Matthieu 9:33 - NYANMIƐN NDƐ'N 1998

³³ Ɔ fuannin asiɛ usu sɔ'n, nan bobofuɛ'n ɔ'a ijɔ. Sran'm bé nuan b'ɔ bo bé wun n ti be seli kɛ: «E nian wun-man abonuan sa kɛ nga sa Izraɛl mɛn'n nun le.»

Nyanmien nde Ufle

³³ O fuaan asie usu so'n, nan bôbô'n wa idyo. Ke swran'm bé nuan bô bé wun'n, bé sé ke: É nian wu'an abônuan sa ke nga sa Israël men'n nun lé.

Matthieu 9:33 ပူးပေါင်းရင်းမြစ်များ

2 Famiɛn Mun 5:8

Kɛ Elize b'ɔ ti Nyanmiɛn i sran'n tili i kɛ Izraɛl famiɛn'n ɔ'a titi i wun tralɛ'm be nun'n, ɔ sunmannin sran kɛ ɔ ko se i kɛ: «?Ɔ yo sɛ ti yɛ a titili ɔ́ wun tralɛ'm be nun-ɔn? Se i man ɔ bla ń sin. Ɔ wa wun i kɛ Nyanmiɛn i nuan ijɔfuɛ kun wo Izraɛl mɛn'n nun wa sakpa.»

Jue Mun 76:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Ezai 35:6

Blɛ sɔ nun'n, cɛcɛwafuɛ'm be ´tu kpɛn kɛ flete mun sa. Yɛ aklunjuɛ'n ti bobofuɛ'm be ´kpan. Afin nzue wa nyrɛn aawlɛ flɛnnɛn'n nun, yɛ nzue ba'm be wa sonji mɛn kee'n nun .

Zeremi 32:20

A yili atrɛ, a yoli abonuan sa mun Ezipt mɛn'n nun lɔ laa. Kɛ e ´se yɛ'n kusu, Izraɛl mɛn'n nun o, asiɛ wunmuan'n su o, a yoli man ɔ dunman'n ɔ'a fu kekleke.

Matthieu 8:10

Kɛ Jésus tili ndɛ sɔ'n, ɔ boli i nuan dan kpa, yɛ ɔ seli be nga be su i su sɔ'm be kɛ: «Nanwlɛ, Izraɛl nvle'n nun bɔbɔ'n, m'an wun-man sran fi b'ɔ lafi Nyanmiɛn su dan kɛ nga sa-a.

Matthieu 9:32

Kɛ be ´kɔ'n, sran wie'm be fa bobofuɛ kun bɔ asiɛ usu sacili i'n blɛli i.

Marc 2:12

I osu kunngba'n nun'n, ɔ jao fɛli i bɛ'n ɔ fiteli be kwlaa be nyrun lɛ. I sɔ'n ti be kwlaa bé nuan boli bé wun kpa, be manmannin Nyanmiɛn, yɛ be seli kɛ: «E nian wun-man sa nga i wunsu le mlɔnmlɔn.»

JÉSUS-CHRIST I DYASIN FE'N BO LUC KLELI'N 11:14

Jésus tuli asiɛ usu bobofuɛ kun b'ɔ sacili bian kun'n. Kɛ asiɛ usu sɔ'n b'ɔ yoli bian'n i bobo'n jaoli i su bɔ bian sɔ'n ijɔli'n, ɔ boli sran'm be kwlaa bé nuan.

JÉSUS-CHRIST I DYASIN FE'N BO LUC KLELI'N 7:9

Kɛ Jésus tili ndɛ sɔ'n, ɔ boli i nuan, ɔ kpɛli i nyin sran nga be su i su'n bé wun lɔ nan ɔ'a se kɛ: «Nanwlɛ, Izraɛl nvle'n nun wa bɔbɔ'n, m'an wun-man sran b'ɔ lafi Nyanmiɛn su dan kɛ nga sa-a.»