Mise 5:13 - NYANMIƐN NDƐ'N 1998

¹³ N ´tutu yɛbuɛ nga an taka be mun, n ´nunnun amun klɔ mun .

Mise 5:13 ပူးပေါင်းရင်းမြစ်များ

Ezai 2:18

Amuɛn wie fi su ka-man lɛ.

Ezai 2:8

Be di-man amuɛn'm be yalɛ bé mɛn'n nun. Be koto ninnge nga be fa bé sa be yi'n be bo. Be su ninnge nga be fa bé sama be yo'n mun.

Ezai 27:9

Sanngɛ siɛn'n, wafa nga be ´yaci Izraɛlfuɛ'm bé wun sa'n cɛ be'n, yɛ wafa nga be ´nunnun bé sa tɛ'n su'n yɛ: be wa bubu sraka yiwlɛ lika'm be yɛbuɛ'm be nun, be ´nunkun be kɛ like pɔpɔ wie sa, be ´yo kɛ ndutre sa. Be su taka-man yɛbuɛ nga be sɔ be'n kun, be su kplan-man sraka yiwlɛ nga be yra ansans su'n mun kun.

Ezekiɛl 16:41

Be ´wɔ ɔ́ sua'm be nun. Be ´di wɔ jɔlɛ bla kpanngban kpa be nyrun. Wafa nga n wa fa nunnun ɔ tekle bolɛ'n yɛ ɔ lɛ-ɔ, yɛ a su tannin-man sran kalɛ kun.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Ndɛ Nga Nyanmiɛn I Nuan Ijɔfuɛ Oze Kannin'n 10:2

Be anwlɛn ti nnyɔn-nnyɔn, be wa sua bé sa tɛ'n i trɔ'n siɛn'n, Anannganman'n wa bubu bé sraka yiwlɛ mun, ɔ wa saci be yɛbuɛ nga be sɔ be mun.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 14:8

Be nga be ti min liɛ'n, sɛ n ´kwla se'n be wa tran min fɔnvɔ'n bo, be wa lua ble mma, be ´nyin kɛ vinyi sa, be dunman'n ´fu kɛ Liban nzan'n sa.

Naɔm 1:14

Ninivfuɛ mun, Anannganman ɔ'a fua a kle amun. I waan: «Amun su nyan-man osufuɛ fi b'ɔ ´suan amun dunman nin-ɔn. Amun amuɛn sua'n nun amuɛn mma nga amun fali waka yɛ be sɛli'n nin nga amun fali blalɛ yɛ be yoli'n, n ´saci be. Kunman nga be ko sie amun nun'n, n su kpɛ. N su kpɛ, afin amun ti-man like fi min nyrun kun.»

Sofoni 1:4

«Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Sa nglô yile 9:20

Sran nga like sroesroe sɔ'm b'a kun-man be'n, b'a kaci-man be nzuɛn'n, yɛ b'a yaci-man like nga be bɔbɔ be yoli'n be sɔlɛ. Be sɔ mmusu mun, nin amuɛn bɔ be fa sika ɔkwlɛ, nin jɛtɛ ufue, nin aaba, nin yɛbuɛ, nin waka be fa yo be'n. Ninnge nga be yo be sɔ'n be wun-man ase, be ti-man sa, yɛ be kwla nanti-man .

Jɔlɛ Difuɛ Mun 18:17

Yasua nnun nga be dun mmua ɔli mɛn i kplalɛ'n, be wluli sua'n nun lɔ nan b'a fa waka sran nga be kloli aaba guɛli i wun'n, nin amuɛn mun, nin amuɛn ninnge mun. Kɛ ɔ ´yo sɔ'n, wuun amuɛn'm be nyrun tranfuɛ'n nin alɛ kunfuɛ ya nsiɛn nga be alɛ ninnge'n wo bé sa nun'n be o anuan'n nun lɛ.