Mise 3:5 - NYANMIƐN NDƐ'N 1998

⁵ Ndɛ nga Anannganman kan man be nga be tɔn be wun suɛn kɛ be ti Nyanmiɛn nuan ijɔfuɛ be lakalaka i mɛn nunfuɛ mun'n yɛ: «Be bɔ sran ng'ɔ cɛ be like'n be se i kɛ: ‹Sa tɛ fi su nyan-man wɔ'n,› nga kusu bɔ ɔ'a man-man be like-ɔ, be nin i be lɛ i'n,

Mise 3:5 ပူးပေါင်းရင်းမြစ်များ

Nyanndra Mun 28:21

Ndɛ kwlɛ dilɛ'n ti-man kpa. Sanngɛ sran wie mun'n, bé nuan nun aliɛ ngbɛn sa'n ti, be yo i sɔ gblɛ sa liɛ'n.

Ezai 3:12

Ba kanngan mun yɛ be yo min sran'm be tɛtɛ-ɔ, bla mun yɛ be sie be-ɔ. Min sran mun, amun nyrun dunfuɛ'm be mlinnin amun. Be kata atin nga amun sin nun'n.

Zeremi 23:27

Be ´kan be laliɛ nun ndɛ'm be kle be wiengu sɔ nan min sran'm be wla fi min kɛ be nannan'm bé wla fili min, Baal dunman nun'n sa.

Zeremi 23:32

Min Anannganman, be nga be kpɛ gblɛ se kɛ b'a wun aolia nun like be fa mlin min sran mun'n, e nin be e wa yia nun, afin min yɛ n sunmannin be-ɔ, be yo-man sa kpa fi be man-man min sran mun. Min Anannganman min yɛ n kan sɔ-ɔ.›

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 6:4

Be kpan se kɛ: ‹Man e nin be e ko kun. Man e wɔ wia jran. Cuekee! Sɛnzɛ'n su kɔ tɔlɛ, e wawɛ'm be su yo tɛnndɛn.

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ezekiɛl 13:9

«N ´yi min kwlalɛ bɔ n kwla'n i nglo n ´kle be nga be tɔn bé wun suɛn kɛ be ti min nuan ijɔfuɛ'n, bɔ be kpɛ bé ti nun kɛ b'a wun aolia nun like kpɛkuun be bua ato be wunnzue yilɛ'm be nun'n. Be liɛ'n, be su tran-man min sran'm be anyia'n nun wie, be su klɛ-man be dunman Izraɛlfuɛ'm be nun wie, yɛ be su sa-man be sin be tran-man be mɛn'n nun wie kun. Kɛ ɔ ko yo sɔ'n, kpɛkuun be wa si jrɛiin kɛ min yɛ n ti Anannganman Nyanmiɛn nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 4:5

Wia klengle kpa'n nun yɛ ɔ́ ja'n ɔ ´kpla-a, yɛ ɔ niaan'n b'ɔ ti min nuan ijɔfuɛ'n kusu i ja liɛ'n ɔ ´kpla kɔnguɛ. Izraɛl, n ´kun wɔ awuliɛ nin'n.

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Malasi 2:8

Sanngɛ amun ajulisu Nyanmiɛn nyrun jranfuɛ mun'n amu'an fa-man atin kpa sɔ'n su kun, amu'an kle sran sunman be atin tɛ. Amu'an saci aenguɛ nga e nin Levi e trali'n. M bɔbɔ min Anannganman bɔ n sie mɛn wunmuan'n yɛ n kan kle amun-ɔn.

Matthieu 15:14

An `yaci be lɛ, be ti anyansifuɛ bɔ be tra be wiengu anyansifuɛ kpɔnman. Sɛ anyansifuɛ kun trɛ i wiengu anyansifuɛ kpɔnman'n, be nnyɔn'n be ´tɔ kunman nun.»

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Rɔmfuɛ Mun 16:18

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.