Mise 1:4 - NYANMIƐN NDƐ'N 1998

⁴ Kɛ ɔ ´nanti ba'n, wuun oka'm be ´kan ase. Kongokongo'm be kusu be klo, be klo kɛ sin ɔ'a kan awɛma'm be sua nan ɔ su klo sa. Be sonji kɛ wie kusu-ɔ nzue ɔ'a kpɛn ndroliɛ nun nan ɔ su sonji sa.

Mise 1:4 ပူးပေါင်းရင်းမြစ်များ

Jue Mun 46:6

Nyanmiɛn'n wo klɔ sɔ'n nun, ɔ man klɔ sɔ'n, kɛ ɔ taka lɛ'n yɛ ɔ taka-a. Kɛ lika'n ´ti muaan'n, Nyanmiɛn niɛn i lika.

Jue Mun 68:2

Man Nyanmiɛn mɛn i wun su nan i kpɔfuɛ'm be bo be sanndi. Man be nga be klo-mɛn i sa'n be wanndi i nyrun.

Jue Mun 97:5

Oka'm be klo Anannganman b'ɔ ti asiɛ wunmuan'n i Min'n i nyrun kɛ ngo'n sa.

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Naɔm 1:5

Kɛ ɔ kɛn i wun'n, oka'm be keje, kpɛkuun kpɔlɛ'm be bubu be gua. Kɛ ɔ ´ba'n, asiɛ wunmuan'n keje, asiɛ wunmuan'n nin i su sran'm be kwlaa be usu.

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Abakik 3:6

Kɛ ɔ jran'n, asiɛ'n keje, kɛ ɔ nian mɛnfuɛ mun'n, kpɛkuun be bo bli srɛ b'ɔ kun be'n ti. Oka'm bɔ be ti be liɛ kɛ yɛbuɛ sa'n, be nun kpacikpaci, kpɔlɛ nga be o lɛ-ɔ nán ndɛ sa'n, be trotro, be yɛ be ti atin b'ɔ sin su laa nin-ɔn.

Zakari 14:4

I sɔ blɛ nun'n, ɔ ´jran Olivie Oka b'ɔ o Zerizalɛm wun lɛ wia afiliɛ lika liɛ'n nun lɔ'n su. Kpɛkuun Olivie Oka'n ´kpaci i afiɛn. Be wun kongo kun ɔ ´fɛ i wia afiliɛ lɔ lika'n nun ɔ ´to i ti wia atɔliɛ lɔ lika'n nun. Oka'n i bue kun ´kɔ nglo lɔ lika'n nun, i bue kun ´kɔ ngua lɔ lika'n nun .

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.

Jɔlɛ Difuɛ Mun 5:4

Anannganman, kɛ a fin Edɔm aawlɛ'n nun bali'n, kɛ a fin Seir oka'n su jrali'n, asiɛ'n kejeli, nyanmiɛn'n mlannin yɛ nzue'n tɔli dan kpa.