Mise 1:12 - NYANMIƐN NDƐ'N 1998

¹² Marɔtfuɛ'm bé wun usu be afin be wun-man kɛ be yo nan b'a di alaje-ɔ. Afin nyrɛnnɛn nga Anannganman fa ba'n ɔ'a tɔ Zerizalɛm su wie. Anannganman'n yɛ ɔ nin i ba-a.

Mise 1:12 ပူးပေါင်းရင်းမြစ်များ

Zɔb I Nyrɛnnɛn Wunlɛ 30:26

N sunnzun kɛ n su wa di ye, kpɛkuun sa yɛ ɔ'a nyan min-ɔn. N sunnzun kɛ min nyrun su wa yo weiin, kpɛkuun aosin yɛ ɔ'a dun min-ɔn.

Ezai 45:7

N yi lika b'ɔ kpaja weiin'n, yɛ n yi aosin tuun'n. N yo man sran'm bé wun jɔ be fɔuun, yɛ n kunngba'n n yo man nyrɛnnɛn'n ɔ ba be su. M bɔbɔ min Anannganman, min yɛ n yo ninnge sɔ'm be kwlakwla-a.

Zeremi 14:19

«?Nan Zida i blo yɛ a yi i mlɔnmlɔn-ɔn? ?Ɔ konvi li yɛ ɔ'a tu Siɔn su-ɔ? ?Ɔ yo sɛ ti yɛ a bo ye nin kannin ng'ɔ tu be-ɔ be nyɛn-mɛn i wun ayre nin-ɔn? Y'a minndɛ fɔundi'n lele ngbɛn. E minndɛ juejue yolɛ'n, sanngɛ sa ng'ɔ ba'n ɔ yo sro.

Zeremi 8:15

E waan wuun lika'n ´tɔ fɔun o, kannzu sa tɛ'n yɛ ɔ su ju-ɔ. E waan wuun e su wa yo juejue o, kannzu sa sroesroe yɛ ɔ su ju-ɔ.

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?

Mise 1:9

Afin yɛlɛ kɛ Samari i wie like yɛ ɔ'a yo i lɛ. Kpɛkuun like sɔ'n ɔ'a sa Zida, ɔ'a trɛ i lele ɔ'a ju Zerizalɛm klɔ'n i anuan'n nun, ɔ'a ju min nvlefuɛ'm be tranwlɛ'n i anuan'n nun.

Rit I Wun Ndɛ 1:20

Yɛ Naomi waan: «Nán amun flɛ min Naomi , amun `flɛ min Mara , afin Nyanmiɛn b'ɔ kwla like kwlaa yo'n, ɔ'a wla min klunngbɔ.

1 Samiɛl 4:13

Eli ti i bia'n su atin nuan lɛ. Ɔ su minndɛ, i klun titi-mɛn i ngowa. Nyanmiɛn i alaka'n ti ɔ tran-an, ɔ tran-man. Kɛ sran sɔ'n juli klɔ'n nun b'ɔ boli jasin'n yɛ sran'm be tɔ kpanlɛ su-ɔ, woo.