Mise 2:12 - NYANMIƐN NDƐ'N 1998

¹² Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Mise 2:12 ပူးပေါင်းရင်းမြစ်များ

Bo Bolɛ 36:33

Kɛ Bela wuli'n, Zerak Zɔbab yɛ ɔ sinnin i osu-ɔ. I klɔ'n yɛlɛ Bɔzra.

1 Be Nyoliɛ 1:44

Kɛ ɔ wuli'n, Zerak i wa Zɔbab b'ɔ fin Bɔzra'n sinnin i osu.

Ezai 11:11

I blɛ sɔ nun'n, Anannganman ɔ ´mɛn i sa'n su kpɛ nnyɔn su . Ɔ ´kpɔ i sran nga be kali lɛ'n bé ti. I sran nga be kali Asiri lɔ'n nin Ezipt lɔ'n, nin Etiopi lɔ'n, i sran nga be kali Elam lɔ'n nin Babilɔni lɔ'n, nin Amat lɔ'n, ɔ ´kpɔ bé ti. I sran bɔ be kali lika nga bɔ be o jenvie nuan'n, ɔ ´kpɔ bé ti.

Ezai 27:12

I cɛn sɔ nun'n, waka nga be o nzue dan'n i nuan lele fa ju Ezipt nzue ba'n i nuan'n, Anannganman ´keje waka sɔ mun sa uya-uya-uya. Yɛ amun Izraɛlfuɛ mun, ɔ ´isa amun kunngunngun.

Ezai 34:6

Anannganman i tokofi'n ɔ ti mmoja ngunmin, be fali lui be kpɛkpɛli i wun. A wun i-ɔ, ɔ waan bua bɔ b'a kpɛ cro'n nin boli kpakpuɛ'm be mmoja sa, ɔ waan bua nene'm be aklɛnzia'n i wun lui'n yɛ be fa kpɛkpɛli i wun sa. Afin be su yi tɛ be man Anannganman, be su yi i Bɔzra lɔ. Be su kun sran kpanngban Edɔm mɛn'n nun lɔ.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Ezekiɛl 34:11

Afin Anannganman Nyanmiɛn wan yoo: «M bɔbɔ yɛ n wa nian be lika-a, n ´nian be su.

Ezekiɛl 34:13

N ´yi be nvle-nvlefuɛ'm be afiɛn, kannzɛ be fin mɛn wafa-wafa'm be nun'n, n ´kan be m ´bo nun, yɛ n ´fa be m ba be asiɛ'n su ekun. N ´ta be Izraɛl oka'm be su nin nzue ba mun bé nuan, ɔ nin mɛn'n i lika kwlaa nga be tran nun lɛ-ɔ ɔ yo ye'n.

Ezekiɛl 34:22

I sɔ'n ti'n, n su ba be delɛ kɛ ɔ ´yo nan sran wie'm b'a fɛn-man be kwlaa'n ti. N wa yo be afiɛn jɔlɛ difuɛ.

Ezekiɛl 34:31

«Min bua mun, amun bɔ amun ti min kuku'n nun bua mun'n, amun ti klɔ sran. Min kusu n ti amun Nyanmiɛn.» Anannganman Nyanmiɛn'n yɛ ɔ kan sɔ-ɔ.

Ezekiɛl 36:37

Anannganman Nyanmiɛn'n wan yoo: «N wa yaci Izraɛlfuɛ mun ekun nan be flɛ min kɛ n `uka be. Yɛ n wa tɛ be su, ɔ man be ´yo kpanngban kɛ nnɛn fa kun sa.

Ezekiɛl 37:21

Se be kɛ Anannganman Nyanmiɛn wan yoo: ‹Amun `nian, n ´fa Izraɛlfuɛ mun nvle-nvle nga be ɔli be nun'n be nun, n ´kan be m bo nun, yɛ n ´fa be m ba be mɛn'n nun.

Amɔs 1:12

N ´fa sin n ´yi Teman klɔ'n nun. I sɔ sin liɛ'n ɔ ´yra sua nglanman nga be o Bɔzra lɔ'n mun.»

Mise 2:13

Sran ng'ɔ dun mmua amun nyrun'n, yɛ ɔ ´bo atin nin-ɔn. I fanngan nun man talɛ ng'ɔ si amun wun'n, amun ´kpɛ nun toklo amun ´fite. Amun famiɛn Anannganman yɛ ɔ ´dun mmua amun nyrun-ɔn .»

Mise 4:8

Zerizalɛm kpɔlɛ, wɔ bɔ a ti kɛ min nnɛn'm be sasawlɛ lika sa'n, ɔ ka kaan a ´sa ɔ sin ´sie mɛn'n ekun kɛ laa'n sa. Zerizalɛm ɔ ´sɛ sin ´yo famiɛn klɔ ekun.»

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Sofoni 3:20

Blɛ sɔ'n nun'n, n ´ko fa amun m ´ba, n ´kan amun m ´bo nun, n ´wla amun sran nun, amun bɔbɔ amun ´wun i. N ´yo man amun ´nyan kɔmin, amun dunman'n ´fu, ɔ ´tru nvle'm be nun.» Anannganman'n yɛ ɔ kan sɔ-ɔ.