Mise 4:7 - NYANMIƐN NDƐ'N 1998

⁷ N ´tian be nga be ja buli'n, be nuan kɛ ɔ ´yo nan nvle'n ɔ'a nunnun-man'n ti. Be nga be ɔli mmua'n be kusu, n ´fa be n ´yo nvle dan kpa. Kpɛkuun m bɔbɔ min Anannganman'n, kɛ ɔ fɛ i sɔ cɛn liɛ'n nun lele b'ɔ ´fa yo kɛ ɔ ´yo'n, min yɛ n ´yo be siefuɛ Siɔn oka'n su lɔ-ɔ.

Mise 4:7 ပူးပေါင်းရင်းမြစ်များ

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Ezai 16:5

i blɛ sɔ nun'n, amun klun kpa'n ti, amun famiɛn diwlɛ'n ɔ ´taka kpa. Yɛ jɔlɛ difuɛ kun b'ɔ ti sran kpa'n, ɔ ´tran famiɛn bia'n su David i awlo'n nun. Jɔlɛ difuɛ sɔ'n, ɔ ´yo sa ng'ɔ ti i nuan su'n tititi, ɔ ´nian mmla'n su, ɔ ´fa cici i ti .»

Ezai 24:23

Sɛ anglo'n ti sran'n, wuun e ´se kɛ nyannzuɛn ´kun i. Sɛ wia'n kusu ti sran'n, wuun e ´se kɛ i nyin ɔ ´gua ase. Afin Anannganman bɔ sie mɛn wunmuan'n, ɔ ´sie Zerizalɛm b'ɔ o Siɔn oka'n su'n. Yɛ i nyrun'n ɔ ´yo nyɛnnyɛnnyɛn i anyia nunfuɛ'm be nyrun lɛ.

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 60:22

Be nun kaan'n i osu nunfuɛ'm be ´trɛ lele be ´ju sran akpi, be nun kaan kpa'n, i osu'n ɔ kaci nvle dan kpa kun. Sɛ sa sɔ'm be blɛ'n ju'n, m bɔbɔ min Anannganman'n, n ´kan mín wun n ´yo be.

Ezai 66:8

?Wan cɛ yɛ ɔ'a ti ndɛ kɛ nga sa le-ɔ? ?Wan cɛ yɛ ɔ'a wun sa nga wie le-ɔ? ?Be kwla fa cɛn kunngba be taka mɛn kun? ?Be kwla ka lɛ fa blɛ kaan sa be taka nvle kun? Sɛ n ´kwla se'n, kɛ Siɔn kotoli awuliɛ cɛ'n yɛ ɔ wuli i mma mun-ɔn.

Ezekiɛl 43:7

Anannganman seli min kɛ: «Klɔ sran, wa yɛ n wa jin min famiɛn bia nin-ɔn, lika nga nun yɛ n ja'n ɔ wa tia-a. N ´tran nun lɛ adudua Izraɛlfuɛ'm be afiɛn. Izraɛlfuɛ mun nin be famiɛn'm be su saci-man min dunman fɛ'n ɔ nin be amuɛn tatrata sɔlɛ'n, nin be famiɛn'm be fuɛn nga be tru be amuɛn bo'm be nun'n kun.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 4:34

I sɔ'n ti siɛn'n, m bɔbɔ min Nɛbikadnɛzar m ´manman Nyanmiɛn b'ɔ ti nglo lɔ famiɛn'n. N ´yi i ayɛ yɛ n ´kɛn i wun ndɛ kpa. Like ng'ɔ yo be'n be kwlaa be ti nanwlɛ. Ɔ yo sa'n kwlaa i nuan su. Ɔ kwla kan be nga be tu bé wun'n be ase bɔbɔ.»

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Daniɛl 7:27

Famiɛn diwlɛ nga be wo asiɛ'n su wa'n, be ´fa be nun famiɛn bia mun, yɛ be ´fa kwlalɛ'n nin be anyrunnyan'n be ´man Nyanmiɛn bɔ like fi nun-mɛn i sin'n i nvle'n nunfuɛ mun. Nyanmiɛn i nvle'n nunfuɛ sɔ'm be famiɛn diwlɛ'n ɔ ´tran lɛ tititi. Yɛ mɛn'n nun siefuɛ'm be kwlaa bé nyin ´yi i, yɛ be ´su i.›

Abdias 1:21

Defuɛ sɔ'm be ´fu Siɔn oka'n su lɔ be ´tran, yɛ be ´sie Edɔm mɛn nin-ɔn. Yɛ sielɛ'n ɔ ´yo Anannganman liɛ. Anannganman'n ´yo famiɛn, i yɛ ɔ ´tran famiɛn bia'n su-ɔ .

Mise 2:12

Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.

JÉSUS-CHRIST I DYASIN FE'N BO LUC KLELI'N 1:33

Ɔ ´sie Zakɔb awlo'n, yɛ ɔ ´ka be osu'n nun tititi .

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»