Mise 1:3 - NYANMIƐN NDƐ'N 1998

³ Sakpa, Anannganman yɛ ɔ fin i tranwlɛ'n nun lɔ ɔ su ba yɛ, ɔ su jra, ɔ su nanti asiɛ'n su oka'm bé ti su nglo lɔ .

Mise 1:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 40:12

Kɛ ɔ nyinma'n ɔ gua wun tufuɛ'm be su bɔ cɛ'n, kpɛkuun kan be ase. Ka lɛ nunkun sran nga be bu-man min Nyanmiɛn min like fi mun.

Jue Mun 115:3

E Nyanmiɛn'n ɔ wo nglo lɔ, like nga i klun klo su kɛ ɔ ´yo'n yɛ ɔ yo-ɔ.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 26:21

Afin Anannganman fin i tranwlɛ'n nun lɔ su ba kɛ ɔ wa tu be nga be wo asiɛ'n su'n be fɔ sa tɛ bɔ be yo'n ti. Mmoja ng'ɔ guali asiɛ'n su'n, be ´wun i, sran nga be wuli'n, like fi su kata-man be su kun.

Ezekiɛl 3:12

Wawɛ'n mannin min su nglo, kpɛkuun n tili nganniɛn dan nga mín sin lɔ, be kan kɛ: «Man be manman Anannganman'n i anyrunnyan b'ɔ lɛ i i tranwlɛ'n nun lɔ'n ti.»

Amɔs 4:13

I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»

Amɔs 9:5

Kɛ Anannganman Nyanmiɛn b'ɔ sie mɛn wunmuan'n fɛ i sama'n kan asiɛ'n, kpɛkuun asiɛ'n su keje. Asiɛ'n sufuɛ'm be kwlakwla be ´tran awlaboɛ nun. Sɛ n ´kwla se'n, asiɛ wunmuan'n ɔ ´mɛn i wun su kpɛkuun ɔ ´tɛ i wun ase kɛ Ezipt lɔ nzue ba dan'n sa.

Abakik 3:19

Anannganman Nyanmiɛn'n ti min wunmiɛn manfuɛ, ɔ yo man mín wun kpɛ kɛ álua mun sa, ɔ yo man n nanti oka fleinflein'm be su .

Zakari 14:4

I sɔ blɛ nun'n, ɔ ´jran Olivie Oka b'ɔ o Zerizalɛm wun lɛ wia afiliɛ lika liɛ'n nun lɔ'n su. Kpɛkuun Olivie Oka'n ´kpaci i afiɛn. Be wun kongo kun ɔ ´fɛ i wia afiliɛ lɔ lika'n nun ɔ ´to i ti wia atɔliɛ lɔ lika'n nun. Oka'n i bue kun ´kɔ nglo lɔ lika'n nun, i bue kun ´kɔ ngua lɔ lika'n nun .

Mmla'n 32:13

Ɔ man ɔ trannin lika kpɔlɛkpɔlɛ'm be su ɔ man ɔ dili fie'm bé su aliɛ'n, ɔ man ɔ nɔnnin yɛbuɛ'm be nun awɛma nzue'n, ɔ man ɔ nyannin ngo dili. Ngo sɔ'n, ɔ fin kpangba'm be nun.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»