Mise 3:7 - NYANMIƐN NDƐ'N 1998

⁷ I sɔ blɛ'n nun'n, be nga bé ti wun ase'n be ´wun nyannzuɛn. Nyannzuɛn'n dunman nun ti be ´kata bé nyin, afin be flɛ Nyanmiɛn-ɔn, ɔ su tɛ-man be su kun.

Mise 3:7 ပူးပေါင်းရင်းမြစ်များ

Jue Mun 74:9

E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Ezipt Lɔ Tulɛ'n 9:11

Ezipt lɔ atrɛ yifuɛ'm b'a kwla fite-man Moiz nyrun yra sɔ'n dunman nun ti. Afin yra'n yoli be wie.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Ezekiɛl 24:17

Fɛfɛ ɔ klun lɔ, nán yo sɛ, fa ɔ kle'n, yɛ wla ɔ ngbabua'n kɛ titi'n sa. Nán kata ɔ nyrun, nán di sɛ aliɛ.»

Ezekiɛl 24:22

Yɛ amun wa yo kɛ Ezekiɛl fa yoli'n sa. Amun su kata-man amun nyrun, yɛ amun su di-man sɛ aliɛ.

Saun Yolɛ 13:45

Sran nga bɔ kokowe'n ɔ'a yo i'n, ɔ fata kɛ tralɛ tafuɛn yɛ ɔ wla-a, ɔ fata-man kɛ ɔ toli i ti'n nun. Man ɔ kɛtɛ i nuan'n su nan ɔ `kpan sin kɛ yoo: ‹Fiɛn ɔ'a kan min o! Fiɛn ɔ'a kan min o!›

Amɔs 8:11

Anannganman'n waan: «Cɛn kun n wa to awe n ´yi mɛn'n su. Awe sɔ b'ɔ kun sran mun'n, nán kɛ awe-ɔ, nán nzuewe-ɔ. Anannganman i nuan ndɛ'n i tilɛ i awe yɛ ɔ ´kun be-ɔ.

Mise 3:4

I sɔ'n ti, cɛn nga be wa kpan flɛ Anannganman'n, ɔ su tɛ-man be su. Ɔ ´kaci i sin si be, be sa tɛ nga be yoli'n ti .

Mise 7:16

Man mɛn kun nga'm be nunfuɛ'm be ´yo kwlafuɛ sɛ, sanngɛ kɛ be wun i sɔ sa liɛ mun'n, be nyin ´gua ase. Be su si-man wie se, ɔ ´bo bé nuan .

Zakari 13:4

I sɔ blɛ nun'n, be nga be tɔn be wun suɛn kɛ be ti min nuan ijɔfuɛ sɔ'm be aolia nun ninnge nga be wun i'n, i kanlɛ ´yo be nyannzuɛn. Ɔ su kpɛn-man be klun kɛ be `wla nnɛn ndrɛ tralɛ nan be `lakalaka sran mun kun.

1 Samiɛl 14:37

Yɛ Sail usali Nyanmiɛn kɛ: «?N `su Filistifuɛ'm bé su? ?Sɛ n su bé su'n, a ´fa be wla Izraɛlfuɛ'm bé sa nun?» Sanngɛ le kun sɔ'n, Nyanmiɛn ɔ'a tɛ-mɛn i su.

1 Samiɛl 28:15

Samiɛl usɛli i kɛ: «?Ɔ yo sɛ ti yɛ man a fa min fiteli bɔ a kle min yalɛ sa-a?» Sail waan: «Min akunndan'n ɔ'a sanngan dan. Filistifuɛ'm be nin mín su kun alɛ, kpɛkuun Nyanmiɛn nin min nun-man nun kun. N usɛ i sa-a, ɔ tɛ-man su. Ɔ fɛ-mɛn i ngaliɛ wlɛ-mɛn i nuan ijɔfuɛ'm bé nuan ɔ man-man min kun, kusu ɔ kan-man ndɛ kle-man min laliɛ kun, i ti yɛ n flɛ wɔ nan a `kan like ng'ɔ fata kɛ n yo'n kle min-ɔn.»

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.

1 Samiɛl 9:9

Sail waan: «Man e wɔ e!» Yɛ be fali klɔ nga Nyanmiɛn nuan ijɔfuɛ'n wo su'n i atin nin-ɔn. Kɛ be ´fu klɔ'n i kpɔlɛ'n, talua'm be fin klɔ nun lɔ be su kɔ nzue nun. Yɛ be usali be kɛ: «?Jeliwafuɛ'n wo lɛ?» (Laa, Izraɛl lɔ sɛ be ´ko wun Nyanmiɛn nuan ijɔfuɛ'n i wun'n, be se kɛ e ko wun Jeliwafuɛ'n wun, afin laa be flɛ Nyanmiɛn nuan ijɔfuɛ'n kɛ Jeliwafuɛ.)