Mise 5:8 - NYANMIƐN NDƐ'N 1998

⁸ Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mise 5:8 ပူးပေါင်းရင်းမြစ်များ

Bo Bolɛ 49:9

Mín wa Zida, a ti kɛ jra gbanflɛn kun b'ɔ fin i nnɛn dilɛ ɔ'a ba i lawlɛ, bɔ ɔ'a koto i ja'n su ɔ'a la'n sa. ?Kɛ jra yasua annzɛ bla ɔ ko la'n, be ´yo i sɛ bɔ cɛ yɛ ɔ ´jaso-ɔ?

Jue Mun 104:20

Kɛ a yo bɔ kɔnguɛ'n ɔ'a ba'n, kpɛkuun lika'n lu tuun, wuun ɔ'a ju bo'n nun nnɛn'm be wlanlɛ,

Jue Mun 44:5

Min Min, min famiɛn, sɛ ɔ sran'm be ´kwla'n, ɔ fin wɔ.

Jue Mun 50:22

Amun bɔ amún wla nun-man min su kun'n, amun `bu ndɛ nga n kannin'n i akunndan. Ɔ'a yo-man sɔ-ɔ, cɛn nga n ´jɔjɔ amun nun'n, sran fi su de-man amun.

Ezai 5:29

Be kpanlɛ nga be kpan'n, ɔ ti kɛ asɔmɔli bla'm be liɛ'n sa, be kpan kɛ asɔmɔli ba mun sa. Be kpan, be tra be nnɛn'n, be fa kɔ, sran fi kwla de-mɛn i be sa nun.

Ezekiɛl 39:10

Be su fa-man yie blo lɔ, be su kpɛ-man yie bo'n nun lɔ, afin alɛ ninnge'n yɛ be ´fa trɔ sin nin-ɔn. Be ´de be nga be deli be ninnge'n be liɛ mun. Be ´kuakua be nga be kuakuali be'n. Be ´fɛn be nga be fɛnnin bé bo ninnge'n bé bo ninnge liɛ'n.› » Anannganman Nyanmiɛn yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 5:14

Afin m bɔbɔ min n ´kaci kɛ asɔmɔli sa Efraimfuɛ'm bé wun, n ´kaci kɛ asɔmɔli bɔ ɔ'a kpɛ cro'n sa Zidafuɛ'm bé wun, n ´titi be nun kpɛkuun n su kɔ min nyrun. Kɛ n ´kɔ'n, n ´fa be m ´bo min je nun n ´kɔ, sran fi sa su kwla-man be mín nuan nun de.

Mise 2:12

Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Zakari 10:5

Be wa yo safunyrɛn, be ´tiatia be kpɔfuɛ'm be su kɛ be tiatia klɔ nun akpɔ'n nun aunnyan'n su'n sa. Be ´kun alɛ'n kɛ ng'ɔ o lɛ'n sa, afin m bɔbɔ min Anannganman'n n jin bé sin.

Zakari 11:6

N kusu, min Anannganman, n su si-man asiɛ'n su sran'm be aunnvuɛ wie kun. M ´man atin man sran'm be yo be wiengu'm be kanga, yɛ m ´man atin man be yo be famiɛn'm be kanga. Famiɛn'm be ´sanngan mɛn'n nun, sanngɛ n su de-man sran fi bé sa nun.»

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 14:18

Sɛ Eziptfuɛ'm be waan be kɔ-man Zerizalɛm wie'n, nzue'n su tɔ-man be mɛn'n nun. Sa nga Anannganman'n ´fa yi i nvle nga be nunfuɛ'm b'a ɔ-man b'a ko di-man kpata bo tranlɛ cɛn'n yɛ ɔ o lɛ-ɔ.

Zakari 9:15

Anannganman b'ɔ sie mɛn wunmuan'n ɔ ´sasa i sran mun. Be ´kun be kpɔfuɛ mun, be ´wla kpafloko nun yɛbuɛ be ´nunkun be. Be kpɔfuɛ sɔ'm be mmoja'n ɔ ´sonji kɛ nzan sa. Ɔ ´yo kɛ b'a kun nnɛn sa, be mmoja'n ɔ ´yi kpongbo nga be fa kpɛntɛn-kpɛntɛn mmoja'n. Ɔ ´yo kɛ Nyanmiɛn i sɔwlɛ'n i cɔnjɔ'm be su mmoja'n sa.

Kalɛ 24:9

Be ti kɛ asɔmɔli mun sa, be koto, kpɛkuun b'a la. ?Wan yɛ ɔ kwla mian be kɛ be jaso-ɔ? Izraɛlfuɛ mun, man sran ng'ɔ yra amun nguan'n ɔ nyan muae klanman, yɛ sran ng'ɔ bo amun sannzan'n, man nyrɛnnɛn tɔ i su .› »

Matthieu 10:14

Sɛ b'a sɔ-man amun nun yɛ sɛ be tie-man amun ndɛ'n, an `jao awlo sɔ'n nun annzɛ klɔ sɔ'n su. Yɛ kɛ amun ´kɔ'n an `kpukpu amún ja wun ndutre'n guɛ i lɛ.

Sa nga bé yôli'n 18:6

Kɛ Zuif'm be kpalo i ndɛ'n bɔ be ´kpɛ i nzowa'n, ɔ kpukpuli i tralɛ'n nun, ɔ seli be kɛ: «Sɛ an mlin'n, amun bɔbɔ amun ndɛ-ɔ. Min ndɛ nun-man nun! Kɛ ɔ fin ndɛ'n, n ´kɔ be bɔ be ti-man Zuif'n be sin.»

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.