Matthieu 8:20 - NYANMIƐN NDƐ'N 1998

²⁰ Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Nyanmien nde Ufle

²⁰ Jésus séé i ke: Sôlôngbi'm bé le kunman la nun, ye anunman'm bo bé tu sin'n bé le lawle, sannge m bo n katyii Swran'n n le'a lika bo n la nun dé wunmien bo kaan.

Matthieu 8:20 ပူးပေါင်းရင်းမြစ်များ

Jue Mun 104:12

Anunman'm be tran i nuan. Be tran i nuan waka'm be su be kpan .

Jue Mun 104:17

Anunman'm be wa yo bé sua waka sɔ'm be nun, Anunman wɔngɔ'n i tranwlɛ yɛlɛ siprɛs waka'm be nun.

Jue Mun 109:22

N ti nyrɛnnɛnfuɛ, yɛ n ti yalɛfuɛ. Min anwlɛn'n ɔ'a saci min klun lɔ kain.

Jue Mun 40:17

Ɔ sufuɛ nanwlɛfuɛ'm be liɛ'n, man be sri, man be klun jɔ ɔ dunman nun. Be nga be klo wɔ bɔ a de sran mun'n, man be kɛn i titi kɛ: «Anannganman ti dan o!»

Jue Mun 69:29

Nunnun be dunman nguan fluwa'n nun. Nán klɛ be dunman sran nga a bu be kpa'n be fluwa'n nun .

Jue Mun 84:3

Kɛ n nian kwla wlu-man ɔ́ sua'n i awlo'n nun lɔ'n, kɛ min anwlɛn'n be min klun sa. M bo sro n yi min aklunjuɛ'n i nglo n kle Nyanmiɛn b'ɔ lafi-man'n.

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Matthieu 12:32

Sran kwlaa ng'ɔ kan m bɔ n kacili Sran'n min wun ndɛ'n, ɔ ´yaci cɛ i. Sanngɛ sran ng'ɔ kan Nyanmiɛn Wawɛ'n i wun ndɛ'n, ɔ su yaci cɛ-mɛn i blɛ nga nun annzɛ blɛ ng'ɔ ´ba lɔ'n nun.»

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

Matthieu 12:8

Afin m bɔ n kacili Sran'n min yɛ n sie wunmiɛn-delɛ-cɛn nin-ɔn.»

Matthieu 13:37

Ɔ seli be kɛ: «Awie'n i guafuɛ'n yɛlɛ m bɔ n kacili Sran'n.

Matthieu 16:13

Kɛ Jésus juli Sezare Filip asa liɛ'n su'n, ɔ usɛli i sɔnnzɔnfuɛ'm be kɛ: «?Sran'm be waan wan yɛlɛ m bɔ n kacili Sran'n?»

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 17:9

Kɛ be fin oka'n su lɔ be ´jra'n, Jésus wlali bé su nun kpa kɛ nán man be kan like nga be wunnin i'n kle sran fi lele san i bɔ kacili Sran'n ɔ'a wu ɔ'a cɛn.

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

JÉSUS-CHRIST I DYASIN FE'N BO LUC KLELI'N 12:8

«Nanwlɛ, sran ng'ɔ bo n dunman sran'm be nyrun'n, m bɔ n kacili Sran'n kusu m ´bo i dunman Nyanmiɛn i anz'm be nyrun.

JÉSUS-CHRIST I DYASIN FE'N BO LUC KLELI'N 18:8

Cɛcɛ, ɔ ´jran bé sin di be jɔlɛ sɔ'n ndɛndɛ kpa. ?Sanngɛ kɛ m bɔ n kacili Sran'n m ´ba'n, n ´wun sran bɔ kun b'ɔ lafi Nyanmiɛn su asiɛ'n su wa-a?»

JÉSUS-CHRIST I DYASIN FE'N BO LUC KLELI'N 2:12

Nzɔliɛ nga amun ´fa si i'n yɛ: amun wa wun ba nɔnman kun bɔ b'a cici i wun ɔ la nnɛn'm be like diwlɛ nun, i-ɔ .»

JÉSUS-CHRIST I DYASIN FE'N BO LUC KLELI'N 2:16

Be ɔli ndɛndɛ kpa. Be toli Mari nin Zozɛf, ɔ nin ba nɔnman'n b'ɔ la nnɛn'm be like diwlɛ nun'n be lɔ.

JÉSUS-CHRIST I DYASIN FE'N BO LUC KLELI'N 2:7

nan ɔ'a wu i talua ba'n yasua. Ɔ cicili i wun lɛli i nnɛn'm be like diwlɛ'n nun, yɛlɛ kɛ b'a nyan-man sikewlɛ aofuɛ sua'n nun lɔ.

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

JÉSUS-CHRIST I DYASIN FE'N BO LUC KLELI'N 8:3

nin Kiza b'ɔ nian Erɔd i ninnge'm be su i yi Zani, yɛ Sizani, yɛ bla wie mun ekun. Bla sɔ'm be bɔbɔ yɛ be fa be sa nun like yɛ be fa nian be lika-a.

JÉSUS-CHRIST I DYASIN FE'N BO LUC KLELI'N 9:58

Jésus seli i kɛ: «Solongbi'm be lɛ kunman la nun, yɛ anunman'm bɔ be tu sin'n, be lɛ lawlɛ, sanngɛ m bɔ n kacili Sran'n n lɛ-man lika bɔ n la nun de wunmiɛn bɔ kaan-an.»

Jean 1:51

Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

Jean 12:34

Sran'm be usɛli i kɛ: «E kɛnngɛn i mmla'n nun kɛ Krist su wu-man mlɔnmlɔn. ?Sɛ ɔ ti sɔ'n, ɔ yo sɛ yɛ man a se kɛ san be ´man i b'ɔ kacili Sran'n i su nin-ɔn? ?Sran b'ɔ kacili sɔ'n yɛlɛ wan ?»

Jean 13:31

Kɛ Zidas fitɛli'n, Jésus seli kɛ: «Siɛn'n, m bɔ n kacili Sran'n, n sran wafa nga n ti'n i nglo yilɛ'n ɔ'a ju, yɛ min ti, Nyanmiɛn a yi i wun nglo.»

Jean 3:13

Sran fi nian ɔ-man nyanmiɛn su lɔ le san m bɔ n kacili Sran'n bɔ n fin lɔ bali'n.

Jean 3:14

Kɛ Moiz sieli wuo kun nglo aawlɛ flɛnnɛn nun lɔ'n , i kunngba'n, san be ´man m bɔ n kacili Sran'n n su sɔ

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Jean 6:53

Jésus seli be kɛ: «Nanwlɛ, sɛ amu'an di-man m bɔ n kacili Sran'n min nnɛn'n, yɛ sɛ amu'an nɔn-man min mmoja'n, an su nyan-man nguan.

Jean 6:62

?Sɛ an wun kɛ m bɔ n kacili Sran'n n su fu kan n wo lɔ laa'n, amun ´yo amun wun sɛ?

Sa nga bé yôli'n 7:56

Yɛ ɔ seli kɛ: «An `nian, n wun nyanmiɛn su lɔ kɛ ɔ ti tikewa, yɛ i b'ɔ kacili Sran'n ɔ jin Nyanmiɛn fama su.»

2 Korɛntfuɛ Mun 8:9

Afin an si ye dan nga e Min Jésus-Krist yoli ye'n: i b'ɔ ti anyanbeunfuɛ'n, ɔ kacili i wun yalɛfuɛ amun ti nan i yalɛ sɔ'n nun an kaci anyanbeunfuɛ.