Mise 4:9 - NYANMIƐN NDƐ'N 1998

⁹ ?Izraɛlfuɛ mun, onin yɛlɛ awuyomo nga amun bo i yɛ'n? ?Famiɛn nun-man amun su kun ti-ɔ? ?Nguɛ ti yɛ amun kpita bé wun ase kɛ bla wie bɔ awuliɛ ɔ'a to i sa nin-ɔn? ?Amun ngwlɛlɛ klefuɛ mun b'a wie wu ti-ɔ?

Mise 4:9 ပူးပေါင်းရင်းမြစ်များ

Ezai 13:8

Srɛ'n ɔ'a kun be kpo. Be wunnɛn'n ɔ'a yo be sa zizrizi, bé kplo'n nun yo be ya, be kluklu kɛ bla bɔ ɔ'a koto awuliɛ'n sa. Be nian be wiengu siin, srɛ kun be, bé nyrun'n ɔ'a kpa fuaii.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 26:17

Anannganman, kɛ bla wunnzɛfuɛ bɔ ɔ'a koto awuliɛ'n ɔ kpan'n, kɛ ɔ wun nyrɛnnɛn'n, i kunngba nin-ɔn, i nun bɔ e o ɔ́ wun mmua'n kɛ e ti sɔ-ɔ.

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Zeremi 4:21

Cɛn onin ko nan m'an yaci alɛ flanga'm be wunlɛ! Cɛn onin ko nan b'a yaci nnɛn wɛ'n nun fitalɛ mín su nun.

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ndɛ Nga Nyanmiɛn I Nuan Ijɔfuɛ Oze Kannin'n 10:3

Kpɛkuun siɛn'n be wa se kɛ: «E bɔbɔ yɛ man e lɛ-man famiɛn kun-ɔn, afin é nyin ɔ'a yi-man Anannganman. ?Siɛn'n, olɛ nga e o yɛ'n li, nguɛ li yɛ famiɛn kun kwla yo man ye-ɔ?»

Ndɛ Nga Nyanmiɛn I Nuan Ijɔfuɛ Oze Kannin'n 13:13

Nyrɛnnɛn b'ɔ ti kɛ wunnzɛfuɛ bɔ ɔ'a koto awuliɛ'n i aklunya sa'n, ´tɔ i su'n. Ɔ ´yo kɛ wunnzɛfuɛ wie bɔ sɛ i ba wulɛ ju-ɔ, ba'n i sinnzin ti ɔ kle i yalɛ bɔ nán balɛ yɛ ɔ kɔ ba'n sa.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Jean 16:21

Kɛ bla kun koto awuliɛ'n, wuun afɛ'n ɔ'a to i, sanngɛ kɛ ɔ ko wu ba'n, i wla fi i afɛ'n, i klun jɔ ba bɔ ɔ'a wu i'n ti.

Sa nglô yile 12:2

Bla sɔ'n ti wunnzɛfuɛ, ɔ'a tran awuliɛ, i ku nun b'ɔ yo i ya'n ti ɔ kpan.