Mise 5:4 - NYANMIƐN NDƐ'N 1998

⁴ I yɛ ɔ ´fa fɔundi ba-a. Sɛ Asiri sonja'm be wlu e mɛn'n nun'n nan bé ja tia é sua kpakpa'm be nun'n, e ´sunman e sonja kpɛnngbɛn kpanngban kpa kɛ be nin be be ko kun.

Mise 5:4 ပူးပေါင်းရင်းမြစ်များ

Jue Mun 145:12

Be ´kan man sran'm be ti ɔ sa dandan bɔ a yo be'n, nan be `si kɛ ɔ sielɛ'n ɔ yo nyɛnmɛn nan ɔ lɛ nyrun.

Jue Mun 22:27

Yalɛfuɛ'm be ´di aliɛ be ku ´yi. Be nga be fa bé wun mantan Anannganman'n, be´mɛnmɛn i yɛ be ´nyan nguan tɛnndɛn.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 72:8

Man i yɛ ɔ sie mɛn nin-ɔn . Ɔ `sie i kɛ ɔ fɛ i asiɛ'n i bue kun su b'ɔ ´fa ju i bue kun lɔ'n su'n, yɛ kɛ ɔ fɛ i Efrat'n nuan b'ɔ ´fa ju asiɛ'n i awieliɛ lɔ'n.

Jue Mun 93:1

Anannganman ti famiɛn, i anyrunnyan dan'n kɛtɛ i wun kɛ kondro sa, i fanngan'n ɔ ci i bo kɛ cisu sa. I sɔ'n ti asiɛ'n ti cinnjinnjin, be su i-ɔ ɔ su-man.

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 49:5

Anannganman b'ɔ dun mmua siesieli min mín nin klun lɔ kɛ ɔ ´yo nan m'an yo i sufuɛ'n, nan m'an fa Zakɔb i osu'n nunfuɛ mun m'an blɛ i'n, nan m'an fa Izraɛlfuɛ mun m'an tian be nuan i wun lɛ'n, ɔ kannin ndɛ siɛn'n. Anannganman bu min sran, Nyanmiɛn yɛ ɔ man min wunmiɛn-ɔn.

Ezai 52:10

Anannganman ɔ'a kle nvle-nvle'm be nunfuɛ'm be kwlaa kɛ ɔ ti kpli. Yɛ kɛ ɔ fɛ i lele ´ju mɛn'n i awieliɛ lɔ'n, sran'm be ´wun delɛ nga Nyanmiɛn de sran'n .

Ezai 52:13

Anannganman waan: «Amun `nian, min sufuɛ'n i sa nun ninnge'm be ´yo ye. Ɔ ´yo dan, i dunman'n ´fu, ɔ ´nyan nyrun kpa.

Ezai 8:7

i ti Anannganman man Efrat nzue kpanngban b'ɔ sonji kekle'n, ɔ sonji ba be su, Asiri famiɛn'n b'ɔ lɛ nyrun dan'n ɔ ´ba. Nzue'n ɔ ´yi dan kpa, ɔ ´kɛtɛ i cenje'n kwlaa su.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Malasi 1:5

Kɛ Izraɛlfuɛ'm be ´wun i'n, be ´se kɛ: Kannzu Anannganman i dan'n fɛ i Izraɛl nvle'n nun wa lele fa ju nvle uflɛ'm be nun lɔ.› »

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Matthieu 2:6

‹Yɛ wɔ Bɛtleɛm bɔ a o Zida nvle nun'n, a ti-man kaan Zida i klɔ bɔ be lɛ nyrun'n be nun mlɔnmlɔn, afin wɔ su yɛ sran kun wa fite b'ɔ ´sie min nvle Izraɛl nin-ɔn, ɔ ´nian min sran'm be su .› »

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

JÉSUS-CHRIST I DYASIN FE'N BO LUC KLELI'N 1:32

Ɔ ´yo sran dan, be ´flɛ i kɛ Nyanmiɛn bɔ like fi nun-mɛn i sin'n i Wa, yɛ e Min Nyanmiɛn'n ɔ ´fɛ i nannan David bia'n mɛn i.»

Jean 10:38

Sɛ n yo be'n, kannzɛ an lafi-man m bɔbɔ n su'n, sanngɛ an `lafi sa sɔ'm be su nan amu'an wun i wlɛ kpa kɛ min nin min Si e ti sran wunmuan.

Jean 20:17

Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»