Mise 5:6 - NYANMIƐN NDƐ'N 1998

⁶ Zakɔb osu nunfuɛ nga be ka lɛ'n be ti'n, nvle kpanngban nga Izraɛlfuɛ sɔ'm be wo be afiɛn'n be yo kpa, kɛ ninnge bɔ bɔlɛ gua be su'n sa. Izraɛlfuɛ sɔ'm be ti nvle kpanngban sɔ'm be ´yo kɛ ijre bɔ nzue tɔ su'n sa. Nán sran yɛ man nzue sɔ'n tɔ-ɔ, i bɔbɔ i klun klo yɛ ɔ tɔ-ɔ .

Mise 5:6 ပူးပေါင်းရင်းမြစ်များ

2 Famiɛn Mun 15:29

Pekak blɛ su'n, Tilgat-Pilnezɛr b'ɔ ti Asiri famiɛn'n wa fali klɔ nga be o yɛ mun: Izɔn, nin Abɛl-Bɛt-Maaka, nin Zanɔak, nin Kedɛs, ɔ nin Azɔr. Ɔ fali Galile mɛn'n, nin Galaad mɛn'n, ɔ nin Nɛftali lika wunmuan'n. Ɔ fali lika sɔ'm be nun sran mun ɔli Asiri.

1 Be Nyoliɛ 1:10

Kis wuli Nimrɔd. Nimrɔd yɛ ɔ yoli asiɛ'n su famiɛn klikli nin-ɔn.

2 Be Nyoliɛ 33:11

Yɛ Anannganman man Asiri famiɛn'n i sonja'm be su kpɛnngbɛn'm be wa tɔli be su-ɔ. Be trali Manase, be fali nga wie mun wlɛli i aoje'n nun, kpɛkuun be cili i klɛnnɛnklɛnnɛn nin aaba bɔ be yoli i tianman-tianman kɛ nyanman sa'n, nan b'a fɛ i b'a ɔ Babilɔni.

Zɔb I Nyrɛnnɛn Wunlɛ 29:22

Kɛ n ko ijɔ'n, be kan-man ndɛ fi kun. Min ndɛ'n ɔ gua be su kɛ bɔlɛ sa.

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 72:6

Man ɔ yo kɛ nzue b'ɔ tɔ ijre bɔ b'a kpɛkpɛ'n su'n su sa. Man ɔ yo kɛ nzue dan b'ɔ lualua asiɛ'n sa.

Ezai 14:2

Aofuɛ'm be wa fa Izraɛlfuɛ mun ba Izraɛl asiɛ'n su. Izraɛlfuɛ'm be ´sɔ aofuɛ sɔ'm be nun kɛ be aja like sa Anannganman i asiɛ'n su. Be ´fa be ´yo kanga bla mun nin kanga yasua mun. Be nga bɔ be wlali Izraɛlfuɛ'm be bisua'n, be ´wla be bisua wie. Yɛ be wa sie be nga be tinnin be su laa'n.

Ezai 14:25

N ´saci Asirifuɛ'm be tinmin'n min mɛn'n nun, n ´tiatia be su min oka'm be su. Sielɛ kekle nga be fa sie amun'n, ɔ ´wie. Be trɔ ng'ɔ wo amun wati su'n, ɔ ´foli tɔ.»

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Ezai 37:37

Yɛ Sankerib b'ɔ ti Asiri famiɛn'n ɔ jasoli lɛ-ɔ. Ɔ sɛli i sin ɔli Niniv ko trannin lɔ. Le kun b'ɔ koto i amuɛn bɔ be flɛ i kɛ Nisrɔk'n i sua'n nun lɔ, kpɛkuun i wa Adramelɛk nin Sarɛzɛr be ko kunnin i nin tokofi, nan b'a wanndi b'a ɔ Ararat mɛn'n nun lɔ. Nan i wa Ezar-Adɔn ɔ'a yo famiɛn ɔ'a sin i osu.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Naɔm 2:11

Be de ninnge mun, be saci-saci be, be fɛn be! Sran'm bé sa sin ɔ'a bubu be, be jran bé ja'm be su-ɔ, ɔ jran-man kun, be usu sa kpɛkpɛkpɛ, kɛ a wun be nyrun'n a si kɛ srɛ kun be .

Sofoni 2:13

Anannganman nin be nga be o mɛn'n i nglo lɔ lika liɛ nun'n be ´yia nun. Ɔ ´nunnun Asiri, ɔ ´yo man Niniv ´nunnun, ɔ ´kaci aawlɛ flɛnnɛn, ɔ su yo-man like ye.

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

JÉSUS-CHRIST I DYASIN FE'N BO LUC KLELI'N 1:71

‹Ɔ wa de ye be nga be nin ye kun'n, bé sa nun yɛ ɔ wa de ye be kwlaa nga be kpɔ ye'n bé sa nun kusu.

JÉSUS-CHRIST I DYASIN FE'N BO LUC KLELI'N 24:27

Yɛ ɔ yiyi i bɔbɔ wun ndɛ bɔ be klɛli i Nyanmiɛn Ndɛ'n kwlaa nun'n i nun kleli be-ɔ. Ɔ boli i bo Moiz nin Nyanmiɛn nuan ijɔfuɛ'm be kwlaa be ndɛ'n nun.

Mmla'n 32:2

Man like nga n kle sran mun'n, ɔ yo kɛ nzue yɛ ɔ su tɔ sa. Man min ndɛ nga n kan be mun'n, be yo kɛ nglɛmun bɔlɛ'n b'ɔ gua'n sa. Man be yo kɛ nzue b'ɔ gua nnya'm be su'n sa. Man be yo kɛ nzue b'ɔ gua ijre'm be su'n sa.