Mise 4:4 - NYANMIƐN NDƐ'N 1998

⁴ Sran'm be ´di vinyi fie nin be olivie fie fɔuun, sran fi su wla-man bé nyin nglo-nglo kun. Anannganman b'ɔ sie mɛn wunmuan'n yɛ ɔ kɛn sɔ kle wɔ-ɔ .

Mise 4:4 ပူးပေါင်းရင်းမြစ်များ

1 Famiɛn Mun 5:5

Salomɔn blɛ su'n kɛ ɔ fɛ i Dan b'ɔ ´fa ju Beɛr-Seba'n, Izraɛl nvle wunmuan'n nun'n, Zidafuɛ mun nin Izraɛlfuɛ'm be kwlakwla be o be vinyi fie mun, ɔ nin be figie fie'm bé su sɛsɛsɛ, be klun ti-man be.

Zɔb I Nyrɛnnɛn Wunlɛ 11:19

Sɛ a ´lafi'n, sran fi su kle-man wɔ yalɛ. Ɔ lakalɛ yɛ be wa laka wɔ siɛn'n nin-ɔn, kɛ ɔ ´yo nan w'a uka be'n ti.

Jue Mun 72:3

Man oka'm be yo man sran'm be di alaje, man kpɔlɛ'm be man sran'm be ng'ɔ nin be fata'n.

Nyanndra Mun 3:25

Sɛ ɔ wie sa kekle wie yɛ ɔ fu wɔ nun'n, nán srɛ kun wɔ. Sɛ klunwifuɛ yɛ ɔ nin wɔ be nyɛn i'n, nán srɛ kun wɔ.

Ezai 1:20

Sanngɛ sɛ amun fa-man min nuan ndɛ'n, yɛ sɛ amun yo nyin kekle'n, alɛ'n yɛ ɔ ´di amun-ɔn. Min Anannganman min yɛ n kan sɔ-ɔ.»

Ezai 17:2

Sran'm b'a tu Arɔɛr klɔ'm be su. Klɔ sɔ'm be o nnɛn'm bé sa nun siɛn'n, b'a kaci be lawlɛ. Sran fi kle-man be yalɛ.

Ezai 22:25

Anannganman b'ɔ sie mɛn wunmuan'n wan yoo: «I cɛn sɔ nun'n, kpɛngbɛ'n bɔ be boboli i talɛ kekleke wun'n, ɔ ´tu, yɛ ɔ ´tɔ. Yɛ ninnge'm bɔ be sende su bɔ be yo nɔnnin'n, be ´tɔ yɛ be ´bubu.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 26:16

Anannganman, blɛ bɔ sa kekle tɔli be su'n, be fali be wun mantannin wɔ. Kɛ a tuli be fɔ'n, be srɛli wɔ.

Ezai 32:17

Sɛ e ´kwla se'n, like ng'ɔ su sa nuan su yolɛ'n su'n yɛlɛ aunjuɛ. Yɛ ɔ yo man bé wla gua ase tititi, yɛ sa su nyan-man be.

Ezai 36:16

Nán amun tie Ezekias i ndɛ ng'ɔ kan'n!› Asiri famiɛn'n wan yoo: ‹Amun man e siesie ye afiɛn, amun `fa amun wun man min, i liɛ'n amun ´kwla di amun bɔbɔ amun vinyi'm be su mma nin amun bɔbɔ amun figie'm be su mma, yɛ amun ´kwla nɔn amun bɔbɔ amun gbo'm be nun nzue.

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 54:14

Nanwlɛ'n i dunman nun ti, amun wa ´jran cinnjin kpa, sran'm be su tin-man amun su fii kun, i ti srɛ su kun-man amun. Amun ´nyan amun ti sa sroesroe'm be nun, afin be su kun-man amún srɛ kun.

Ezai 58:14

i liɛ'n, n wa yo man amun klun ´jɔ lelele, yɛ n wa fa amun n ´wlan-wlan kɛ safunyrɛn sa amún mɛn'n i lika fleiin'm be su, yɛ n ´fa amún si Zakɔb i aja'n ninnge'n wie n ´fa ta amun,» Anannganman i nuan'n ɔ'a kan .

Zeremi 23:4

N ´fa bua sunianfuɛ nga be ko nian be su kpa'n n ´sie bé su. Ɔ man srɛ su kun-man be kun. Be su usu-man kun. Kun sa su tu-man nun.»

Zeremi 30:10

Anannganman waan: «Zakɔb, min sufuɛ, nán srɛ kun wɔ Izraɛl, yaci usulɛ'n. Se kɛ sɛ, n su wa de wɔ mɛn mmua'n nun lɔ m ´ba. N su wa de ɔ osu'n nunfuɛ mun mɛn nga be ti kanga lɔ'n i nun m ´ba. Zakɔb, a ´sa ɔ sin ba, a ´di alaje, a ´tran fɔuun! Sran fi su kle-man wɔ yalɛ kun.»

Ezekiɛl 34:25

«E nin min bua mun e ´tra aenguɛ b'ɔ ti aunjuɛ aenguɛ. N ´fuan mɛn'n i nun blo nnɛn'm be kwlaa. Min bua mun be ´tran aawlɛ'n nun lɔ, be klun kaan sa su ti-man be. Be ´la bo'n i afiɛn lɔ .

Ezekiɛl 34:28

Be nga be tɔ nnɛn'm bé su be fa be'n, be su fa-man be kun. Nnɛn tɛtɛ'm be su di-man be kun. Sa tɛ'n ɔ su nyan-man be kun, yɛ sran fi su sanngan-man be akunndan kun .

Ezekiɛl 38:11

A wa se kɛ: ‹N ´jaso mɛn ng'ɔ ti diin'n i wun. N ´utu be nga be o be o lɛ diin'n, bɔ be o be tranwlɛ'm be nun be klun titi-man be'n, bɔ be tran klɔ bɔ talɛ nun-man bé wun nan se kɛ anuan nin gboklo yɛ be lɛ i'n be su'n.

Ezekiɛl 39:26

I liɛ'n, bé wla su kpɛn-man be nyannzuɛn dan'n bɔ be wunnin i'n i su kun. Yɛ bé wla su kpɛn-man bé sa tɛtɛ nga be yoli min'n be su kun. Be ´tran diin bé mɛn'n nun. Sran fi su kle-man be yalɛ kun.

Saun Yolɛ 26:6

M ´man amun fɔundi amun mɛn'n nun. Blɛ nga amun ´lafi'n, like fi su wa kle-man amun yalɛ. N ´nunnun nnɛn tɛtɛ mun. Sran fi su fa-man alɛ wlawla-man amún sin.

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Zakari 3:10

Kɛ cɛn sɔ'n ko ju'n, amun `flɛflɛ amun wiengu yɛ amun ´tran amun vinyi fie nin amun figie fie'm be nun fɔuun .» Anannganman b'ɔ sie mɛn wunmuan'n yɛ ɔ kan sɔ-ɔ.