Mise 4:10 - NYANMIƐN NDƐ'N 1998

¹⁰ Ɛɛn, an `kpita bé wun ase kɛ bla bɔ awuliɛ ɔ'a to i'n sa. Afin amun wa jaso klɔ'n su wa be ´ko la blo. Amun ´kɔ lele be ´ju Babilɔni lɔ kwlaa nan amu'an nyan amún ti, nan Anannganman'n ɔ'a de amun amun kpɔfuɛ'm bé sa nun.

Mise 4:10 ပူးပေါင်းရင်းမြစ်များ

2 Famiɛn Mun 20:18

Be wa fa ɔ bɔbɔ ɔ osu'n nun ba wie mun, be ´sɛ be, be ´fa be kɔ Babilɔni famiɛn i awlo lɔ, yɛ be ´su i.› »

2 Famiɛn Mun 25:4

Babilɔnifuɛ'm be kpɛli klɔ'n wun talɛ'n nun toklo. Kɔnguɛ'n, famiɛn Sedesias nin i alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn'n nun. Be fali lika kpɛtɛkplɛɛ'n i atin'n, sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n.

2 Be Nyoliɛ 33:11

Yɛ Anannganman man Asiri famiɛn'n i sonja'm be su kpɛnngbɛn'm be wa tɔli be su-ɔ. Be trali Manase, be fali nga wie mun wlɛli i aoje'n nun, kpɛkuun be cili i klɛnnɛnklɛnnɛn nin aaba bɔ be yoli i tianman-tianman kɛ nyanman sa'n, nan b'a fɛ i b'a ɔ Babilɔni.

2 Be Nyoliɛ 36:20

Be nga tokofi'n ɔ'a nyan-man be bɔ b'a kun-man be'n, Nɛbikadnɛzar trali be ɔli Babilɔni. Ɔ ko fali be yoli i kanga. I sin'n, be yoli i osu'n nunfuɛ'm be kanga lele Pɛrsfuɛ'm be wa fali lika'n.

2 Be Nyoliɛ 36:23

«M bɔbɔ min Siris bɔ n ti Pɛrs famiɛn'n, min waan yoo: ‹Anannganman b'ɔ ti nglo lɔ Nyanmiɛn'n fali asiɛ'n su famiɛn diwlɛ'm be kwlaa mannin min. Yɛ ɔ seli min kɛ n `kplɛn i sua kun Zerizalɛm lɔ Zida nvle'n nun. Amun nun sran nga be ti Nyanmiɛn i nvle'n nunfuɛ'n, man Nyanmiɛn jran be sɔfuɛ'm bé sin nan be wɔ.› »

Jue Mun 106:10

Ɔ deli be be kpɔfuɛ'm bé sa nun. Ɔ deli be be nga be nin be kun'n bé sa nun.

Ezai 43:14

Anannganman b'ɔ kpɔ amun ti'n, b'ɔ ti Izraɛl Nyanmiɛn'n waan: «Amun ti yɛ n sunmannin sran kun Babilɔni lɔ nin-ɔn. N ´yo man lɔfuɛ'm be kwlaa be ´wanndi be ko fia be mmeli'm bɔ be fa di be nuan laa'n be nun.

Ezai 45:13

Kɛ bɔ n yo sa i nuan su'n ti, n ko fali Siris m bali. I nyrun atin nga b'a saci'n, n ´yo be kpa. Ɔ wa kplan min klɔ'n i uflɛ, yɛ min sran nga be trali be ɔli mɛn wie nun'n, ɔ ´yaci be nun be ´sa bé sin bé mɛn'n nun. Ɔ su de-man dein, ɔ su usa-man kɛ be mɛn i adi.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Zeremi 13:4

«Bé bo kplo nga a toli'n b'ɔ ci ɔ́ bo'n, fa kɔ Efrat nzue ba'n nuan lɔ fa ko fiɛ i yɛbuɛ buɛ wie nun.»

Zeremi 15:21

«N ´de wɔ sran tɛtɛfuɛ'm bé sa nun. N ´de wɔ sran mian-mianfuɛ'm bé sa nun.»

Zeremi 29:20

Sanngɛ amun liɛ'n, amun bɔ n trali amun Zerizalɛm n fa ɔli Babilɔni'n, an `tie min nuan ndɛ'n.»

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 52:27

Babilɔni famiɛn'n ɔ boli be lele, yɛ ɔ man be kunnin be Ribla lɔ. Ribla'n wo Amat mɛn'n nun. Kɛ Zidafuɛ'm bé tuli be bo be mɛn'n nun lɔ kɛ ng'ɔ o lɛ'n sa.

Ndɛ Nga Nyanmiɛn I Nuan Ijɔfuɛ Oze Kannin'n 13:13

Nyrɛnnɛn b'ɔ ti kɛ wunnzɛfuɛ bɔ ɔ'a koto awuliɛ'n i aklunya sa'n, ´tɔ i su'n. Ɔ ´yo kɛ wunnzɛfuɛ wie bɔ sɛ i ba wulɛ ju-ɔ, ba'n i sinnzin ti ɔ kle i yalɛ bɔ nán balɛ yɛ ɔ kɔ ba'n sa.

Ndɛ Nga Nyanmiɛn I Nuan Ijɔfuɛ Oze Kannin'n 2:14

I vinyi fie nin i figie fie b'ɔ kan be ndɛ se kɛ: ‹Min ajaoke nga min soman'm be mannin min'n yɛ'n,› n ´saci be. N ´yo man fie sɔ'n be ´kaci bo ble, kpɛkuun lɛ yɛ blo nnɛn'm be wa didi-ɔ.

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Sa nglô yile 12:14

Be mannin bla'n i ndɛwa nnyɔn kɛ anunman nyin dan'n i liɛ'n sa nan ɔ `fa tu wɔ i lika'n nun aawlɛ flɛnnɛn nun lɔ ɔ `fia wuo dan'n i nyrun, nan be `mɛn i like diwa afuɛ nsan nin sin .