Mise 5:3 - NYANMIƐN NDƐ'N 1998

³ Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Mise 5:3 ပူးပေါင်းရင်းမြစ်များ

1 Famiɛn Mun 14:16

Ɔ ´yi Izraɛl'n i ase, afin Zeroboam i bɔbɔ yoli sa tɛ, yɛ ɔ man Izraɛl kusu yoli sa tɛ wie.»

2 Be Nyoliɛ 30:7

Nán amun yo kɛ amún si nin amun niaan nga be kacili be sin be sili Anannganman b'ɔ ti be nannan'm be Nyanmiɛn'n sa. Nyanmiɛn man awlaboɛ'n yili be, amun bɔbɔ amun nyinma ta nun.

Jue Mun 67:3

kɛ ɔ ´yo nan mɛn'n nunfuɛ'm b'a wun atin bɔ be fa kɔ ɔ́ sin'n ti, yɛ kɛ ɔ ´yo nan mɛnmɛn'm be nunfuɛ mun kwlaa b'a si kɛ wɔ yɛ a de sran mun'n ti.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 31:1

Anannganman waan: «I blɛ sɔ nun'n, n wa yo Izraɛl awlobo'm be kwlakwla be Nyanmiɛn. Be kusu be ´yo min sran.»

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Ndɛ Nga Nyanmiɛn I Nuan Ijɔfuɛ Oze Kannin'n 2:14

I vinyi fie nin i figie fie b'ɔ kan be ndɛ se kɛ: ‹Min ajaoke nga min soman'm be mannin min'n yɛ'n,› n ´saci be. N ´yo man fie sɔ'n be ´kaci bo ble, kpɛkuun lɛ yɛ blo nnɛn'm be wa didi-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:9

Ɔ su i soman'm be su-ɔ, ɔ su to-man be. Ɔ ´kunndɛ be lele ngbɛn, ɔ su wun-man be. Kpɛkuun ɔ wa se kɛ: ‹Sɛ ɔ ti sɔ'n, n ´sa min sin mín wun klikli fuɛ'n i wun lɔ, afin lɔ liɛ'n, n klun ´jɔ tra siɛn'n.›

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Mise 4:4

Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Mise 4:7

N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mise 6:14

Aliɛ nga amun ´nyɛn i be ´di'n, ɔ su yi-man amun klun. Awe'n ´kun amun. Like nga amun waan amun ´fa sie'n, ɔ su ka-man lɛ. like ng'ɔ ka lɛ'n n ´yo man alɛ'n ´di.

Mise 7:13

Mɛn'n ɔ ´bo, sran nga be tran nun'n be aeliɛ tɛtɛ'n ti mɛn'n ɔ ´bo.

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 12:50

Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.