Mise 1:1 - NYANMIƐN NDƐ'N 1998

¹ Zida famiɛn mun Zɔtam nin Akaz, ɔ nin Ezekias be blɛ su'n Anannganman fa ndɛ wlali Mise b'ɔ fin Mɔresɛt'n i nuan kɛ ɔ kan . Aolia nun sa ng'ɔ wunnin i Samari klɔ'n nin Zerizalɛm klɔ'm bé wun ndɛ-ɔ:

Mise 1:1 ပူးပေါင်းရင်းမြစ်များ

2 Famiɛn Mun 15:32

Kɛ Rɛmalia i wa Pekak yoli Izraɛl famiɛn'n, i afuɛ nnyɔn'n su yɛ Azaria i wa Zɔtam kusu yoli Zida famiɛn-ɔn.

2 Famiɛn Mun 15:5

Anannganman fali tukpacɛ tɛ kpa kun yili famiɛn'n su. Kokowe yoli i. Ɔ kɛli i wun lele ɔ fa wuli. I ti, i ngunmin trannin sua kun nun. I wa Zɔtam yoli i awlo'n su kpɛn, yɛ i kunngba'n sieli mɛn'n.

2 Famiɛn Mun 16:1

Kɛ Rɛmalia i wa Pekak yoli famiɛn'n, i afuɛ blu-nin-nso'n su yɛ Zɔtam i wa Akaz yoli Zida famiɛn-ɔn.

2 Famiɛn Mun 18:1

Kɛ Ela i wa Oze yoli Izraɛl famiɛn'n, i afuɛ nsan'n su yɛ Akaz i wa Ezekias kusu yoli Zida famiɛn-ɔn.

2 Be Nyoliɛ 28:1

Kɛ Akaz ´yo famiɛn'n, wuun ɔ lɛ afuɛ ablaɔn. Ɔ trannin Zerizalɛm lɔ afuɛ blu-nin-nsiɛn. Ɔ'a yo-man sa nga be yo Anannganman fɛ'n kɛ i nannan David sa.

2 Be Nyoliɛ 29:1

Kɛ Ezekias ´yo famiɛn'n, wuun ɔ lɛ afuɛ ablaɔn-nin-nnun. Ɔ trannin Zerizalɛm lɔ afuɛ ablaɔn-nin-ngwlan. Be flɛ i nin'n kɛ Abi, Zakari i wa bla-a.

Ezai 1:1

Amɔz i wa Ezai i aolia nun like ng'ɔ wunnin i'n, ɔ nin ng'ɔ tili'n, b'ɔ ti Zida nin Zerizalɛm bé wun ndɛ'n. Ɔ wunnin i Ozias, nin Zɔtam, nin Akaz, ɔ nin Ezekias bɔ be ti famiɛn'n bɔ be fin Zida'n be blɛ su.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 7:1

Blɛ nga bɔ Ozias i wa Zɔtam i klun ba Akaz ɔ ti Zida famiɛn'n, Rɛzɛn b'ɔ ti Siri famiɛn'n nin i sran'm be bali kɛ be nin Zerizalɛmfuɛ'm be ´kun. Be nin Rɛmalia i wa Pekak yɛ be bali-ɔ. Be waan be ´tɔ Zerizalɛmfuɛ'm be su, be yoli lele ɔ'a yo-man ye.

Ezai 7:9

Samari yɛ ɔ ti Efraim i klɔ dan nin-ɔn, yɛ Rɛmalia i wa'n yɛ ɔ ti Samari i su kpɛn nin-ɔn. Sɛ amu'an lafi-man n su kpa'n, amun su jran-man kekle.› »

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Ndɛ Nga Nyanmiɛn I Nuan Ijɔfuɛ Oze Kannin'n 1:1

Fluwa nga i nun ndɛ'm be ti Anannganman i ndɛ yɛ ɔ fa wlɛli Beeri i wa Oze nuan kɛ ɔ `kan-an. Kɛ ɔ ´fa wlɛ i nuan sɔ'n, wuun Zɔas i wa Zeroboam yɛ ɔ ti famiɛn Izraɛl mɛn'n su-ɔ. I blɛ kunngba sɔ'n nun yɛ Ozias, nin Zɔtam, nin Akaz, ɔ nin Ezekias be yoli famiɛn Zida lɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:15

Izraɛl, sɛ a ´si ɔ tekle'n, nán man Zida si wie. Min lika ng'ɔ o Gilgal lɔ'n, nán an wɔ lɔ, nán an wɔ be ju Bɛt-Avɛn lɔ, be ko ta nda se kɛ: «N kan Nyanmiɛn!»

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Amɔs 6:1

Amun bɔ an ti Siɔn lɔ be ´di pɔɔ'n, bɔ an gua Samari kpɔlɛ'n su lɔ bɔ an bu i kɛ amu'an nyan amun ti'n, an yako lele! Be blɔ kɛ mɛn'n nun be nga be lɛ nyrun'n, amun yɛ be ti be klikli nin-ɔn, yɛ Izraɛlfuɛ'm be kɔ amun sin-ɔn .

Mise 1:5

Sa ti bɔ i sɔ ninnge'm be ´yo'n, yɛlɛ sa tɛ bɔ Zakɔb i osu nunfuɛ mun be yoli'n, yɛlɛ tɛ bɔ Izraɛl nvle'n yoli'n. ?Zakɔb i osu nunfuɛ'm bé sa tɛ'n bɔ be yo'n i bo'n ɔ fin wan? I bo'n fin Samarifuɛ mun. ?Zidafuɛ'm be kusu be amuɛn sɔlɛ'n i bo'n ɔ fin wan? I bo'n fin Zerizalɛmfuɛ mun.

Mise 3:9

Zakɔb anunman'm bé su ngbɛn mun, Izraɛl jɔlɛ difuɛ mun, amun yɛ n kan ndɛ nga m man amun-ɔn. Amun bɔ an klo-man nanwlɛ dilɛ, bɔ gblɛ'n yɛ amun kpɛ'n,

Abakik 1:1

Sa nga Anannganman'n yili i nglo kleli Abakik b'ɔ ti i nuan ijɔfuɛ yɛ ɔ o yɛ:

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.