Mise 3:2 - NYANMIƐN NDƐ'N 1998

² Sanngɛ kpɛkuun sa kpa'n, amun klo-mɛn i yolɛ, san sa tɛfuɛ'n cɛ yɛ amun klo i yolɛ-ɔ. An yi sran'm bé kplo'n nin be nnɛn'n, kpɛkuun be owie ngbɛn'n gua su.

Mise 3:2 ပူးပေါင်းရင်းမြစ်များ

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

2 Be Nyoliɛ 19:2

Kɛ ɔ ´ba'n, Anani b'ɔ ti Nyanmiɛn nuan ijɔfuɛ'n i wa Zei bɛli i atin kpalɛ. Ɔ usali famiɛn Zozafat kɛ: «?Ɔ yo sɛ ti yɛ a ɔli klunwifuɛ'n nga i ukalɛ-ɔ? ?A klo be nga be kpɔ Anannganman'n? Ɔ sa nga a yoli i lɛ'n ti Anannganman ɔ'a fa ɔ́ wun ya,

Jue Mun 15:4

Ɔ nin sran nga Nyanmiɛn a yi i blo'n bé nuan sɛ-man. Sanngɛ ɔ klo sran nga i nyin yi Nyanmiɛn'n. Sɛ ɔ ta nda wie'n, kannzɛ ɔ wa miɛn i sa kasiɛn'n, ɔ kpɛ-mɛn i ndɛ ng'ɔ kannin'n i wun.

Jue Mun 53:4

Be kwlakwla b'a mlin, be kwlakwla b'a saci. Be nun kun sa yo-man sa kpa, be wie fi yo-man sa kpa bɔ kun .

Nyanndra Mun 28:4

Be nga bɔ be fa-man Nyanmiɛn mmla'n su'n, be manman klunwifuɛ'n. Be bɔ be fa su'n kusu be nin klunwifuɛ'n bé ti sɛ-man.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezai 5:20

Be nga be flɛ sa kpa'n kɛ sa tɛ'n, bɔ be flɛ sa tɛ'n kusu kɛ sa kpa'n, be yako! Like ng'ɔ ti tuun'n yɛ be waan ɔ ti weiin-ɔn, like ng'ɔ yo fɛ'n yɛ be waan ɔ yo wi-ɔ, yɛ like ng'ɔ yo wi'n yɛ be waan ɔ yo fɛ-ɔ.

Ezai 57:12

N wa kan amún sa kpa bɔ amun yo i ngboko'n, nin amun junman klanman bɔ amun di i ngboko'n. Sɛ n kan be'n, be su yo-man amún wun sa ye.

Ezekiɛl 11:7

I sɔ'n ti Anannganman Nyanmiɛn'n wan yoo: Klɔ'n ti kɛ blalɛ sɛ sa, sran nga amun kunnin be'n be fuɛn mun yɛ be ti i nun nnɛn'n nin-ɔn. Amun liɛ'n, n wa kan amun bo.

Ezekiɛl 22:27

Bé famiɛn i awlo lɔ sran dandan'm be liɛ be ti kɛ gboklo bɔ be di nnɛn'n sa. Be akunndan nga be bu'n yɛlɛ sran kunlɛ. Be kun sran be fa kunndɛ sika.

Ezekiɛl 24:4

Amun `fa nnɛn be gua nun. Amun `fa nnɛn'n i kpa lika'n, i sɔwa nin i walɛ ti'n be gua nun. Amun `fa owie kpakpa mun fa uka su man ɔ yi piɛ.

Ezekiɛl 34:3

Amun di bua'm be nnɛn lui'n, amu'an wla bua ndrɛ tralɛ'n, amu'an kun bua nga b'a lo kpa'n mun. Sanngɛ amun nian-man be lika.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Mise 2:8

Anannganman waan: «Amun fa min nvle nunfuɛ mun kaci amun kpɔfuɛ. Sran nga be fin alɛ kunlɛ be ´ba-a, be klun ti-man be'n, kpɛkuun amun ko de i sɔ sran liɛ'm be tralɛ kpa nga be nyɛnnin i'n bé sa nun.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Mise 7:3

Sa tɛ'n, b'a yo i lele b'a si i yo kekleke. Kpɛnngbɛn mun nin jɔlɛ difuɛ'm be mianmian sran mun kɛ be man be ninnge mun. Sran dandan'm be kusu be like liɛ kun nga be waan be ´fɛ i sran sa nun'n, be fia-man bé wun, be fɛ i wue kekle su.

Sofoni 3:3

I famiɛn i awlo lɔ sran dandan'm be ti kɛ asɔmɔli b'ɔ su tian'n sa. I su jɔlɛ difuɛ'm be ti kɛ nsoso bɔ nnɔsua be ko di koniɛn bɔ sanngɛ nglɛmun be nyan-man like be kpisa-man'n sa.

JÉSUS-CHRIST I DYASIN FE'N BO LUC KLELI'N 19:14

Sanngɛ i nvlefuɛ'm be kpɔ i, yɛ be yili sran wie mun suli i su kɛ be `ko se kɛ be klo-man kɛ i yɛ ɔ `sie be-ɔ.

Jean 18:40

Yɛ be tɔli kpanlɛ su ekun-ɔn, be seli kɛ: «Cɛcɛ, nɛ́n i-ɔ. Barabas yɛ e waan a `yaci i nun man ye-ɔ.» Sanngɛ Barabas sɔ'n ti kakajefuɛ.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Rɔmfuɛ Mun 1:32

Be si kɛ be klɛli i Nyanmiɛn mmla'n nun kɛ sran ng'ɔ yo i sɔ sa'n, ɔ nin kunlɛ fata, sanngɛ be yo, yɛ kɛ sran wie'm be yo sa kunngba sɔ'n, ɔ yo be fɛ.

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

2 Timote 3:3

be su klo-man sran, be yo be sa-a be su yaci cɛ-man, be ´di abla, be su si-man bé wun su nian, be ´yo wlɛ, be ´kpɔ sran kpa mun,