Mise 1:5 - NYANMIƐN NDƐ'N 1998

⁵ Sa ti bɔ i sɔ ninnge'm be ´yo'n, yɛlɛ sa tɛ bɔ Zakɔb i osu nunfuɛ mun be yoli'n, yɛlɛ tɛ bɔ Izraɛl nvle'n yoli'n. ?Zakɔb i osu nunfuɛ'm bé sa tɛ'n bɔ be yo'n i bo'n ɔ fin wan? I bo'n fin Samarifuɛ mun. ?Zidafuɛ'm be kusu be amuɛn sɔlɛ'n i bo'n ɔ fin wan? I bo'n fin Zerizalɛmfuɛ mun.

Mise 1:5 ပူးပေါင်းရင်းမြစ်များ

1 Famiɛn Mun 11:7

Salomɔn kplannin sraka yiwlɛ lika kun oka ng'ɔ o Zerizalɛm i ndɛnman lɛ'n i su. Ɔ kplan mannin Moabfuɛ'm be amuɛn bɔ be flɛ i Kɛmɔs'n. Amuɛn sɔ'n ti tete like dan. Ɔ kplannin kun ekun mannin Amɔnfuɛ'm be amuɛn bɔ be flɛ i Mɔlɔk'n. I kusu ti tete like dan.

1 Famiɛn Mun 13:32

afin ndɛ nga Anannganman fa wlɛli i nuan kɛ ɔ `kɛn i sraka yiwlɛ ng'ɔ o Betɛl lɔ'n, ɔ nin Samari klɔ'm bé su sraka yiwlɛ sua nga be o kpɔlɛ'm bé su bé wun'n, san ndɛ sɔ'n ɔ ´kpɛn su.»

1 Famiɛn Mun 16:24

I sin, ɔ toli Samari oka'n Semɛr sa nun jɛtɛ ufuɛ mma akpi nsiɛn (6.000) nan ɔ'a kplan klɔ kun oka sɔ'n su. Ɔ flɛli klɔ sɔ'n kɛ Samari. Semɛr bɔ i liɛ yɛlɛ oka sɔ'n laa'n, i dunman'n yɛ Ɔmri fa flɛli i-ɔ.

2 Be Nyoliɛ 34:3

Kɛ ɔ yoli famiɛn'n, i afuɛ mɔcuɛ su'n, bɔ wuun ɔ tɛ yo gbanflɛn'n, ɔ fɛli i wun mantannin i nannan David i Nyanmiɛn'n. Sraka yiwlɛ lika mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa, i afuɛ nnan su'n, ɔ yili be Zerizalɛm lɔ nin Zida mɛn wunmuan'n nun.

2 Be Nyoliɛ 34:4

Be bubuli amuɛn nga be flɛ be Baal'n be sɔwlɛ mun i bɔbɔ nyrun lɛ. Yɛ ɔ bubuli ansans yrawlɛ mun nin waka nga be kplan be bɔ be sɔ be'n, ɔ nin amuɛn wafa-wafa'n kwlaa. Ɔ fufuli i kwlaa sɔ nun ɔ yoli sanmlɛn. Be nga be yili sraka mannin amuɛn sɔ mun'n, ɔ fali sanmlɛn sɔ'n ko guali be ndia'n su.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 23:13

«Like nga Samari lɔ be nga be tɔn be wun suɛn kɛ be ti min nuan ijɔfuɛ'n be yoli bɔ n wunnin i'n, n waan m'an wun wie ngboko. Baal nuan yɛ be ijɔ be mlin Izraɛlfuɛ bɔ be ti min sran mun-ɔn,

Zeremi 23:14

sanngɛ like nga Zerizalɛm lɔ liɛ'm be yoli bɔ n wunnin i'n, ɔ yo sro. Be bo tekle, yɛ ato'n yɛ be bua-a. Be wla be bɔ be yo sa tɛ'n be fanngan, kɛ ɔ ´yo nan be wie fi ɔ'a yaci-man sa tɛtɛ'n yolɛ'n ti. Be ti kɛ Sodɔmfuɛ'm be sa. Zerizalɛmfuɛ'm be ti kɛ Gomɔrfuɛ'm be sa min nyrun.»

Zeremi 4:18

«Sa ti b'ɔ yo sɔ'n yɛlɛ ɔ nzuɛn'n nin wɔ aeliɛ mun. Sa sɔ'n b'ɔ ju wɔ su'n, sa tɛ bɔ a yoli'n ti-ɔ, a wun i ya kpa. Ɔ wlu ɔ wun kpa sa fiaan!»

Zeremi 5:25

Amún sa tɛ'n dunman nun ti ninnge sɔ'm b'a yo-man ye. Amun sa tɛ'm b'a tannin like kpakpa sɔ'm be atin.

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 16:46

Ɔ nyrun kpɛn bla ng'ɔ tran ɔ bɛ su'n yɛlɛ Samari nin i wa bla mun. Yɛ ɔ sinma bla ng'ɔ o ɔ fama su'n yɛlɛ Sodɔm nin i mma bla mun.

Ndɛ Nga Nyanmiɛn I Nuan Ijɔfuɛ Oze Kannin'n 7:1

«Kɛ n waan n ´yo Izraɛlfuɛ mun nan be `yo juejue'n, kpɛkuun Efraimfuɛ'm be fɔnlɛ liɛ'n, ɔ nin Samarifuɛ'm be sa tɛtɛ nga be yo be'n yɛ b'a tɛ nglo yɛ. Be lakalaka sran'm be di bé wun ninnge mun. Awiefuɛ'm be wluwlu sua'm be nun, kodiawiefuɛ'm be gua klɔ nun atin'm be nun yɛ be yo abɔlɛ nin-ɔn.

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Amɔs 7:9

Izaak osufuɛ'm be sraka yiwlɛ lika nga be o kpɔlɛ kpɔlɛ'm be su'n, n ´saci be. M ´bubu be amuɛn sua'm be kwlaa. N ´fa alɛ n ´tua Izraɛl nvle'n i kalɛ.»

Amɔs 8:14

Kpɛkuun be nga bɔ be fa Samari amuɛn'm be fa ta nda'n, ɔ nin be nga be di amuɛn be se kɛ: ‹N kan Dan lɔ amuɛn'n ti'n!› annzɛ kusu: ‹N kan Beɛr-Seba amuɛn'n ti'n,› be kwlakwla sɔ'm be ´tɔ. Be tɔ kusu-ɔ be su kwla jaso-man kun.»

Mise 1:13

Lakisfuɛ mun, amun `tanndan amun nnɛn kpanngɔ mun. Sa tɛ nga Izraɛlfuɛ'm be yoli'n, amun niannin su be yoli wie. Kpɛkuun amun kusu amun wlawlali Zerizalɛmfuɛ mun man bé nyin yoli kekle.