Mise 4:8 - NYANMIƐN NDƐ'N 1998

⁸ Zerizalɛm kpɔlɛ, wɔ bɔ a ti kɛ min nnɛn'm be sasawlɛ lika sa'n, ɔ ka kaan a ´sa ɔ sin ´sie mɛn'n ekun kɛ laa'n sa. Zerizalɛm ɔ ´sɛ sin ´yo famiɛn klɔ ekun.»

Mise 4:8 ပူးပေါင်းရင်းမြစ်များ

Bo Bolɛ 35:21

Izraɛl fɛli i lɛ ko boli i nanmue'n Migdal-Edɛr i kɔmin sin lɔ.

2 Samiɛl 5:7

Sanngɛ David fali Siɔn fiawlɛ lika sɔ'n, be tɔnnin i dunman ekun kɛ David Klɔ.

Neemi 3:25

Izai i wa Palal o i sa su lɛ. I junman diwlɛ'n fɛ i talɛ'n i cɔnjɔ'n su lɛ fa ju klɔ'n i sasawlɛ ng'ɔ o famiɛn'n i sua'n i ndɛnman, bisua'n i wun lɛ'n. Parɛɔs i wa Pɛdaza o i sa su lɛ.

Jue Mun 24:7

Anuan mun, amun `tike nan amun `la su gbauun! Anuan mun, amun o lɛ anannganman-anannganman, amun `tike man Famiɛn'n bɔ i nyrun'n ti nyannyannyan'n ɔ wlu.

Jue Mun 48:3

Oka sɔ'n ti klanman, ɔ ti asiɛ wunmuan'n i aklunjuɛ like. Siɔn oka'n yɛ ɔ ti asiɛ'n su klɔ'm bé bo nin-ɔn, i yɛ ɔ ti famiɛn dan'n i klɔ nin-ɔn .

Jue Mun 61:3

Kannzɛ n wo asiɛ'n i bue kun lɔ'n, kɛ mín wla'n bo'n, wɔ yɛ n kpan flɛ wɔ-ɔ. Fa min sie yɛbuɛ ng'ɔ o nglo bɔ m bɔbɔ n fu su-ɔ ɔ yo-man ye'n su.

Ngɔjue Fɛfɛ Kpa'n 4:4

Ɔ kɔmin'n ti kɛ David i sua mlomlo bɔ be kplɛn i kɛ be ´fa alɛ ninnge'm be ´sie nun'n sa. Nyrɛn akpi sata-sata sua sɔ'n i wun sin yiɛ i. Nyrɛn sɔ'm be ti safunyrɛn'm be liɛ.

Ezai 1:26

N ´yo man amun jɔlɛ difuɛ'm be ´yo kɛ laa liɛ'm be sa, yɛ n ´yo man famiɛn'n i afɔtuɛ manfuɛ'm be kusu be ´yo kɛ be nga be o lɛ laa'n be sa. Kpɛkuun be ´flɛ amun klɔ'n kɛ Klɔ bɔ be yo sa i nuan su nun'n, nin Nanwlɛ Klɔ.

Ezai 10:32

Ndɛkɛn kpɔfuɛ'm be ´ju Nɔb, be ´jran lɛ, be ´fa be sa be ´wlanwlan be bɔ be o Siɔn oka'n su'n, be ´wlanwlan Zerizalɛmfuɛ mun bɔ be o kpɔlɛ'n su'n.

Ezai 5:2

Ɔ dili asiɛ'n su junman, ɔ yiyili i nun yɛbuɛ mun, ɔ tali nun vinyi nglanman nglanman mun. Ɔ kplannin akpa fleiin kun fie'n i afiɛn. Ɔ kpɛli kunman kun. Kunman sɔ'n ɔ ti vinyi mma nzue cuɛnwlɛ. Ɔ bu i kɛ vinyi'n ɔ wa su mma kpa, kpɛkuun ɔ ´su-ɔ, mma tɛtɛ yɛ ɔ'a su-ɔ.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:18

I sin Nyanmiɛn bɔ like fi nun-mɛn i sin'n i nvle'n nunfuɛ'm be wa fa famiɛn diwlɛ'n man be. Ɔ ´ka bé sa nun tititi .›

Abdias 1:21

Defuɛ sɔ'm be ´fu Siɔn oka'n su lɔ be ´tran, yɛ be ´sie Edɔm mɛn nin-ɔn. Yɛ sielɛ'n ɔ ´yo Anannganman liɛ. Anannganman'n ´yo famiɛn, i yɛ ɔ ´tran famiɛn bia'n su-ɔ .

Mise 2:12

Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Zakari 9:12

Bisuafuɛ mun, amun nga an sunnzun kɛ amun ´nyan be ti'n, an `sa amun sin bla klɔ bɔ b'a sisi i wun'n nun. Afɛ nga an fɛli'n, n ´nian su n ´yo amun ye. Ye sɔ bɔ n ´yo amun'n, ɔ ´ju amun afɛ'n i sɔ kpɛ nnyɔn .

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 24:19

Zakɔb i osu'n nunfuɛ'n ɔ ´sie i kpɔfuɛ mun, ɔ ´nunnun klɔ'm be sufuɛ nga be kali'n mun.»

Matthieu 21:33

«An `tie nyanndra kun ekun. Awlo bo kpɛn kun o lɛ, ɔ dili vinyi fie, ɔ sili i wun. Ɔ kpɛli vinyi'n i mma i nzue cuɛnwlɛ, yɛ ɔ kplannin akpa fleiin kun, i sin ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun .

Marc 12:1

Jésus buli nyanndra wie kleli be. Ɔ seli kɛ: «Bian kun di i vinyi fie. Ɔ sili i wun, yɛ ɔ kpɛli vinyi'n i nzue cuɛnwlɛ, ɔ kplannin akpa fleiin kun, yɛ ɔ fa wlali vinyi fie sunianfuɛ'm bé sa nun nan ɔ'a ɔ mɛn wie nun .

Efɛzfuɛ Mun 1:21

Krist sie like'n kwlaa blɛ nga e o nun yɛ'n. Yɛ ɔ ´sie like'n kwlaa blɛ ng'ɔ ´ba lɔ'n. Krist sie mmusu mun, nin kpɛnngbɛn mun, nin bae, nin be nga be sie sran mun ɔ nin sran nga be lɛ dunman'm be kwlaa.

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .