Mise 2:9 - NYANMIƐN NDƐ'N 1998

⁹ Awlo nga min nvle'n nun mmla'm be klo nun tranlɛ'n, amun ko kankan be bo i nun. Kpɛkuun anyrunnyan nga n fa mannin be mma mun'n, an deli bé sa nun.

Mise 2:9 ပူးပေါင်းရင်းမြစ်များ

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Zeremi 10:20

yɛ mín tannin sua'n ɔ'a bubu yɛ i nyanman'm b'a kpɛkpɛ yɛ. Min mma'm b'a ɔ, b'a fi mín sa. N lɛ-man sran fi b'ɔ ´man mín tannin sua'n su-ɔ. N lɛ-man sran fi b'ɔ ´tanndan nun-ɔn.› »

Ezekiɛl 39:21

«N ´yi min nyrun bɔ n lɛ i'n i nglo nvle-nvlefuɛ'm be nyrun. Yɛ nvle-nvlefuɛ'm be ´wun kɛ n fa di jɔlɛ'n. Be ´wun min kwlalɛ bɔ n kwla'n `bɔ n fa sie be'n.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Abakik 2:14

Sran'm be kwlaa be ´wun kɛ Anannganman lɛ nyrun. Afin i anyrunnyan sɔ'n, ɔ wa yi mɛn wunmuan'n kɛ jenvie'n fa yi'n b'ɔ ɔ kɛtɛ i bo lɔ'n su sa .

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Marc 12:40

Be de angboti mmla'm be awlo'n, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n ɔ wa yo tɛ kpa.»

JÉSUS-CHRIST I DYASIN FE'N BO LUC KLELI'N 20:47

Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.