɔ nin be toe bɔ be kpɛ i kilo'n su'n, i sɔ tete like liɛ'n, n su yaci cɛ-man be.

Mise 6:10 ပူးပေါင်းရင်းမြစ်များ

Nyanndra Mun 10:2

Aeliɛ tɛ trɔ'n, be nyan-man su. Sanngɛ aeliɛ kpa'n man be nguan.

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 20:10

Jayɛbuɛ nin toe nnyɔn-nnyɔn nun tralɛ'n Anannganman i nyin ci i .

Nyanndra Mun 20:23

Jayɛbuɛ nga be ti-man nanwlɛ'n, be ti-man Anannganman liɛ'n su. Anannganman klo-man toe nga be fa di ndrunmun'n.

Nyanndra Mun 21:6

Be nga bɔ awie yɛ be fa nyan bé wun'n, be ti sinnglinfuɛ. Be su kpɛkpɛ be nguan nyanman'n nun.

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Mise 6:9

Anannganman se klɔfuɛ'm be kɛ be nga bé nyin yi i'n, be ´nyan bé ti. «Zida akpasua sufuɛ mun, amun kwlaa nga amun yia klɔ'n su yɛ'n, an `tie!

Sofoni 1:9

I sɔ cɛn liɛ nun'n, be bɔ be ju Nyanmiɛn sua'n i anuan'n nun bɔ be tu be tra i tiaan nga be fa wlu nun lɔ su'n, kɛ sran bɔ be si-man Nyanmiɛn'n be sa'n, n ´tu be fɔ. Be nga bɔ b'a fa awie'n nin sa tɛtɛ yolɛ'n b'a fa nyan bé wun, bɔ i sɔ ninnge'm b'a yi be amuɛn sua mun piɛ'n, n ´tu be fɔ.

Zakari 5:6

Yɛ n usɛli i kɛ: «?Nguɛ yɛlɛ sɔ'n?» I waan: «Gbogbo-ɔ. Mɛn'n nun sa tɛ'n kwlaa nga be yoli'n wo nun.»

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.