Mise 5:2 - NYANMIƐN NDƐ'N 1998

² Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Mise 5:2 ပူးပေါင်းရင်းမြစ်များ

Bo Bolɛ 35:16

Kɛ be fɛ i Betɛl lɛ bɔ be wa ju Efrata'n, yɛ Rasɛl wuli ba-a. I ba wulɛ sɔ'n yoli kekle.

Bo Bolɛ 35:19

Kɛ Rasɛl i wie'n yoli sa. Be sieli i atin ng'ɔ kɔ Efrata bɔ i dunman uflɛ'n yɛlɛ Bɛtleɛm'n i nuan.

Bo Bolɛ 48:7

Kɛ n fin Mezopotami m ´ba'n, Rasɛl wuli mín sa nun Kanaan mɛn'n nun lɔ Efrata wun koko lɔ, nan m'an sie i Efrata bɔ siɛn'n be flɛ i kɛ Bɛtleɛm'n i atin'n i nuan lɛ.»

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

1 Be Nyoliɛ 2:54

Salma osu'n nunfuɛ mun yɛlɛ Bɛtleɛmfuɛ mun, nin Nɛtofafuɛ mun, nin Atrɔt-Bɛt-Zoabfuɛ mun, nin be nga be tran Azi-Amanakti'n be bue, nin Zɔreafuɛ mun,

1 Be Nyoliɛ 5:2

Zida yɛ ɔ nyannin nyrun dan i niaan'm be nun-ɔn, i osu nunfuɛ'm be nun kun yɛ ɔ yoli kpɛnngbɛn nin-ɔn, sanngɛ Zozɛf yɛ ɔ nyannin ba klikli'n i aja nin-ɔn .

Jue Mun 132:6

Be kɛnnin i laa kɛ Nyanmiɛn i alaka'n wo Efrata. E ko wunnin i sakpa Zaar bue liɛ'n su lɔ.

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 18:25

Ɔ kpali Izraɛlfuɛ'm be nun sran nga be lɛ nyrun mun'n, nan ɔ'a sie wie mun sran akpi su kpɛn, wie mun sran ya su kpɛn, wie mun sran ablenun su kpɛn, yɛ wie mun sran blu su kpɛn.

Ezai 11:1

Sran kun ɔ ´jaso su Izai osu'n nun kɛ waka sama'n ɔ fɛfɛ waka'n i bo'n su'n sa. Ɔ wa jaso su kɛ waka nɔnman'n ɔ fɛfɛ waka i olui'n su'n sa .

Ezai 53:2

Anannganman i sufuɛ'n, ɔ jasoli su i nyrun lɛ kɛ waka nɔnman kan wie sa, ɔ jasoli su kɛ waka b'ɔ fɛfɛ i olui'n su asiɛ kee nun'n sa. Ɔ ti-man klanman, yɛ ɔ lɛ-man nyrun bɔ i ti e ´se kɛ e ´niɛn i-ɔ. I wafa b'ɔ ti'n, i ti ɔ yo-man kɛ e konvi sɔ i.

Ezai 55:4

N fɛ i sieli kɛ ɔ `kan min ndɛ kle nvle-nvle'm be nunfuɛ mun nan ɔ `yo mɛnmɛn'm be nyrun dunfuɛ, yɛ ɔ `sie be.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Zeremi 30:21

Be nvle'n nunfuɛ kun yɛ ɔ ´yo be kpɛnngbɛn-ɔn. Be nvle'n nunfuɛ kun yɛ ɔ ´yo be siefuɛ-ɔ. N ´yo man Zakɔb ´fɛ i wun mantan min ɔ ´ba min wun. ?Afin kɛ wan sa yɛ i bɔbɔ kwla si i wue nun kɛ ɔ ´fɛ i wun mantan min-ɔn?» Anannganman'n yɛ ɔ usa sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Mise 4:10

Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 2:1

Be wuli Jésus Bɛtleɛm, Zide mɛn'n nun. Blɛ sɔ'n nun, famiɛn Erɔd yɛ ɔ sie nvle sɔ nin-ɔn. Mɛn nun sa sifuɛ wie'm be fin wia afiliɛ be bali Zerizalɛm lɛ,

Matthieu 2:6

‹Yɛ wɔ Bɛtleɛm bɔ a o Zida nvle nun'n, a ti-man kaan Zida i klɔ bɔ be lɛ nyrun'n be nun mlɔnmlɔn, afin wɔ su yɛ sran kun wa fite b'ɔ ´sie min nvle Izraɛl nin-ɔn, ɔ ´nian min sran'm be su .› »

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

JÉSUS-CHRIST I DYASIN FE'N BO LUC KLELI'N 23:2

Kɛ be juli lɔ'n yɛ be tɔli sa nga ti yɛ be sɛnmɛnnin i'n i kanlɛ su-ɔ, be seli kɛ: «E wun kɛ bian nga saci e nvle'n, i waan, nán man be su lapo man Sezar, yɛ i li waan ɔ ti Krist, i waan ɔ ti famiɛn.»

JÉSUS-CHRIST I DYASIN FE'N BO LUC KLELI'N 23:38

Yɛ be klɛli i ti su lɛ kɛ: Zuif'm be famiɛn'n yɛ.

Jean 7:42

?B'a klɛ-mɛn i Nyanmiɛn Ndɛ nga be klɛli'n nun kɛ Krist'n ´fin David osu'n nun, b'a klɛ-mɛn i kɛ ɔ fin Bɛtleɛm b'ɔ ti David i klɔ'n i su lɔ ?»

Mmla'n 1:15

I ti nan m'an fa amun akpasua'm bé su kpɛnngbɛn mun, afin be ti ngwlɛlɛfuɛ, yɛ be bo be dunman kpa, nan m'an fa be m'an sie amún su kpɛnngbɛn. N fali wie mun n sieli sran akpi su kpɛn, n fali wie'm be kusu n sieli sran ya su kpɛn, n fali wie mun n sieli sran ablenun su kpɛn, yɛ n fali wie mun n sieli sran blu su kpɛn. Wie'm be kusu n sieli be amun akpasua kunngun'm bé su kɛ be `nian amun su.

Kolɔsfuɛ Mun 1:17

Kɛ be ´yi ninnge'n kwlaa'n, wuun ɔ o lɛ, i ti yɛ man be kwlaa be o lɛ-ɔ .

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

Hébreu 7:14

Afin sran'm be kwlaa be si i weiin kɛ e Min'n fin Zida osu bɔ Moiz a kan-man Nyanmiɛn nyrun jranfuɛ fi ndɛ osu sɔ'n nun le'n i nun.

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

Sa nglô yile 19:16

Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»

Sa nglô yile 2:8

«Nian ndɛ nga n klo kɛ a klɛ ko man Smirni asɔnun'n i anz'n yɛ: ‹M bɔ n ti like'n kwlaa i klikli nin i awieliɛ'n, bɔ n wuli, n cɛnnin'n, n se kɛ yoo :

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Jɔlɛ Difuɛ Mun 17:7

I blɛ kunngba sɔ nun'n, Levi akpasua'n su gbanflɛn kun b'ɔ tran Bɛtleɛm b'ɔ o Zida mɛn nun'n,

Rit I Wun Ndɛ 1:1

Laa jɔlɛ difuɛ'm be blɛ su'n, awe kun kpɛnnin Izraɛl mɛn'n nun. Bɛtleɛm klɔ'n b'ɔ o Zida mɛn'n nun'n lɔ, bian kun nin i yi nin i wa yasua nnyɔn mun be tuli ko trannin Moab mɛn'n nun lɔ.

Rit I Wun Ndɛ 4:11

Be kwlaa nga be o lɛ'n, nin kpɛnngbɛn'm be ngba be waan: «Ɛɛn! Ɔ yoli e nyrun. Anannganman man bla nga ɔ'a wlu wɔ awlo nun yɛ'n ɔ yo kɛ Rasɛl nin Lea bɔ be nnyɔn'n be takali Izraɛl nvle'n sa. Yo sran dan Efrata nvle'n nun man ɔ dunman'n fu Bɛtleɛm wa .

1 Samiɛl 10:19

I sɔ'n kpɛkuun-ɔn, ndɛ amu'an kaci amun sin amu'an si Nyanmiɛn. I b'ɔ deli amun blɛ kekle nin nyrɛnnɛn blɛ nun'n, amu'an kaci amun sin amu'an si i. Amun seli i kɛ: ‹Sie é su famiɛn kun.› Amun bla Anannganman nyrun akpasua-akpasua, i sin'n, amun `bla awlobo-awlobo.»

1 Samiɛl 17:12

Efrata bian kun tran Bɛtleɛm b'ɔ o Zida akpasua'n su. Be flɛ i kɛ Izai. Sail blɛ su'n, wuun ɔ'a yo oke. Izai lɛ ba yasua mɔcuɛ. I wa'n kun yɛlɛ David. I mma'm be nun kaklaakla nsan be nin Sail be ɔli alɛ kunlɛ. I mma sɔ mun be yɛlɛ: Eliab, Abinadab, yɛ Sama.

1 Samiɛl 17:18

Fromaz blu kusu yɛ, fa ko man be sonja akpi i su kpɛn'n. Nian ɔ niaan'm be osu, sɛ be ti juejue o! Sɛ a ´ba'n, fa bé sa nun like kun bla wa kle min nan n si kɛ lɔ ti kpa.

1 Samiɛl 23:23

Kɛ amun ko si i fiawlɛ mun nan amun ko sie be kwlaa be nzɔliɛ'n, amun wa se min, kpɛkuun e nin amun e su kɔ. Sɛ ɔ tɛ o lɛ'n, n ´kunndɛ i Zida i kɔtɔkakɔtɔka'n kwlaa nun.»

1 Samiɛl 8:12

Ɔ ´fa wie mun yo i sonja akpi su kpɛn annzɛ sonja ablenun su kpɛn. Wie'm be kusu be ´tutu i lika, be ´ti i fie'n su ninnge mun. Be wie'm be ´yo i alɛ ninnge nin i kakaklolo'm bé wun ninnge mun.