Mise 4:2 - NYANMIƐN NDƐ'N 1998

² Nvle-nvle be nunfuɛ mun be ´tu ajalɛ be ´kɔ, be ´se kɛ: «An `bla man e wɔ Anannganman i oka'n su lɔ. E `wɔ Zakɔb i Nyanmiɛn'n i sua'n nun lɔ nan ɔ `kle ye kɛ e `nanti'n, nan e `nanti i atin'n su, afin Siɔn lɔ yɛ mmla'n fin-ɔn. Zerizalɛm lɔ yɛ Nyanmiɛn ndɛ'n fin ba-a.»

Mise 4:2 ပူးပေါင်းရင်းမြစ်များ

Jue Mun 110:2

Anannganman man ɔ sielɛ'n ɔ fɛ i Siɔn lele ɔ trɛ ɔ mmua kpa. Man ɔ fanngan'n ɔ kwla ɔ kpɔfuɛ mun.

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 119:171

Man m manman wɔ, afin a kle min sa nga ɔ waan n `yo'n.

Jue Mun 122:1

Zerizalɛm kɔlɛ'n i su jue. Kɛ be wa se min kɛ: «E wɔ Anannganman i sua'n nun lɔ'n,» n klun jɔ.

Jue Mun 25:12

Sran nga i nyin yi Anannganman'n, ɔ kle i atin ng'ɔ `fa'n.

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Ezai 54:13

Amun mma'm be kwlaa be ´yo min sɔnnzɔnfuɛ. Be ninnge'm be wa yo ye kpa bé sa nun .

Ezai 56:7

n ´fa be m ba m bɔbɔ min oka'n su wa, be ´su min min srɛwa sua'n nun, yɛ n ´yo man be klun ´jɔ. Bé tɛ bɔ be yra be nnɛn'n kɔlikɔli'n nin be sraka mun'n, n ´sɔ be nun min sɔwlɛ'n su, afin be ´flɛ mín sua'n kɛ Nvle-nvlefuɛ'm be Kwlaa be Nyanmiɛn Srɛlɛ Sua .

Zeremi 31:6

Cɛn wie lele gladi difuɛ'm be ´jran Efraim oka'm be su be ´kpan kɛ: ‹An `jaso man e wɔ Siɔn. E wɔ Anannganman e Nyanmiɛn'n i wun.› »

Zeremi 42:3

I ti-ɔ, se Anannganman ɔ Nyanmiɛn'n kɛ ɔ kle ye atin nga e ko fa su'n, yɛ ɔ kle ye like nga e ko yo'n.»

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Zakari 14:16

I sɔ blɛ nun'n nvle-nvle'm be nunfuɛ nga be nin Zerizalɛmfuɛ be bali alɛ kunlɛ'n, bɔ alɛ'n ɔ'a di-man be'n, be ´ba Zerizalɛm afuɛ'n kwlakwla be wa koto Anannganman b'ɔ sie mɛn wunmuan'n i bo. Be ´di kpata bo tranlɛ cɛn'n .

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 9:10

Ɔ ´yi alɛ kakaklolo mun Efraim lɔ. Ɔ ´yi alɛ kunlɛ ta mun, ɔ ´kan fɔundi ndɛ kle mɛnmɛnfuɛ mun. Kɛ ɔ fɛ i jenvie ng'ɔ ti njin nzue klakla'n i nuan b'ɔ ´fa ju Mediterane jenvie'n nuan'n, yɛ kɛ ɔ fɛ i Efrat nzue ba'n nuan b'ɔ ´fa ju asiɛ'n i awieliɛ lɔ'n, i yɛ ɔ ´sie-ɔ .

Marc 16:20

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

Jean 6:45

Nyanmiɛn nuan ijɔfuɛ'm be klɛli i kɛ: ‹Nyanmiɛn wa kle be kwlaa be like .› Sran kwlaa ng'ɔ ti n Si i ndɛ'n b'ɔ fa su'n, ɔ ´ba ń sin.

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 13:42

Kɛ Pɔl nin Barnabas be fin Nyanmiɛn ndɛ suanlɛ nin i srɛlɛ sua'n nun be ´fite'n, sran'm be wa be srɛli be kɛ be kan ndɛ kunngba'n kle be wunmiɛn-delɛ-cɛn'n b'ɔ ´ba lɔ'n.

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Mmla'n 6:1

«Mmla fanunfanun ng'ɔ o yɛ'n kwlaa Anannganman amun Nyanmiɛn'n waan n `kle amun nan sɛ amun ju mɛn nga amun su kɔ nun yɛ'n nun lɔ'n, amun `fa be su.