Mise 4:5 - NYANMIƐN NDƐ'N 1998

⁵ Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Mise 4:5 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

2 Famiɛn Mun 17:29

Sanngɛ nvle kun yoli i amuɛn liɛ, nvle kun yoli i liɛ, be fa be sieli sraka yiwlɛ sua nga Samarifuɛ'm be kplannin'n be nun. Nvle-nvlefuɛ'm be kwlakwla be yoli i sɔ klɔ kunngun nga be tran nun'n bé su.

2 Famiɛn Mun 17:34

Lele ndɛ be like nga be yoli be laa'n, be tɛ yo. Be su-man Nyanmiɛn. Be di-man be bɔbɔ be mmla'm bé su, kusu be fa-man Anannganman i mmla fanunfanun'm be su. I mmla sɔ'n, ɔ fa be mannin Zakɔb b'ɔ kacili i dunman'n kɛ Izraɛl'n i osu'n nunfuɛ mun.

Jue Mun 20:6

I liɛ'n, e klun ´jɔ ɔ́ ti bɔ a ´nyɛn i'n ti, yɛ e ´man flanga'n su e Nyanmiɛn'n i dunman nun. Man Anannganman yo i kwlaa nga a usɛ i'n man wɔ!

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 71:16

Min Min Anannganman, m ´manman wɔ sa dandan nga a yo be'n ti. Ɔ sa nuan su bɔ a yo'n, wɔ kunngba cɛ wɔ liɛ'n yɛ n ´kɛn i wun ndɛ kpa n kle sran mun-ɔn.

Ezai 2:5

Zakɔb i osu'n nunfuɛ mun, amun `bla man e `nanti Anannganman i lika b'ɔ kpaja weiin'n nun.

Ezai 26:13

Anannganman e Nyanmiɛn, siefuɛ uflɛ'm be sieli ye. Sanngɛ ɔ kunngba cɛ ɔ dunman'n yɛ e bo-ɔ.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Zakari 10:12

N ´yo man min sran'm be ´yo yasua. Be ´nian min dunman'n su yɛ be ´nanti-ɔ. M bɔbɔ min Anannganman'n, min yɛ n kan sɔ-ɔ.»

Sa nga bé yôli'n 14:16

Laa'n ɔ yacili nvle'm be kwlaa be yoli be bɔbɔ be klun sa.

Mmla'n 27:10

Amun nyin `yi Anannganman amun Nyanmiɛn'n, yɛ amun `fɛ i nuan ndɛ'n nin i mmla nga n fa sieli amun nyrun ndɛkɛn'n be su.»

Kolɔsfuɛ Mun 2:6

I sɔ'n ti'n kɛ an kplinnin su kɛ Krist-Jésus `yo amun Min'n, man amun nyoliɛ'n kle kɛ amun nin i a kaci sran wunmuan,

Kolɔsfuɛ Mun 3:17

Sɛ amun ´yo like wie o, sɛ amun ´kan ndɛ wie o, like kwlaa nga amun ´yo'n, an `yo i e Min Jésus dunman nun, yɛ i ti an `la e Si Nyanmiɛn'n i ase.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»