Mise 3:6 - NYANMIƐN NDƐ'N 1998

⁶ i ti siɛn'n, aolia nun like ng'ɔ ´ba'n, amun lafi kɔnguɛ-ɔ, amun su wun-mɛn i kun. Amun su cɛn-man laliɛ kun, amun tɛ wun-man ase kun, amún ti nun ´si.»

Mise 3:6 ပူးပေါင်းရင်းမြစ်များ

Jue Mun 74:9

E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Ezai 29:10

Afin Anannganman ɔ'a yo man amu'an yo sa zuglaa. Ɔ'a kata amun nyinma'n (wa liɛ'n, Nyanmiɛn nuan ijɔfuɛ'm be ndɛ yɛ ɔ kan-an.) Ɔ'a kata amún ti (wa liɛ'n jeliwafuɛ'm be ndɛ yɛ ɔ kan-an.)

Ezai 59:10

Kɛ e ´nanti'n, e fuafua é sa kɛ anyansifuɛ wie b'ɔ fuɛfuɛ i sa talɛ wun'n sa, e fuafua é sa kɛ sran bɔ i nyinma'n ɔ'a bo'n sa. Wia klengle kpa nun'n, é ja kpla kɛ lika tuun kpa nun'n sa. E ti juejue, sanngɛ fuɛn'm be nyrun ba nyan tra ye.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 15:9

Bla b'ɔ wuli ba yasua lele nso'n, yɛ ɔ lɛ-man wie kun yɛ, yɛ ɔ su wu yɛ. I nyrun'n, lika ɔ'a san sanngɛ wia'n tɛ o nun. Ɔ'a sokpa, ɔ'a wun nyannzuɛn. Be nga be ka lɛ'n, n ´yo man be wu be kpɔfuɛ'm be nyrun.» Anannganman'n yɛ ɔ kan sɔ-ɔ.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Ezekiɛl 13:9

«N ´yi min kwlalɛ bɔ n kwla'n i nglo n ´kle be nga be tɔn bé wun suɛn kɛ be ti min nuan ijɔfuɛ'n, bɔ be kpɛ bé ti nun kɛ b'a wun aolia nun like kpɛkuun be bua ato be wunnzue yilɛ'm be nun'n. Be liɛ'n, be su tran-man min sran'm be anyia'n nun wie, be su klɛ-man be dunman Izraɛlfuɛ'm be nun wie, yɛ be su sa-man be sin be tran-man be mɛn'n nun wie kun. Kɛ ɔ ko yo sɔ'n, kpɛkuun be wa si jrɛiin kɛ min yɛ n ti Anannganman Nyanmiɛn nin-ɔn.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Amɔs 8:11

Anannganman'n waan: «Cɛn kun n wa to awe n ´yi mɛn'n su. Awe sɔ b'ɔ kun sran mun'n, nán kɛ awe-ɔ, nán nzuewe-ɔ. Anannganman i nuan ndɛ'n i tilɛ i awe yɛ ɔ ´kun be-ɔ.

Mise 2:6

Sran wie'm be ko se kɛ yoo: «Ndɛ finfin nga be kɛn i kɛ yoo: ‹San sa yalɛ ´tɔ e su'n,› i sɔ ndɛ finfin liɛ'n be `yaci i kanlɛ man e ti sa.