Mise 5:14 - NYANMIƐN NDƐ'N 1998

¹⁴ Min klunngbɔ nga n ´tu i be nga bé nyin ɔ'a yi-man min bɔ m'an fa ya be wun'n be su'n, ɔ wa yo dan kpa.»

Mise 5:14 ပူးပေါင်းရင်းမြစ်များ

2 Famiɛn Mun 17:10

Be takali yɛbuɛ sran mun, be takali waka nga be sɔ be kpɔlɛ nglo-nglo nin waka nga nnya o bé su'n be kwlaa bé bo.

Jue Mun 149:7

Man be fa tokofi sɔ'n be tu be klunngbɔ nvle-nvlefuɛ'm bé su. Man be fa tu nvle-nvlefuɛ sɔ'm be fɔ.

Jue Mun 149:9

Man be bu be fɔ ng'ɔ ti klɛwa'n. Sɛ be yo sɔ'n, ɔ ´man Anannganman i sufuɛ nanwlɛfuɛ'm be kɔmin su. An `manman Anannganman!

Ezipt Lɔ Tulɛ'n 34:13

Amun `bubu be amuɛn sɔwlɛ mun. Amun `bubu be yɛbuɛ nga be takali be'n, ɔ nin be waka nga be sɔ be'n.

Ezai 17:8

Ɔ su kpɛ-mɛn i nyin amuɛn sɔwlɛ nga i bɔbɔ yoli'n be su. Amuɛn b'ɔ fɛli i bɔbɔ sa yoli be'n nin waka b'ɔ takali be'n, ɔ nin ansans yrawlɛ mun, ɔ su fɛ-mɛn i nyin sie-man be su kun.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Zeremi 12:17

Sanngɛ nvle nga i waan ɔ di-man su'n, n ´tu i bo kɛ waka sa, n ´kun i.› » Anannganman'n yɛ ɔ kan sɔ-ɔ.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Naɔm 1:14

Ninivfuɛ mun, Anannganman ɔ'a fua a kle amun. I waan: «Amun su nyan-man osufuɛ fi b'ɔ ´suan amun dunman nin-ɔn. Amun amuɛn sua'n nun amuɛn mma nga amun fali waka yɛ be sɛli'n nin nga amun fali blalɛ yɛ be yoli'n, n ´saci be. Kunman nga be ko sie amun nun'n, n su kpɛ. N su kpɛ, afin amun ti-man like fi min nyrun kun.»