Mise 3:1 - NYANMIƐN NDƐ'N 1998

¹ Zakɔb anunman'm bé su kpɛnngbɛn mun, Izraɛl nvle'n nun jɔlɛ difuɛ mun, an `sie amún su man n kan ndɛ n `kle amun. ?Nán amun yɛ ɔ fata bɔ an si mmla nin-ɔn?

Mise 3:1 ပူးပေါင်းရင်းမြစ်များ

Neemi 13:17

N ijɔli Zida kpɛnngbɛn mun. Yɛ n usali be kɛ: «?Kɛlɛ amun si kɛ wunmiɛn-delɛ-cɛn'n i finfin nga amun yo'n ɔ ti sa tɛ dan yɛ amun yo-ɔ?

Jue Mun 14:4

Sa tɛ yofuɛ mun, be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Ezai 1:10

?Zerizalɛm kpɛnngbɛn mun, yoo amu'an kaci Sodɔm kpɛn siɛn'n? Amun `tie Anannganman i ndɛ b'ɔ kan'n! ?Zerizalɛmfuɛ mun, yoo kɛ ɔ o yɛ'n amu'an kaci Gomɔrfuɛ siɛn'n? Amun `sie amun su kpa be tie e Nyanmiɛn'n i mmla b'ɔ man'n!

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezekiɛl 22:6

Nian ɔ́ wun, Izraɛl wlengbi'm be kwlalɛ bɔ be lɛ i'n, be fa mian-mian sran mun, yɛ be fa kun be.

Ezekiɛl 34:2

«Klɔ sran, kan sa ng'ɔ wa ju'n kle Izraɛl kpɛnngbɛn mun. Kan sa ng'ɔ wa ju'n kle Izraɛl nvle'n i nyrun dunfuɛ'm bɔ be ti kɛ bua su nianfuɛ mun sa'n. Ndɛ nga min Anannganman Nyanmiɛn n kan'n yɛ: ‹Izraɛl kankanfuɛ'm bɔ be ta be bɔbɔ bé wun'n be yako! ?Nán bua'm be yɛ ɔ fata kɛ bua tafuɛ'm be ta be-ɔ?

Ezekiɛl 34:3

Amun di bua'm be nnɛn lui'n, amu'an wla bua ndrɛ tralɛ'n, amu'an kun bua nga b'a lo kpa'n mun. Sanngɛ amun nian-man be lika.

Ezekiɛl 9:9

Ɔ tɛli min su kɛ: «Izraɛlfuɛ mun nin Zidafuɛ'm bé sa tɛ'n ɔ'a yo dan kpa. Mɛn'n i lika'n kwlaa nun ɔ ti sran kunlɛ'n bɔ cɛ. Be yo-man sa ng'ɔ ti i nuan su'n kun klɔ'n nun. Afin be ndɛ nga be kan'n yɛlɛ kɛ: ‹Anannganman'n nin e mɛn'n nun-man nun kun. Anannganman'n wun-man ye.

Ndɛ Nga Nyanmiɛn I Nuan Ijɔfuɛ Oze Kannin'n 5:1

«Nyanmiɛn nyrun jranfuɛ mun, amun `sie amún su be `tie ndɛ nga kpa! Izraɛlfuɛ mun, amun `sie amún su kpa! Famiɛn i awlofuɛ mun, an `sie amún su! Ndɛ nga ti amun liɛ, yɛlɛ kɛ Mizpa lɔ'n, amun kacili kɛ aya sa min sran'm bé bo, amun kacili kɛ tɛ bɔ b'a guɛ i Tabɔr oka'n su'n sa.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

1 Korɛntfuɛ Mun 6:5

N kɛn i sɔ ´fa gua amún nyin ase! ?Ngwlɛlɛfuɛ bɔ kun sa nun-man amun nun b'ɔ kwla siesie i niaan Kristfuɛ'm be afiɛn-ɔn?

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.