Mise 5:1 - NYANMIƐN NDƐ'N 1998

¹ Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Mise 5:1 ပူးပေါင်းရင်းမြစ်များ

Bo Bolɛ 35:19

Kɛ Rasɛl i wie'n yoli sa. Be sieli i atin ng'ɔ kɔ Efrata bɔ i dunman uflɛ'n yɛlɛ Bɛtleɛm'n i nuan.

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

1 Famiɛn Mun 22:24

Kɛ e ´ijɔwa-a, Kɛnana i wa Sedesias ɔ'a wunnge Mise wun lɔ, kpɛkuun kpaun, ɔ'a kpaci i nyrun. Ɔ usali Mise kɛ: «?Anannganman i Wawɛ b'ɔ o min nun'n, ɔ sinnin ninfan yɛ ɔ ko kannin ndɛ'n kleli wɔ-ɔ?»

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

Zɔb I Nyrɛnnɛn Wunlɛ 16:10

Sran'm be kputu min kputulɛ kpa. Be kpaci min nyrun, be yo min finfin. Bé bo ɔ'a yo kun mín wun yɛ be nin min a nyɛn i .

Nyanndra Mun 8:23

Ɔ fali min sieli i lɛ lalaa kpa, ɔ fali min sieli ka nan mɛn'n ɔ'a bo i bo .

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 33:22

Amun mmeli'n i nyanman'm b'a nyanji, i ti man i blalɛ flolo'n kwla jran-man kpa kun, yɛ i tannin'm be ti-man jranwa cinnjinnjin kun. Ɔ man be su cɛ be kpɔfuɛ'm bé bo ninnge kpanngban nga be fɛnnin'n be nun. Cɛcɛwafuɛ'm be bɔbɔ be fɛn ninnge sɔ'n wie. Afin Anannganman yɛ ɔ di e jɔlɛ mun-ɔn. Anannganman yɛ ɔ siesie mmla'n man ye-ɔ. Anannganman yɛ ɔ ti e famiɛn-ɔn. I yɛ man e fite nun-ɔn.

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Ezai 9:5

Afin b'a wu ba kun b'a man ye, b'a fa ba yasua kun b'a man ye. Nyanmiɛn fali sielɛ'n wlɛli i sa nun. Be ´flɛ i kɛ Abonuan, Sa'm be siesiefuɛ, Nyanmiɛn b'ɔ kwla, Siɛ b'ɔ o lɛ titi, Aunjuɛ wlengbi .

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 4:7

Asɔmɔli'n ɔ'a fin susrɛ'n nun ɔ'a fite, mɛnmɛn'm be sacifuɛ'n su ba. Ɔ fin i lika nun lɔ su ba amun mɛn'n i nunkunlɛ. Amun klɔ'm be wa nunnun. Sran fi su tran-man be su kun.

Ngwlɛ Yilɛ 3:30

I li, ɔ `sie i fuka'n lɛ man be kpaci su, ɔ `yaci i wun lɛ man be kpɛ i nzowa tɛtɛ mun man ɔ ti i.

Ezekiɛl 21:32

Sacilɛ nga be flɛ i sacilɛ'n yɛ ɔ wa ba lɛ-ɔ. N ´yo man Zerizalɛm saci. Zerizalɛm klɔ wunmuan'n ɔ ´saci. Sanngɛ san sran nga n ´kpɛ i kɛ ɔ nin i be nyɛn i'n, ɔ ´ba nan i sɔ sa'n ɔ'a ju .»

Ezekiɛl 24:2

«Klɔ sran, klɛ ndɛ cɛn nga fluwa su! Ndɛ cɛn nga bɔbɔ, Babilɔni famiɛn'n ɔ wa kpɛ ngblaliɛ sin yia Zerizalɛm klɔ'n.

Daniɛl 9:25

Like ng'ɔ fata kɛ a si i nan a wun i wlɛ'n yɛ ɔ o yɛ. Kɛ ɔ fɛ i cɛn bɔ be kannin Zerizalɛmfuɛ'm bé sin salɛ ndɛ'n, nin Zerizalɛm klɔ'n i uflɛ kplanlɛ ndɛ'n lele b'ɔ ´fa ju blɛ nga be ´fa gua famiɛn ng'ɔ ´sie'n i ti su ngo'n, ɔ ti blɛ nso. Blɛ kun ti afuɛ nso. I sin be wa fa blɛ ablesiɛn-nin-nnyɔn be ´fa kplan klɔ'n nin i wun awa dan'n be uflɛ, sanngɛ blɛ'n ɔ wa yo kekle.

Amɔs 2:3

N ´kun famiɛn ng'ɔ sie lɔ mɛn'n. N kun be famiɛn i awlo lɔ sran dandan'm be kusu wie.»

Abakik 1:6

Babilɔnifuɛ bɔ be si-man aunnvuɛ'n, bɔ be ti aeliɛ tɛfuɛ'n, bɔ be su wa wlu mɛn'm be nun asiɛ wunmuan su'n, m'an fa be, be o balɛ. Be ´ba be wiengu'm be lika'm bé sa nun delɛ .

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Matthieu 26:67

Kɛ ɔ yoli sɔ'n, yɛ be guɛli i nyrun ngɔsrɛ-ɔ, yɛ be boli i acɔliɛ-ɔ.

Matthieu 27:30

Be guɛli i wun ngɔsrɛ, be fali ndɛma'n b'ɔ o i sa nun'n finnin i ti'n su.

Matthieu 5:39

Sanngɛ n liɛ'n, n ´kan kle amun kɛ, sɛ sran yo wɔ tɛ'n, nán yo i wie, sɛ sran kpaci ɔ fuka fama'n su'n, kaci bɛ'n kusu mɛn i.

Jean 18:22

Kɛ Jésus ´se sɔ'n, wuun sonja kun mɛntɛn i lɛ. Ɔ kpacili i nyin nun, yɛ ɔ seli i kɛ: «?Ndɛ nga a kan kle Nyanmiɛn nyrun jranfuɛ'm be su kpɛn'n yɛ?»

Jean 19:3

I sin be wunngeli i wun lɛ be seli kɛ: «Zuif'm be famiɛn, Nyanmiɛn man a cɛ o!» Yɛ be kpacili i nyin nun-ɔn .

Sa nga bé yôli'n 23:2

Ananias b'ɔ ti Nyanmiɛn nyrun jranfuɛ'm be su kpɛn'n, ɔ seli be nga be mɛntɛn i lɛ'm be kɛ be fin i nuan'n su.

2 Korɛntfuɛ Mun 11:20

An kplin su man be fa amun kaci be akua, yɛ be laka amun, be di amun lufle, yɛ be tu be wun gua amun wun, yɛ an kplin su man be kpaci amun nyrun!

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Jɔlɛ Difuɛ Mun 17:7

I blɛ kunngba sɔ nun'n, Levi akpasua'n su gbanflɛn kun b'ɔ tran Bɛtleɛm b'ɔ o Zida mɛn nun'n,