Mise 1:8 - NYANMIƐN NDƐ'N 1998

⁸ I sɔ'n ti n ´sun, n ´koko, n ´nanti mín ja ngbɛn ɔ nin mín wun ngbɛn. N ´kpan kɛ nsoso sa, n ´kplin kɛ klɔnsoklo sa.

Mise 1:8 ပူးပေါင်းရင်းမြစ်များ

2 Famiɛn Mun 18:13

Kɛ Ezekias yoli famiɛn'n, i afuɛ blu-nin-nnan'n su'n, Sankerib b'ɔ ti Asiri famiɛn'n fali alɛ wluli Zida klɔ nga be sisili bé wun'n be kwlaa be nun, nan ɔ'a fa be.

Ɛstɛr 4:1

Kɛ Mardose tili ndɛ sɔ'n cɛ'n, ɔ titili i wun tralɛ'm be nun. Ɔ wlali bajɛ tralɛ b'ɔ ti sa yalɛ tralɛ'n, kpɛkuun ɔ guɛli i ti su nzuɛn. Kɛ ɔ ´kpaci klɔ'n nun kɔ'n, wuun ɔ ´sun kɔ.

Zɔb I Nyrɛnnɛn Wunlɛ 30:29

M'an kaci nsoso'm be niaan. M'an kaci klɔnsoklo'm be wiengu.

Jue Mun 102:6

M'an kplin sa lele siɛn'n min owie'n ɔ'a fite su.

Ezai 13:21

Sanngɛ blo jɛkuajo'm be ´fa yo be ´fiawlɛ, yɛ akpatue'm be ´yi lɔ sua mun, klɔnsoklo'm be ´fa sua sɔ mun yo be tranwlɛ, yɛ boli kpakpuɛ'm be ´si able nun.

Ezai 13:22

Gboklo'm be ´nyan tranwlɛ klɔ'n nun sua dandan'm be nun, yɛ nsoso'm be ´nyan tranwlɛ sua kpakpa'm be nun. Babilɔni i blɛ'n wa mantan, ɔ su ba, be su tu-mɛn i cɛn'n kɔ-mɛn i sin kun.

Ezai 16:9

I sɔ'n ti, e nin Zaɛzɛrfuɛ mun e sun Sibma lɔ vinyi fie'm be ti. Ɛsbɔnfuɛ mun, Elealefuɛ mun, min nyinmuɛn'n ɔ gua amun ti. Afin amun fie'm be su ninnge bɔ amun nyannin be'n, alɛ'n ɔ wa sacili be kwlaa kpan.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Ezai 32:11

Amun bla mun bɔ amun bu i kɛ amu'an nyan amun ti'n, man srɛ kun amun. Amun bla mun bɔ amun fa amun wla gua amun bɔbɔ su'n, amun `usu. Amun `yi amún wun tralɛ'n gua, amun `kpa amún wun, amun `fa tannin b'ɔ ti sɛ nzɔliɛ like'n `ci amun afiɛn.

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:19

Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Ezekiɛl 32:18

«Klɔ sran, sun, fɛfɛ Eziptfuɛ'm be ti. Yo man Ezipt mɛn'n nin nvle dandan kun mun be jra, asiɛ'n i bo lɔ kan fuɛn'm be jra lɔ'n.

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»

1 Samiɛl 19:24

Ɔ yili i wun tralɛ'n kɛ be nga'm bé sa. Ɔ kannin Nyanmiɛn i nuan su ndɛ mun Samiɛl nyrun lɛ. Ɔ fɛli i wun kplɛn'n lali lɛ le kun sɔ'n nun ɔ nin kɔnguɛ. I sɔ'n ti, be fa di kata flɛnnɛn kɛ: «?Sail li, ɔ o Nyanmiɛn nuan ijɔfuɛ'm be nun wie?»