Mise 2:1 - NYANMIƐN NDƐ'N 1998

¹ Be nga sa tɛ'n yɛ be bu i akunndan'n, bɔ be la kɔnguɛ-ɔ, be bu be sie, bɔ sɛ be nyɛn i jranwlɛ'n bɔ wia'n kwla tɛ-man, wuun be su yo i sɔ sa'n, be yako!

Mise 2:1 ပူးပေါင်းရင်းမြစ်များ

Bo Bolɛ 31:29

N yo amun sa-a ɔ yo ye, sanngɛ ndɛ kɔnguɛ ɔ́ si i Nyanmiɛn'n seli min kɛ: ‹Nán yo Zakɔb like fi.›

1 Famiɛn Mun 21:7

Zezabɛl seli i kɛ: «A yo sa-a, ɔ waan nán wɔ yɛ a ti Izraɛl famiɛn nin-ɔn. Titi ɔ nyrun, jaso nan di like. Min bɔbɔ n ´fa Nabɔt b'ɔ ti Zizreɛlfuɛ'n i vinyi fie'n m ´man wɔ.»

Ɛstɛr 3:8

Aman seli famiɛn Asieris kɛ: «Nvle kun flanflan nvle nga a sie be'n be kwlaa be nun. Nvle sɔ'n nunfuɛ'm be nzuɛn'n ti i ngunmin, be mmla'm be nin be nga'm be liɛ'n ti-man kun. Be di-man ɔ mmla'm be su. Ɔ nin i fata-man kɛ a yaci be lɛ sa ngbɛn.

Ɛstɛr 5:14

Yɛ i yi Zeres nin i janvuɛ'm be seli i kɛ: «Man be kplan kɔmin bolɛ waka kun. Man i nglo-nglo'n ju mɛtri ablaɔn-nin-nnun nan ainman ko se famiɛn'n man be bo Mardose kɔmin. I liɛ'n, kɛ a nin famiɛn'n be ´kɔ cɛn dilɛ'n, ɔ klun ´jɔ klanman.» Ndɛ sɔ'n yoli Aman fɛ. Ɔ man be kplannin kɔmin bolɛ waka'n.

Ɛstɛr 9:25

sanngɛ Ɛstɛr ko wunnin famiɛn'n wun, kpɛkuun famiɛn'n man be klɛli fluwa kɛ klunwi sa nga Aman fa sunnzunnin Zuif mun'n, man ɔ tɔ i bɔbɔ ti su nan be bo i nin i mma'm be kɔmin.

Zɔb I Nyrɛnnɛn Wunlɛ 15:35

Sɛ be wunnzɛ sa tɛ'n kɛ be fa wunnzɛ ba sa'n, wuun ba nga be ´wu i'n yɛlɛ nyrɛnnɛn'n. Sa nga be gugu be klun lɔ'n, ɔ laka be.

Zɔb I Nyrɛnnɛn Wunlɛ 24:14

Kɛ aliɛ'n ɔ wa cɛn'n, kakaje'n ɔ jaso. Ɔ kun yalɛfuɛ'n annzɛ nyrɛnnɛnfuɛ'n. Kɛ aliɛ'n kɔ san'n, wuun ɔ'a kaci awiefuɛ.

Jue Mun 36:4

Ato bualɛ'n nin sran'm be lakalɛ'n yɛ ɔ wo i nuan'n nun-ɔn. Ɔ bu-man sa kpa yolɛ'n i akunndan bɔ kaan sa.

Jue Mun 36:5

Kɛ ɔ la kɔnguɛ'n, wafa ng'ɔ ko yo nan ɔ'a yo i sa tɛtɛ mun'n i akunndan yɛ ɔ bu-ɔ. Atin ng'ɔ ti-man kpa'n i nun cɛ yɛ ɔ sin-ɔn. Ɔ lɛ-man kɛ like nga ti-man kpa i ti n yo-man.

Jue Mun 58:3

Ɔ kwla yo-man sɔ mlɔnmlɔn. Amun nyinfu amun di sran'm be ndrunmun. Sran'm bé sa kekleekle yɛ amun yo be lika'n nun-ɔn.

Nyanndra Mun 12:2

Sran ng'ɔ yo klun-ufue'n, Anannganman klun jɔ i wun. Sran nga kusu bɔ i klun akunndan'n ti tɛ'n, Anannganman bu i fɔ.

Nyanndra Mun 14:22

?Be nga be bu sa tɛ'n i akunndan'n, be mlin-man? Sran kpa'm be liɛ'n be klun ti ufue yɛ be di nanwlɛ.

Nyanndra Mun 3:27

Sɛ a lɛ ninnge nan ɔ wiengu lɛ-man wie'n, nán yo i anwɛn .

Nyanndra Mun 4:16

Afin sɛ be nian yo-man sa tɛ'n, be nian lafi-man. Sɛ be nian yo-man sran sa'n, lafilɛ sa ɔ kun-man be.

Ezai 29:20

Be nga be sie sran mun bɔ be tin be su'n, be ´wie. Be nga be yo sran'm be finfin'n, be su wun-man be kun. Yɛ be nga sran'm be tɛtɛ yolɛ'n yɛ be kunndɛ'n, be su tran-man lɛ kun.

Ezai 3:14

Anannganman su di i sran'm be afɔtuɛ manfuɛ mun nin be kpɛnngbɛn'm be jɔlɛ. Ɔ se be kɛ: «Amu'an saci vinyi'n. Like nga amun fali be yalɛfuɛ'm bé sa nun'n, be o amún sua'm be nun.

Ezai 32:7

Gblɛfuɛ'n i ninnge ng'ɔ yo be'n be ti tɛtɛ ngunmin. Sa ng'ɔ ko yo be nan yalɛfuɛ'm b'a wun-man bé wun fɛ'n yɛ ɔ yo-ɔ. Ɔ kan gblɛ ndɛ mun kle be. Kannzɛ nyrɛnnɛnfuɛ sɔ'm be ndɛ yo fɛ'n, ɔ yo man be wun-man bé wun fɛ.

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 59:3

Afin amún sa'm be su ti sran'm be mmoja ngunmin, yɛ sɛ n ´kwla se'n, sa tɛtɛ'm b'a yo amun sama'm be fiɛn. Kɛ amun tike amún nuan, ato yɛ amun fa amun nuan sɔ'n bua-a, yɛ gblɛ yɛ amun fa kpɛ-ɔ.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Ezekiɛl 11:2

Anannganman'n seli min kɛ: «Klɔ sran, sran nga mun yɛ be bu sran kunlɛ akunndan yɛ be man afɔtuɛ tɛtɛ Zerizalɛm klɔ'n nun nin-ɔn.

Ezekiɛl 33:26

Amun alɛ ninnge'm be su yɛ amun lafi-ɔ. Amun yo tete sa mun, amun kunndɛ bla amún yi'm be bo, yɛ amun kunndɛ bian amún wun'm be bo. ?Ɔ yo sɛ ti yɛ amun kwla se kɛ mɛn'n ɔ ti amun liɛ nin-ɔn?›

Ezekiɛl 38:10

Anannganman Nyanmiɛn wan yoo: I cɛn sɔ nun'n, akunndan wie'm be wa ba ɔ́ ti nun. Like nga a ´bu i akunndan kɛ a ´yo'n, ɔ su yo-man like kpa kpa.

Ezekiɛl 46:18

Nán wlengbi'n ɔ fa like ng'ɔ ti i nvle'n nunfuɛ'm be wie liɛ'n ɔ yo i liɛ. Nán ɔ de bé sa nun like ng'ɔ ti be liɛ'n. Like ng'ɔ ´fa mɛn i mma mun'n, ɔ fata kɛ ɔ yo i bɔbɔ i liɛ kɛ ɔ ´yo nan ɔ'a fa-man sran wie i like liɛ b'ɔ lɛ i'n ti.»

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Naɔm 1:11

Niniv, ɔ lɔ yɛ akunndan tɛ bufuɛ b'ɔ sunnzun Nyanmiɛn nin tɛ'n fin-ɔn .

Zakari 7:10

Nán an kle aika mma nin bla nga be ti angboti'm be yalɛ. Nán an kle aofuɛ nin yalɛfuɛ'm be yalɛ. Nán amun bu amun wiengu wun akunndan tɛ.»

Marc 15:1

Kɛ aliɛ'n cɛnnin'n, Nyanmiɛn nyrun jranfuɛ dandan mun, nin kpɛnngbɛn mun, yɛ mmla klefuɛ mun be nin jɔlɛ difuɛ'm be kwlaa be yiali nan b'a wun bé wun. Kɛ be cili Jésus'n, be fɛ i ɔli nan b'a fɛ i a wla Pilat sa nun.

JÉSUS-CHRIST I DYASIN FE'N BO LUC KLELI'N 20:19

Kɛ Nyanmiɛn nyrun jranfuɛ dandan mun nin mmla klefuɛ mun be wunnin kɛ be ti yɛ ɔ buli nyanndra sɔ'n, be waan be ´trɛ i lɛ, sanngɛ srɛ kunnin be sran'm bé wun.

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Sa nga bé yôli'n 23:12

Kɛ aliɛ cɛnnin'n, Zuif'm be cicili, be fa Nyanmiɛn wuawuali bé wun kɛ be su di-man like be su nɔn-man nzue lele san b'a kun Pɔl.

Sa nga bé yôli'n 23:15

I sɔ'n ti'n, man amun nin jɔlɛ difuɛ dandan mun an `ko wun amún wun nan an yo kɛ an klo kɛ amun ´tietie Pɔl i ndɛ'n nun kpa sa. An `ko se sonja akpi su kpɛn'n kɛ ɔ fɛ i bla amun nyrun wa, e liɛ'n, y'a tanndan é wun, ɔ su ju-man wa bɔbɔ nan y'a kun i.»

Rɔmfuɛ Mun 1:30

be kan sran wun ndɛ, be kpɔ Nyanmiɛn, be kpɛ nzowa, be tu bé wun, be di bé nuan, be kpɛ sa tɛtɛ uflɛ'm be ba, bé nyin yi-man bé si nin be nin mun,

Mmla'n 28:32

Be ´fa amun mma yasua mun nin amun mma bla mun be ´man nvle wie nunfuɛ mun amun bɔbɔ amun nyrun lɛ. Amun wa minndɛ be balɛ'n lele ngbɛn, amun su kwla-man sa fi yo .