Mise 4:3 - NYANMIƐN NDƐ'N 1998

³ Ɔ wa yo sran kpanngban be jɔlɛ difuɛ. Man i li mɛn dandan kpa'm be tran mmua sɛ, sanngɛ ɔ ´kan be afiɛn ndɛ. Be ´fa be tokofi mun be ´bo sue, be ´fa be cua mun be ´bo wlɔsɔ. Nvle kun su fa-man alɛ wlɛ-mɛn i nvle uflɛ sin kun, be su sɔnnzɔn-man alɛ kunlɛ kun .

Mise 4:3 ပူးပေါင်းရင်းမြစ်များ

Jue Mun 46:10

Kɛ ɔ fɛ i lele b'ɔ ´fa ju mɛn'n i awieliɛ lɔ'n, ɔ'a yo man alɛ kunlɛ'n ɔ'a wie, ɔ'a bubu ta'm be nun, ɔ'a bubu cua'm be nun, ɔ'a wɔ nyrɛn'm be nun.

Jue Mun 46:9

Amun `bla be wa nian sa nga Anannganman yo'n, amun `nian sa sroesroe ng'ɔ yo i asiɛ'n su'n.

Jue Mun 72:3

Man oka'm be yo man sran'm be di alaje, man kpɔlɛ'm be man sran'm be ng'ɔ nin be fata'n.

Jue Mun 72:7

Man i blɛ su'n, nanwlɛ dilɛ'n trɛ sran'm be nun. Man be nyan fɔundi lele san anglo'n ɔ'a jaso lɛ .

Jue Mun 82:8

Ee Nyanmiɛn, di mɛn'n i nunfuɛ'm be jɔlɛ, afin nvle'm be kwlakwla be nunfuɛ'm be ti ɔ liɛ.

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Jue Mun 98:9

be `manman Anannganman, afin ɔ su ba asiɛ'n sufuɛ'm be jɔlɛ dilɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman.

Ezai 2:4

Ɔ wa yo nvle-nvle'm be jɔlɛ difuɛ, yɛ ɔ ´yo sran kpanngban be afiɛn siesiefuɛ. Be wa fa be tokofi mun be ´bo tokpo, yɛ be ´fa be cua mun be ´yo wlɔsɔ. Nvle kun su fa-man alɛ wlɛ-mɛn i nvle uflɛ sin kun. Be su suan-man alɛ dilɛ'n kun.

Ezai 25:3

I sɔ'n ti, nvle'n b'ɔ yo sro'n i nunfuɛ'm be manman wɔ. Klɔ bɔ i su sran'm be tin sran'm be su'n, lɛfuɛ'm be sro wɔ.

Ezai 51:5

Min nanwlɛ dilɛ cɛn'n ɔ'a mantan. Sran'm bɔ min waan n ´de be'n, bé ti nyanlɛ blɛ'n su wa ju. N wa di nvle-nvle'm be jɔlɛ. Be nga be tran jenvie nuan mmua mmua lɔ'n, be ´fa bé wla gua mín su, be ´fa bé wun wla min sa nun.

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Ezai 65:25

Blo alua nin bua'n be ´didi likawlɛ, asɔmɔli'n ɔ ´di ijre kɛ nannin sa, wuo'n kusu, ndutre yɛ ɔ ´di-ɔ. Be su yo-man sa tɛ, yɛ be su saci-man like min oka'n su.» Anannganman'n yɛ ɔ se sɔ-ɔ.

Ezai 9:7

Sa nga Anannganman ´fa wla Zakɔb i osu'n nunfuɛ'm be nun'n, ɔ kan kleli be. Sa sɔ'n ɔ'a tɔ Izraɛlfuɛ'm be su.

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Ndɛ Nga Nyanmiɛn I Nuan Ijɔfuɛ Oze Kannin'n 2:18

Anannganman'n waan: «I cɛn sɔ nun'n, ɔ ´flɛ min kɛ: ‹Min wun.› Ɔ su flɛ-man min kɛ: ‹Baal min Min kun.›

Ndɛ Nga Nyanmiɛn I Nuan Ijɔfuɛ Oze Kannin'n 2:20

N ´yo man min sran mun be nin nnɛn mun, nin anunman mun, ɔ nin nnɛn nga be cuɛn bé wun ase'n be ´di anuansɛ. N ´saci mɛn'n nun ta nin tokofi'm be kwlaa, afin alɛ kunlɛ'n ´wie. Kpɛkuun min sran'm be kwlaa bé wun ´tɔ be fɔuun.

Zoɛl 3:2

Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Zakari 14:3

Kpɛkuun Anannganman'n nin nvle sɔ mun be ´ko kun. Kɛ alɛ tɔ titi-ɔ ɔ fa yo'n, i su yɛ ɔ ´nian yo-ɔ.

Zakari 8:20

Anannganman b'ɔ sie mɛn wunmuan'n wan yoo: «Nvle uflɛ mun nin klɔ uflɛ sufuɛ'm be wa tran Zerizalɛm wa kaka kpa.

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Sa nglô yile 19:11

Yɛ n wunnin kɛ nyanmiɛn su lɔ'n ɔ tili muaan, n ´nian-an, nnɛn kpanngɔ ufue kun yɛ. Sran ng'ɔ fu su'n, be flɛ i Sran-bɔ-be-kwla-fa-bé-wla-guɛ-i-su nin Nanwlɛfuɛ. I ndɛ b'ɔ di'n ɔ ti su, yɛ i alɛ b'ɔ kun'n, ɔ kun i i nuan su .

1 Samiɛl 2:10

Anannganman o nglo lɔ yɛ ɔ man nyanmiɛn'n ɔ kpan kplannan kplannan yɛ ɔ fa sɛnngɛn i kpɔfuɛ'm be nun-ɔn. Afin i yɛ ɔ sie mɛn wunmuan nin-ɔn, ɔ fa kwlalɛ mɛn i nvle'n i su famiɛn'n. I yɛ ɔ man sran ng'ɔ kpɛli i'n i kwlalɛ'n yo dan tra su-ɔ .»